Американката Ронда Роузи ги меле противниците во рингот и е синоним за непобедливост во женска конкуренција во натпреварувањата во слободна борба УФЦ. Роузи која има рекорд од 12-0-0, во Ноември се среќава со сонародничката Холи Холм која е поранешна боксерка а од 2011 година е членка на УФЦ со личен рекорд од 9-0-0. Непоразените Роузи и Холм се среќаваат во епска битка на 14 ноември оваа година за појасот на УФЦ. Во продолжение најавата за мечот кој претстои е дело на прилепчанецот Мартин Пресилски кој е препознатлив на својот јутјуб канал со фантастични видео најави за нашите спортисти. Еве уште едно во низата но овој пат за убавата, истовремено опасна Ронда Роузи.

По повод празникот „23-Октомври – ден на Македонската револуционерна борба“ и во рамките на одбележувањето на 100-годишнината од раѓањето на Мирче Ацев, патронот на нашето училиште, Младинската заедница на Гимназијата организираше ораторска вечер на тема „Животните вредности денес“.
На ораторската вечер се натпреваруваа 9 ученици од нашето училиште, кои пред преполната сала на Градската библиотека „Борка Талески“ се претставија со своите ораторски вештини.

Ораторската вечер ја отвори ученичката Доротеа Дамјаноска која ја испеа Химната на Македонија.
За создавањето на Македонската револуционерна организација и за делото на Мирче Ацев говореше Надица Бунеска – претседателката на Младинската заедница. Таа ги запозна присутните со текот на ораторската вечер и ги претстави учесниците на истата.
Потоа пред присутните кратко излагање за двата светли датуми од историјата на македонскиот народ, имаше градоначалникот на Прилеп, г-дин Марјан Ристески.

На ораторската вечер со своите ораторски вештини се претставија: Сара Нешкоска, Илчо Лешникоски, Надица Чолакоска, Ангела Митреска, Деспина Силјаноска, Теодора Биноска, Цвете Јанеска, Стефани Мирческа и Анастасија Насевска.

Комисијата која ги оценуваше ораторските настапи на учесниците на ораторската вечер беше во состав: Проф. Рубин Матески – претседател на комисијата, Проф. Елена Стојаноска, Проф. Димче Настоски, Проф. Николче Богданоски и претседателката на Младинската заедница – Надица Бунеска.

На паузата, додека комисијата ги сумираше резултатите, пред присутните гости неколку музички нумери изведоа учениците Марко Цветаноски и Стефан Кукески.

Победници на оваа ораторска вечер беа:

Деспина Силјаноска – прво место
Сара Нешкоска – второ место
Надица Чолакоска – трето место

На учесниците на ораторската вечер им беа доделени благодарници, а на победниците, Градоначалникот и Директорот на гимназијата им доделија дипломи и книги со кои ќе ги збогатат своите знаења и своите ораторски вештини.

По повод одбележувањето на државниот празник 23 Октомври „ Денот на македонската револуционерна борба“, делегација од Локалната самоуправа на општина Прилеп положи свежо цвеќе пред спомениците на „Методија Андонов – Ченто“, „Ѓорче Петров“ и „Пере Тошев“, Могилата на Непобедените, на гробот на „Пере Тошев“ во црква „Св Благовештение“, пред спомен плочата на Ѓорче Петров во населба Варош и на гробот на Методија Патчев во Кадино село. На истите локации по повод 23-ти Октомври свежо цвеќе положија и претставници од останатите политички структури, сојуз на борци и здруженија на граѓани. Во рамките на одбележувањето на празникот во центарот на Прилеп се оддржа и Велосипедски настан – 122 години Македонска Револуционерна Борба, а во вечерните часови, започна честувањето на вечерна богослужба во црквата „Св. Петка“ и Духовна акдемија.

Како Балканец пазари во Германија ? Голем број Балканци во потрага по подобар живот заминуваат во Германија, која важи за богата европска земја.

Сепак граѓаните кога ќе стасаат во оваа држава често имаат проблем со јазикот, како што може да се види на најновата видео снимка што се појави на интернет и стана вистински хит.

Видеото е насловено „Балканец во Германија“, а во него можете да видитре како еден човек купува во продавница.

Како овој господин се снајде со германскиот јазик, погледнете во видеото:

Ноќта меѓу сабота и недела почнува зимското сметање на времето со што стрелките на часовникот ќе се поместат за еден час назад.

Тоа значи дека во 3 часот ноќта стрелките на часовникот треба да се вратат на 2 часот така што ќе се спие еден час повеќе.

Зимското сметање на времето почнува последниот викенд во октомври и трае до последниот викенд на март.

Поместувањето на стрелките во Западна Европа е воведено во почетокот на 1970-тие години со образложение дека со тоа се „продолжува“ денот, се овозможува заштеда во потрошувачката на електрична енергија, се зголемува продуктивноста, се подобрува приспособувањето на луѓето и работниот ден го прави поефикасен.

Преминувањето на летно и зимско време првпат е забележано во 1916 година во земјите на северна Европа, а досега воведено е во околу 70 земји, главно на северната хемисфера.

Стрелките не се поместуваат секаде во светот во исто време. Така, САД и Канада во 2007 година воведоа зимското сметање на времето да почнува во првата недела во ноември и да завршува во втората недела во март.

Поместувањето на времето во поголемиот дел случаи се извршува ноќта меѓу сабота и недела за да не предизвика поголеми проблеми за луѓето кои одат на работа.

Русија целосно го укина зимското сметање на времето во 2011 година, а Исланд е единствената европска земја која не воведе зимско и летно сметање на времето.

