До нашата редакција пристигна информација дека денеска 29.12.2015г., околу 3:30 часот после полноќ, на улицата Кеј 19ти септември, биле опожарени две возила во сопственост на Златко Ангелески.
Полицијата излезе на лице место, извршени се снимања и претграги и се работи на откривање на сторителот.
Од сопственикот на возилата дознаваме дека се сомнева во одредени лица, со кои во изминатиот период имал недоразбирања.
Истрагата е во тек.
Новогодишната елка пред Историскиот музеј во Монтереј во Мексико е направена од пластични канти за ѓубре и корпи.
Новогодишна елка на Староградскиот плоштад во Прага.
Новогодишна елка пред катедралата во Милано.
Новогодишна елка пред зградата на градската влада во Токио.
Новогодишна елка на Дворскиот плоштад во Санкт Петербург.
Инсталација со светилки обликувани како новогодишна елка на плоштадот Кастело во Торино, Италија.
Новогодишна елка во лагуна Родриго де Фрејтас во Рио де Жанеиро, во Бразил.
Голема новогодишна елка во трговскиот центар во малезиската престолнина Куала Лумпур.
Новогодишна елка од стари прозорски рамки во естонскиот град Раквере.
Новогодишна елка, пред џамијата Ел Амин во Бејрут.
Осветлено дрво во Градината на утринскиот мир во Јужна Кореа.
Новогодишна елка пред лизгалиштето на Црвениот плоштад во Москва.
Новогодишна елка во трговскиот центар во Манила, престолнината на Филипини.
Елка на главниот влез во Централниот парк на културата и одморот,,Горки“ во Москва.
Мостот кај ОУ „Кочо Рацин“ доби нов лик. Оградата има нов современ изглед, изработена од метал со светлосни ефекти и бел мермер. Ваквиот современ дизајн на ограда ќе допринесе за урбан поглед на мостот во текот на целиот ден. Вкупната инвестиција за неговата реконструкција чини 2.300.000 денари средства обезбедени од Буџетот на локланата самоуправа.
Љубовта, вербата и надежта за поубаво утро, за милион насмевки, за многу силни прегратки и остварени желби нека траат за врме на новогодишните и Божиќните празници и никогаш нека нѐ не напуштаат. Топлината, радоста и ведриот дух секогаш да бидат со нас. Новогодишната магија најмногу ги обзема најмладите. За да го почувствуваат духот на Нова година и Божиќ и да знаат дека не се сами, денеска, претставници на Фондацијата Ѓорѓија Џорџ Атанасоски на децата штитеници на Центарот за социјални грижи во Прилеп им доделија новогодишни пакетчиња. Во име на основачот на фондацијата г-дин Ѓорѓија Џорџ Атанасоски и директорот на Фондацијата г-дин Николас Атанасоски, им посакаа многу здравје, љубов, бериќетна и успешна година.
-Во следната година да бидете многу здрави, весели и мудри. Со многу радост ви пренесуваме срдечни честитки за новогодишните и Божиќните празници од директорот на Фондацијата Ѓорѓија Џорџ Атанасоски, г-дин Николас Атанасоски, изјавија Елизабета Мојсоска.
Во текот на изминатата седмица, директорот Атанасоски, го посети СОС детското село и на тамошните жители им додели новогодишни пакетчиња со искрени желби за среќна и успешна нова година, информираше Мојсоска.
Овие две донации како и конкурсот за најдобри постигнати резултати при полагање TOEFL тест како доказ за познавање на англискиот јазик, додава Мојсоска, се само еден почеток на активностите на фондацијата која постои само два месеца и доволен показател за нејзината сериозност во понатамошните активности.
Целта за основање на ФОНДАЦИЈАТА ЃОРЃИЈА ЏОРЏ АТАНАСОСКИ е заштита, обнова, унапредување и промоција на македонското историско, национално, културно и духовно наследство и богатство, во Македонија и во светот и подршка и развој на граѓанското опшество , едукација на млади од секоја област, организирање на јавни дебати и трибини , хуманитарни активности преку собирање средства и нивно насочување кон одредени сегменти во општеството кои се од интерес за пошироката јавност, како што се хуманитарни активности, образование и животна средина, стипендирање и подржување на талентирани студенти од било која област.
Девојката била на штица за сурфање близу Санта Круз во Калифорнија, па за малку ќе завршела како ручек на еден кит.
