Најмладите џудо мајстори продолжуваат да носат медали од натпреварите. Недела 8.11.2015 во Скопје спортска сала Македонија одржано е државното првенство на Р.Македонија за млади возрасни категории. На натпреварот учествуваа осум клубови од републиката. Освоени се 20 места на државно ниво од кои 6 први, 7 втори и 7 трети.
Први места освоија:
Петрески Мартин
Богданоски Христија
Ристеска Христина
Спиркоски Дино
Ристески Гоце
Томески Никола

Второ место:
Стефановиќ Андреј
Павлоски Михаил
Кироваков Марко
Петејчук Лука
Станојоски Андреј
Стојаноски Јован

Трето место:
Спиркоски Никола
Самарџиоски Петар
Стојаноски Михаил
Ангелески Христијан
Кочоски Никола
Стојческа Симона
Цаневски Валентин

Сите такмичари на клубот покажаја изузетна борбеност и желба за победа во секој меч на натпреварот.
Честитки за сите натпреварувачи и освојувачи на дипломи.

Музиката му е живот, тапаните опсесија. Младиот и страшно амбициозен музичар, Филип Јездиќ, е едно големо музичко изненадување, а воедно и откритие, што не прави горди дека е наш сограѓанин. Настапувал со повеќе локални бендови, за сега да биде во редовите на големи музички имиња и да твори заедно со момците од Chromatic Point. Филип е скромен дечко кој сигурно чекори кон успех. Се надеваме дека со овој интервју разговор ќе ви откриеме многу повеќе за него и неговата музичка кариера.

Здраво Филип, добредојде на страниците на маркукуле.мк
Кажи ни нешто повеќе за тебе, како се роди желбата за музицирање, зошто баш тапани и дали Филип Јездиќ умее и на друг инструмент?

• Јас сум човек кој е опседнат со музика и филмови. Желбата за музика ми се јави на многу рана возраст, на 5-6 години. Тапаните ми беа љубов на прв поглед. Едноставно бев фасциниран од тоа како еден тапанар може да работи со две раце и две нозе. Често се прашувам дали јас самиот одбрав да свирам тапани или тие ме одбраа мене ? 🙂 Се работи за доста физички инструмент и преку тапаните најбрзо можам да ја потрошам сопствената енергија. Исто така свирам гитара, бас гитара и пиано.

Си се обидел ли да бидеш во улога на фронтмен? Дали Филип освен што знае одлично да музицира знае и да пее?

• Искрено понекогаш се чувствувам како јас да сум фронтмен, иако седам позади тапаните. Го кажувам ова бидејќи сум ја видел таа реакција на публиката кога преку цела свирка гледаат во мене што значи дека добро ги забавувам 🙂 Што се однесува до пеењето, секој знае да пее под туш хаха, се шалам. Можам да бидам само пратечки вокал, ништо повеќе.

Што е тоа што те исполнува во  музиката?

• Кога ми било најтешко во животот музиката ми била најдобар другар. Едноставно неможам да го замислам животот без неа. Се обидувам да сфатам која е таа моќ што ја поседува. Како е возможно во дел од секундата да го промени расположението на еден човек ? Не би можел лесно да одговорам на ова прашање бидејќи често варира мојот вкус за музика. Некогаш ме испослнува добра мелодија, некогаш риф, некогаш добар грув итн. Во моментов можам да слушам black metal, a по половина час да слушам поп музика.

Ти си една од новите откритија на музичката сцена. Во Прилеп имаш настапувано со повеќе бендови и со сите нив успешно. Но она што е поново е твоето музицирање со Chromatic Point. Како дојде до оваа соработка и од кога започна твоето членување во оваа музичка група?

• Кога човек го работи она што го сака и нормално кога нештото го работи со најголема љубов, соништата ќе му се остварат. Со ова не сакам да кажам дека сонот ми беше да свирам со Chromatic Point, туку сонот ми беше да свирам со луѓе кои се опседнати со музика исто како мене и кои максимално и се посветуваат на музиката. Тие ми дадоја да научам неколку песни од првиот албум. Направивме проба и работата течеше одлично. Со нив свирам година и пол. Во декември минатата година издадовме албум кој се вика ”Слики од старата куќа”.

Каков стил на музика негувате, кои музички стандарди си ги имате поставено пред себе?

