Во присуство на Министерот за одбрана Зоран Јолевски, пратениците во Собранието на РМ, советници, борци, претставници од локалната самоуправа предводена од градоначалникот Марјан Ристески, политички партии и пред голем број на граѓани денеска беше положено свежо цвеќе пред спомениците од втората светска војна.

Делегациите се поклонија на Могилата на непобедените, во Паркот на Револуцијата, каде се моштите на 650-те борци што ги дал Прилеп, пред бистите на народните херои во Алејата на хероите. Почит им беше оддадена и на првиот председател на Президиумот на АСНОМ, Методија Андонов Ченто и на идеологот на Револуцијата Кузман Јосифоски Питу.

Министерот Јолевски посочи дека:

„Столбот на државноста, гарантот на независноста на Република Македонија своите корени ги влече токму од идеите за слободна Македонија, идеите за победа над тиранијата на фашистичкиот окупатор. Токму затоа, овој голем празник, денот кога пукнаа првите пушки во Прилеп и Куманово, Македонија застана на страната на правдата е многу значаен за нас“.

„Прилеп и прилепчани секогаш несебично застанувале на браникот на Татковината. Овој град многу дал за слободата на Македонија и затоа е гордост да се биде Прилепчанец посебно на овој голем ден“, посочи во својата изјава градоначалникот Марјан Ристески.

Во чест на празникот, на булеварот „Гоце Делчев“ се одржа и изложба на оружје и воена опрема на АРМ. Изложбата ја организираат Министерството за одбрана и АРМ. На булеварот се одржа и изложба на автомобили и олд-тајмери.

После спектакуларниот огномет синоќа и низата музички и културни настани, денес во центарот на Прилеп продолжи одбележувањето на 75-годишнината од почетокот на народноослободителната борба, “11-Октомври”.

Прилепчани имаа можност да погледнат дел од арсеналот и воената опрема на Армијата на Република Македонија и да се дружат со припадниците на војската.

Како дел од програмата за одбележување на денот на народното востание, 11-Октомври, денеска во централното градско подрачје на Прилеп се организираше и изложба на автомобили насловена како “Тuning Car Show”.

Прилепчани имаа можност да уживаат во глетката и да се фотографираат со страшните “ѕверови” .

Денес се навршуваат 75 години од народното востание против фашистичкиот окупатор, ден кога храбрите борци го трасираа патот кон независна и слободна Република Македонија. Низ вековите македонскиот народ многу пати се дигал против тираните, но АСНОМЦИТЕ се тие кои ни ја подарија слободата во која живееме сега. Овие слободољупци оставиле аманет да ја чуваме со крв спечалената слобода на татковината, амантет кој треба да се цени и почитува. За нас Македонците антифашистичката борба беше момент на национално будење, потврда дека сме спремни самостојно да ја одбраниме татковината, и самостојно да ги удриме темелите за независна република.

Овој голем празник е причина повеќе за да се потсетиме дека Македонија е, и секогаш била на страната на прогресот, слободата и демократијата.

За многу години нека ни е празникот и вечен спомен на загинатите борци.

Со голем број настани од областа на културата, спортот, како и со низа музички случувања, синоќа во Прилеп се одбележуваше денот кога започнало народното востание на македонскиот народ против фашистичкиот окупатор.

Неизбежен дел секоја година од празничкото одбележување е реконструкцијата од нападот на Участакот, што и оваа година беше проследено со голем огномет.

Од најубав агол преку фотографии ви го пренесуваме синоќешниот спектакл на небото над Прилеп

Очаен интерес за маршот во Скопје кај прилепчани. Негативната антинационална политика, коалициите со федерилизаторите и поддршката за ЛГБТ заедницата, придонесе денес да биде најслабиот одзив кај опозиционерите.

Најавата за двојазичност во Прилеп искажана токму од овој град наиде на страшен отпор кај градот херој, кој денес славеше 75 години од почетокот на народноослободителната борба.

Младото момче коe што успеа да го добие најубавиот подарок од италијанската фудбалска легенда, Џанлуиџи Буфон се вика Анид Абази од Скопје.

Момчето веднаш после последниот свиреж на судијата во квалификациониoт натпревар помеѓу Македонија – Италија успеа да му побегне на обезбедувањето и да се сретне со неговиот идол Буфон кој му ја подари неговата десна ракавица.

Инаку на социјалните мрежи се појавија гласини дека на момчето му била одземена ракавицата од страна на некој од обезбедувањето во стадионот.

Но, Анид демантираше и нè осигура дека ракавицата се уште е кај него.

-Вечерва го доживеав еден од најубавите моменти во мојот живот. Бев присутен на натпреварот Македонија-Италија и со брат ми направивме план како да влеземе на теренот и да се сретнеме со легендата Џанлуиџи Буфон. Откако влегов во теренот, трчав накај Буфон и го прегрнав, а тој ми ја подари неговата ракавица, напиша малиот Анид на социјалните мрежи по натпреварот.

Претседателите на Русија и Турција Владимир Путин и Реџеп Таип Ердоган одржаа заедничка конференција за медиуми, по завршувањето на маргините на Светскиот енергетски конгрес во Истанбул

Договорот од руската страна го потпиша министерот за енергетика Александар Новак, а од туската министерот за енергетика и природните ресурски Берат Албајрак. Путин додаде дека во рамките на дискусијата за проектот Москва и Анкара исто така се договориле Турција да добие попуст на гасот.

По долгиот билатерален состанок на двајцата лидери, потпиан е договорот за гасоводот „Турски тек“, со цел да се убрза припремата за почетокот на изградбата. Потпишувањето на меѓувладиниот договор помеѓу Русија и Турција за гасоводот „Турски Тек“ ќе ја убрза имплементаицјата на проектот. Двете страни се договориле да ја интензивираат работата на нуклеарната електрана „Акују“, изјавил претседателот на Турција.

„Според овој само што потпишан меѓудржавен договор, одлучено е да се забрзаат работите на Турскиот тек. Другото важно прашање е нуклеарната електрана Акују. Тука е постигнат договор додатно да се забрза работата на нуклеарната електрана. Уверен сум дека ќе бидеме во состојба да го надополните изгубеното време во изминатиот период“, истакнал Ердоган. Претходно директорот на „Гаспром“ Алексеј Милер соопшти дека договорот помеѓу Русија и Турција подразбира изградба на две линии на магистралниот гасовод по дното на Црното Море, а капацитетот на секоја линија е поголем од 15 милијарди кубни метри гас.
Се претпоставува дека снабдувањето со гас преку првата линија ќе биде во целост предвидн за турските корисници. Другата линија е предвидена за европскиот пазар, но нејзината изградба би можела да биде дури по добивањето на гаранции од Европската Унија.

Постојат многу луѓе кои сметаат дека кучињата како ова се агресивни, но ова видео покажува дека тоа воопшто не е така.

Малото маче му пријде на питбулот а неговата реакција ќе ве остави без збор.

Погледнете го видеото и ќе видите за што станува збор.

МАРКУКУЛЕ.МК