Барб Роџер за тоа време снимала со камера додека два огромни кита испливале од мирната вода и тоа премногу блиску до двата кајакари и девојката.
Јаболковиот оцет има лековити својства… Помеѓу останатите, со него може да ги избелите забите.
Овој оцет добива со ферментација на јаболка, богат е со пектиним и одличен е за прочистување на устата и грлото. Ги убива бактерии, отстранува дамки од забите и го отстранува забниот камен.
Како да го користите јаболковиот оцет за избелување на забите?
Сипете една супена лажица јаболков оцет во една голема чаша со вода (2,5 дл.) и промешајте. Секое утро, пред миење на забите, исплакнете ја устата со оцетот, а потоа исчеткајте ги забите со четка. Потоа измијте ги забите со паста, како и обично.
Важни напомени
Внимавајте да не направите појак раствор од пропишаното зошто така можете да ги оштетите забите.
Секој пат пред миење промешајте ја преостаната течност во чашата.
За околу 270.000 ученици во основните и во средните училишта утре ќе почне зимскиот распуст.
Наставата од учебната 2015/2016 година ќе продолжи на 21 јануари 2016 година.
Црвениот плоштад во Москва оваа година првпат ќе биде затворен за јавноста поради стравувањата од можни напади врз рускиот главен град.
Полицијата оваа година ќе ги блокира сите приоди, предупреди шефот на одделот за безбедност на градот Алексеј Мајоров, додавајќи дека во градот има многу други места каде што сите што сакаат можат прекрасно да се забавуваат.
Руските власти како причина за овие мерки го наведоа снимањето на годинашниов новогодишен концерт од Црвениот плоштад, кој директно ќе се пренесува на првиот канал на државната телевизија. На него ќе може да присуствува само публиката што претходно ја одбрале градските власти.
Неочекуваната одлука е донесена откако властите во Москва ги засилија безбедносните мерки по нападот врз рускиот авион во Египет кон крајот на октомври, при што загинаа 224 патници и членови на екипажот, а потоа и по нападот во Париз на 13 ноември, во кој загинаа 130 лица.
„Не е никаква тајна дека Москва е на нишан на терористите“, потсети градоначалникот на Москва, Сергеј Собјанин. На влезовите во трговските центри ќе бидат поставени метални детектори, а чуварите на паркинзите ќе бидат овластени да ги прегледуваат автомобилите и багажниците на возилата што ќе им се видат сомнителни.
Од другите мерки, руската главна телевизиска кула Останкино месецов беше оградена со боцкава жица, на пешачките површини во Москва се поставени дополнителни безбедносни камери, а полицијата сега низ метро-станиците патролира со кучиња-трагачи.
Со новиот закон за извршување, кој е во собраниска процедура, извршителите нема веќе да им ги блокираат сметките на граѓаните без предупредување. Со овој акт се предлага извршителот, задолжително, пред да блокира сметка, писмено да го извести должникот и да побара од него во рок од три дена да го плати долгот.
Истовремено, должникот треба да го извести извршителот дали е вработен или не, каква е неговата имотна состојба, висината на приходите од плата и други надоместоци. Ако должникот не одговори на предупредувањето, тогаш сметката ќе му биде блокирана.
Со новиот закон, исто така, се воведува и вонсудска наплата на долгови за струја, вода, парно, за телефон, кабелски оператори или куќен совет. Тоа значи дека со новата постапка ќе се избегнат трошоците што за комуналните сметки сега ги прават адвокатите, нотарите или, пак, судовите.
Законот е во собраниска процедура и се очекува да биде изгласан на почетокот на 2016 година.
Бензините од ноќеска на полноќ ќе поевтинат за еден, а дизелот за три денари, одлучи денеска Регулаторната комисија за енергетика.
Литар ЕУРОСУПЕР БС-95 ќе се продава за 61,50, а ЕУРОСУПЕР БС-98 за 63,50 денари.
Новата цена на ЕУРОДИЗЕЛ (Д-Е V) ќе изнесува 43,50 денари. Екстра лесното масло за домаќинство поевтинува за 3,5 денари и ќе чини 32 денара за литар.
Цената на мазутот М-1 НС се намалува за 1,774 денари за килограм и ќе изнесува 15.969 денари.
Регулаторната комисија за енергетика ја утврди новата цена на горивата врз основа на движењата на цената на суровата нафта на светскиот пазар и курсот на денарот во однос на доларот во изминатите 14 дена.
