Со свечена програма подготвена од страна на учениците од ОУ „Добре Јованоски“ беше одбележан патрониот празник на училиштето.
Градоначалникот Марјан Ристески и Советникот за образование Марјан Матракоски денеска положија свежо цвеќе пред бистата на херојот во училиштето, а воедно присуствуваа и на пригодната свеченост. Градоначалникот ги поздрави присутните гости и колективот честитајќи им го празникот и посочувајќи дека ОУ „Добре Јованоски“ е пример за соживот и успех на Македонската и Ромската популација на ниво на Македонија и пошироко. Исто така тој посочи дека наскоро училиштето ќе добие нова спортска сала, а планиранио е и доуредување на училишниот двор.

[Best_Wordpress_Gallery id=”37″ gal_title=”Патрон празник на ОУ „Добре Јованоски“-2″]

[Best_Wordpress_Gallery id=”38″ gal_title=”Calypso – 18.09.2015 Ноќен Живот”]

Украинската безбедносна служба добила указ потпишан од шефот на државата Петро Порошнко со кој на поранешниот италијански премиер Силвио Берлускони му се забранува влез во Украина.

Забраната кон Берускони е изречена поради неговата неодамнешна посета на полуостровот Крим, кого минатата година го анкерираше Русија.

– Во врска со италијанскиот државјанин Силвио Берлусокони на 14 септември беше донесена одлука со која му се забранува влез на територијата на Украина за период од три години, во интерес на безбедноста на државата, се наведува во документот кој го објави украинскиот весник „Апостроф“.

Имено, одлуката за прогласување на Берлускони за пресона нон грата во Украина уследи откако украинското јавно обвинителство нареди започнување истрага во врска со неговата посета на Крим.

Порошенко вчера потпишал указ со која на околу 400 лица им се забранува влез во Украина, затоа што се оценети како закана за украинската национална безбедност.

На листата се најдоа и 34 новинари и седуммина блогери од повеќе земји, меѓу кои и на тројца репортери од дописништвото на Би-Би-Си во Москва.

Во меѓу време, портпаролот на Порошенко, Свјатислав Цеголо денеска на својот налог на Твитер објави дека украинскиот претседател побарал од Советот за национална безбедност и одбрана од најновата листа на лица на кои им се забранува влез во Украина да бидат отстранети имињата на тројцата новинари од дописништвото на Би-Би-Си во Москва.

Информациите кои се појавија во англиските медиуми сугерираат дека Фенвеј групацијата се одлучила на продажба на Ливерпул.

Имено, американскиот конзорциум кој во 2010-та година го превзема клубот наводно е разочаран со резултатите на клубот и по примерот на американската бејзбол филозофија сакаат да го продадат Ливерпул.

„Црвените“ не успеваат да се наметнат резултатски, ниту маркентиншки, па Фенвеј групацијата ја разгледува својата позиција во клубот и размислуваат за заминување, со оглед на тоа дека интересот да останат во овој тим опаѓа.

Колку овие гласини се вистинити ќе покаже времето.

Денес во просториите на новата итна медицинска помош во Кривогаштани пристигна инвентар со кој се опремија сите простории во објектот кој се најдува во дворот на амбулантата во Кривогаштани. За краток временски период се очекува да започне со работа после вработувањето на персоналот. Со оваа инвестиција се решава еден од клучните проблеми на населението во општината и околните населени места од останатите соседни општини.

Иновацијата на популарните цигари „марлборо“, моделот „флејвер плус“ на „Филип Морис“ почна да се произведува во фабриката за цигари на Тутунски комбинат –Прилеп(ТКП) како дел од производство на заедничкото друштво на ТКП и „Филип Морис“.

-Пласманот ќе се случи брзо. Се прави одредена резерва за да може лансирањето да оди непречено. Станува збор за посебно иновативен формат од „марлборо“ , што ќе биде новина на македонскиот пазар. Имаме уште дена линија што треба да се активира и да се подготват нови формати какви досега немало, вели првиот човек на ТКП, Александар Дерменџиев.

Инаку, Тутунски комбинат без предизвикување турбуленции, туку доброволно, пролетоска ја реши превработеноста. Се ослободи до повеќе од 550 работници со испратнина од максимум 15 илјади евра така што сега се ангажирани над 400 луѓе.

-Уште има интерес за социјалниот пакет. Бараме начин за обезбедување средства. Уште има вишок вработени, но и кусок поради несоодветна структура. На некои позиции се повеќе, а на други недостигаат луѓе. Без претерани анализи, блиску до реалноста или до идеалното, би било добро да понудиме стотина дополнителни пакети и да примиме триесетина души како свежа крв за структурално подобрување, вели Дерменџиев.

Додека се собираат последните, најквалитетните листови тутун од годинешната берба, менаџментот на ТКП прогнозира дека годинешната сезона на откупот на тутунот ќе биде во знак на поголема побарувачка од понуда. Според процените на комбинатот, родот е поквалитетен, но количествата се намалени. Затоа се очекува битка меѓу откупувачите за килограм тутун повеќе.

Според процените на Дерменџиев, во земјава се произведени околу 19 илјади тони, а откупувачите склучиле договор за 24 илјади тони.