Сепак, некои астрономи се против поместувањето на стрелките и вештачкото „продолжување“ на денот, затоа што сметаат дека природата не треба да се „мачи“, па дури и ако се правда со економски пресметки.

23.октомври 1893 – Во Солун е основана Внатрешната Македонско-Одринска Револуционерна Организација (ВМОРО), која подоцна станува македонско национално движење и дејствува со цел за извојување автономија на Македонија преку револуционерна борба.

Врвна точка на дејноста на ВМОРО е организирањето на Илинденското востание во 1903 година во Македонија и на Преображенското востание во Одринска Тракија.

Основите на Организацијата се поставени на 5 ноември 1893 година (23 октомври – според стариот календар) во куќата на книжарот Иван Хаџи Николов во Солун.

На основачкиот состанок присуствуваат:
Д-р Христо Татарчев – лекар, родум од Ресен,
Даме Груев – учител, родум од с. Смилево – Битолско,
Петар Поп Арсов – учител, родум од с. Богомила – Велешко,
Иван Хаџи Николов – книжар во Солун, родум од Кукуш,
Антон Димитров – учител, родум од с. Ајватово – Солунско и
Христо Батанџиев – учител, родум од с. Гуменџа, Ениџе Вардарско.

Основачите почнуваат да ги шират овие револуционерни идеи меѓу прогресивната младина во Солунската егзархиска машка гимназија. Набргу учениците во гимназијата создаваат кружоци, конспиративни групи и др.

По завршувањето одат по своите родни места и таму почнуваат да агитираат.
Младите студенти и нивните професори стануваат стожерот, односно движечката сила на македонската револуција.
Емисарите на ТМОРО вршат обиколки по селата во Македонија и Одринска Тракијаи формираат месни комитети. Откако на овој начин се формира структурата на организацијата, се започнува со процесот на создавање на вооружени чети и почнуваат набавки на оружје по илегални канали од Бугарија и Грција.

Среќен 23-ти Откомври на сите Македонци во целиот свет.

Подвигот на Американецот Џош Бодуен многумина остави без здив – овој 33-годишен професионален акробат премина преку жица оптегната над бара преполна со крволочни крокодили.

Бодуен својот од по жица го забележал со камера и снимката ја поставил на интернет. За неколку секунди може да се види неговото напредување по јажето со ширина од 2,5 сантиметри, без никаква заштита, над матната вода во која се кријат крокодилите.

За време на преминот, младиот акробат стаса дури на крокодилите да им фрла парчиња месо.

-Во оваа рабта е важно да го препознаете стравот, но да не му дозволите да ја преземе контролата над вас, вели Бодуен.

-Имав впечаток дека во барата има најмалку 100 крокодили, но ког ги изброив утврдив дека се само девет. Меѓутоа, набрзо, започнаа да доаѓаат и други. Тогаш сфатив дека не смеам да погрешам, раскажува Бодуен.

Во еден момент „крокодилите беа многу блиску до мојата нога“, вели тој, додавајќи дека сепак успеал да остане присебен и безбедно да ја заврши екстремно ризичната прошетка по жица.

Пирамидата во Босна најголема во светот!? Масивните структури стари илјадници години се откриени во БиХ, каде е вклучена и пирамидата на сонцето.

Масивните структури стари илјадници години се откриени во БиХ, каде е вклучена и пирамидата на сонцето, пишува Дејли стар.

Археологот Семир Османагиќ, кој тврди дека ги открил пирамидите, вели дека Пирамидата на Сонцето е најголема во светот, дури поголема и од оние во Египет.Тој вели дека структурите ги открил случајно, по посетата на Високо.

Тој поминал илјадници часа проучувајќи го и ископувајќи го теренот, но и презентирајќи ги своите откритија пред Унивиерзитетите.

Според некои, неговите откритија се измама, но професорот е одлучен во намерата да покаже дека е во право.

Тој вели дека долината на пирамидите се состои од пирамидални структури на Сонцето, Месечината, Змејот, Мајката Земја и Љубовта.

На самиот врв пирамидата во радиус од 4, 5 метри ибило измерено електромагнетно зрачење од 28 килохерци што не е природна појава, ниту пак модерниот човек денес го користи во технологиите.

Голем број експерти тврадт дека пирамидите се направени како гробници за мртвите луѓе, фараоните и сл. Но, тие се направени за генерациите жви луѓе затоа што ја поседуваат енергијата што нам ни е потребна. Ултразвучното зрачење на врвот изнесува 28 килохерци што е клучно за левитацијата. Голем број спиритуални посетители тврдат дека се чувствуваат како да лебдат кога се наоѓаат на врвот. Исто така измерена е и фрекфенција од 7, 83 херци на дното што е позната како резонанцата на Шуман а која е идеална за живиот свет на планетата затоа што под нејзино влијание најдибро ги развиваме физичките, умствените и спиритуалните сетила и способности. Но оваа резонанца исчезнала поради технологијата што ја развива човештвото, тврди Османагиќ.

Исто така во тунелите под пирамидите бил откриен голем број негативни јони што ги поништуваат негативните бактерии и останатите супстанци во човековиот организам. Голем број туристи тврдат дека се чувствуваат многу подобро кога ќе излезат од нив.

Започнати се активностите за доизградба на тротоарот на улица Филип Втори во Кривогаштани од Црквата Св.Димитрија до Фонтаната. Изградбата е финансирана од општина Кривогаштани во вредност од околу 300 000 денари каде што со бекатон поплочени ќе бидат нешто повеќе од 200 метри квадратни. Со реализацијата на овај проект ќе се оформи една целина заедно со досегашниот тротоар покрај самата црква. Општината и понатаму ќе продолжи со реализацијата на проекти за уредување на централните подрачја на сите населени места во општина Кривогаштани.