-Очекуваме да излеземе од списокот на загубарите и брзо да достигнеме позитива. Во вториот квартал загубата е намалена на 900 илјади евра, односно има тренд на намалување. Црвеното салдо го сведовме на нула до крајот на годинава, категоричен е Дерменџиев, додавајќи дека редовно се сервисираат ануитетите и каматите на старите кредити.

Играчот за врска на Барселона Рафиња Алкантара го скинал предниот вкрстен лигамент на коленото, што значи дека за него сезоната е завршена.

Дополнителните прегледи ги потврдиле претпоставките на лекарскиот тим на Барселона дека Бразилецот доживеал тешка повреда на мечот против Рома во рамките од ЛШ.

Тој влезе во игра во вториот дел на местото на Иван Ракитиќ, а веќе при првиот контакт со топката се најде на земјата во големи болки откако врз него стартуваше Раџа Наинголан.

Фудбалерот на Рома за овој негов потег доби жолт картон, а Рафиња мораше да ја напушти играта и да му го отстапи местото на Маскерано.

Без разлика на тоа што нема да игра до крајот на сезоната, Барселона одлучи да му понуди нов петгодишен договор на Рафиња, со оглед на тоа дека актуелниот му истекува во 2016-та година.

Над 1.000 посети се регистрирани за два дена на интернет страницата на новоосновата Филмска академија во Охрид, за која се во тек уписите.

На Институтот за филм, кој ќе биде придружна членка на Универзитетот „Гоце Делчев“ во Штип, ќе предаваат професори од петтата најстара филмска школа во светот, ФАМУ од Прага.

– Во првата година од функционирањето, Институтот за филм започнува со постдипломски студии на Катедрата за сценаристика и драматургија и Катедрата за креативна продукција. Програмите се прилагодени специјално за оваа институција согласно стандардите, принципите и долгата традиција на ФАМУ во Прага, а ќе ги реализираат редовни, но и визитинг професори од Чешка. Секако, во иднина понудата ќе биде дополнително надградена и проширена, вели заменик-министерот за образование и наука Спиро Ристовски.

Плановите се институтот да прерасне во регионален едукативен центар. Македонското образование, посочува Ристовски, ќе се унапредува со помош на најдобрата европска филмска школа.

На ФАМУ, петта најстара филмска и телевизиска школа во светот, меѓу другите, се образувале македонскиот професор, режисер, продуцент и сценарист Иво Трајков, како и режисерите и писатели Јиржи Менцел, Милан Кундера, Милош Форман, Емир Кустурица, Лордан Зафрановиќ и Вацлав Хавел.

За упис на академијата за филм во Охрид заинтересираните кандидати од државава и странство може да аплицираат преку пополнување електронска пријава на веб страницата www.filmacademyohrid.com,. Стручен тим на Академијата ќе организира интервјуа и ќе изврши конечна селекција на идните студенти. Официјалната интернет страница на Академијата, нагласува Ристовски, во првите два дена има повеќе од 1.000 посети.

Почетокот на новата академија Министерството за образование и наука ќе го поддржи и со доделување 20 стипендии за студентите.

– Имајќи предвид дека се работи за нова високо образовна установа, во исклучително специфична област за овие простори и со релативно високи трошоци за студирање, Министерството за образование и наука одлучи за избраните студенти да додели дваесет целосни стипендии за студирање, за чиешто користење основен предуслов е кандидатот да е примен на оваа високо образовна установа. Сите дополнителни информации за останатите критериуми, како и за условите за доделување, може да се обезбедат на нашиот специјализиран интернет портал за стипендии –www.stipendii.mon.gov.mk, истакнува Ристовски.

Тој очекува успешен старт на проектот со кој смета дека ќе се зацврсти позицијата на македонското образование на меѓународно ниво и ќе се даде дополнителен импулс на националната, но и на регионалната филмска индустрија.

Во организација на сојузот на училишни спортови на општина Прилеп, денеска на спортско рекреативниот комплекс на Могила со турнири во фудбал, одбојка и баскет, беше оддбележана „Европската недела на спортот“.

Во спортските натпревари беа вклучени учениците од основните и средните училишта. Настанот беше посетен од страна на Градоначалникот Марјан Ристески и Советникот за образование Марјан Матракоски.

Градоначалникот Марјан Ристески посочи дека:
„Ваквите натпревари и инвестиции во спортските објекти јасно говорат за стратешката одлука на општина Прилеп да вложува и помага не само во спортот, туку и во други полиња кои се значајни за развојот и унапредувањето на животот на граѓаните.

По повод Европската недела на спортот во СОУ „Орде Чопела“ беше пуштено спортското игралиште со натпревар во фудбал на екипите од СОУ „Орде Чопела“ и СОУ „Кузман Јосифоски – Питу“. Градоначалникот Марјан Ристески кој беше во посета на ова средно училиште истакна дека општината и понатаму продолжува да инвестира во подобрување на условите во обрзаованието. Градоначалникот Ристески, исто така посочи дека на големо задоволство на учениците и вработените, училишната зграда ќе добие нова фасада, а планиранио е и доуредување на на училишниот двор на СОУ „Орде Чопела“.

[Best_Wordpress_Gallery id=”35″ gal_title=”Подобри услови за спортување во СОУ „Орде Чопела“-2″]