• Ние свириме прогресив рок/метал со примеси на етно елементи, а јас би рекол дека свириме добра музика бидејќи за мене пости само добра и лоша музика. Сакаме да се промовираме и надвор од Македонија. Потпишавме договор со Miner Recordings. Би требало за брзо време нашиот албум да се продава и во Србија.

Што до сега имате сработено како музички продукт и кои се вашите идни планови?

• Бендот има снимено два албуми  ”Златен пресек”  и албумот на кој што свирам јас ”Слики од старата куќа”.  Mоментално работиме на трет албум, а нашите идни планови се да компонираме добра музика и таа да ја промовираме надвор од Македонија.

Според тебе, дали избегнувањето на комерцијалната музика во денешно време може да донесе успех за еден музичар, за една група, или пак тоа е неизбежно кога се сака да се достигне врвот?

• Без разлика дали се работи за комерцијална или некомерцијална музика, доколку е квалитетна сметам дека може да донесе успех за секој музичар.

Кои се твоите музички идоли, оние чии достигнувања се стремиш да ги постигнеш?

• Постојат повеќе ликови кои ги обожавам, но би го спомнал Dave Grohl.

Има ли перспектива македонската музичка сцена на полето на рок и метал музиката, постојат ли повеќе фаци како вас кои сметаш дека би се пробиле низ сивилото наречено турбо фолк, Цеца, Аца Лукас?

• Секогаш имало и секогаш ќе има квалитетни бендови кои прават квалитетна музика во Македонија, но искрено тука не гледам перспектива со рок музика.Никој не ни е крив што го прифаќаме турбо фолкот. Тоа е исто кога одиш на пазар. Имаш различни тезги и никој не ти кажува од која тезга да купиш. Сам си избираш.

Има ли Филип освојувано награди, учевства на фестивали?

• Имам освојувано награди,но сметам дека музиката не треба да се гледа како натпревар. Секој си има свој карактер и свој начин на изразување. Во уметноста нема подобар,има само омилен (за сопствениот вкус).

Кој е твојот пат до успехот и како би го опишал истиот?

• Мојата цел во животот е да правам музика и таа да можам да му ја понудам на народот да ја слуша,нормално свирејќи ја по концерти. Секој човек треба да го работи она што го исполнува најмногу и не би било фер времето да го поминуваме работејќи нешто што не го сакаме бидејќи животот е краток. Секој човек треба да биде свој, да биде упорен и трпелив, а според мене тоа е патот до успехот. Сите треба да сонуваме и да се бориме за реализирање на својот сон. Јас сакам да оставам нешто зад себе, нешто што ќе живее после мене.

Порака до читателите на маркукуле.мк и љубителите на Рок музиката?

• Пред се сакам да му се заблагодарам на сите кои ме поддржуваат во ова што го работам,а за љубителите на рок музиката…продолжете да ја слушате 🙂

Подготви: Александар Георгиоски

Индија ја тужи британската кралица за дијамантот Кох-и-нор. Овој дијамант кој сега е дел од кралската круна во Британија, своевремено бил најголемиот во светот и се проценува дека вреди 100 милиони фунти.

Сега Индија го бара назад.

Кох-и-нор дијамантот бил дел од кралската круна на Кралицата Мајка за време на крунисувањето на нејзиниот сопруг Кралот Џорџ Шести во 1937-та и потоа за време на крунисувањето на кралицата Елизабета во 1953-тата.

Доктор е повреден на една од скопските клиники во рамки на Клиничкиот центар „Мајка Тереза“.

Како што неофицијално дознаваме, во докторот било пукано со огнено оружје, најверојатно од две лица.

Во Клиничкиот центар има голем број полициски екипи.

Повредениот доктор според првичните информации се бори за живот, а неофицијално напаѓачите се уапсени.

Од МВР потврдуваат дека има повредено лице, но повеќе детали ќе соопштат во текот на денот.

Сопругата на милионерот, Ромаин Заго имала тешка задача да му приреди роденденска забава на нејзиниот сакан имајќи во предвид дека тој доживеал скоро се.

Јоана Крупа, смислила супер идеја како да го изненади својот партнер.

Таа ја поканила супер секси актерката, Кармен Електра за да и помогне да ја загрее атмосферата на забавата на Заго.

Поранешната ѕвезда на „Бејвоч„ заедно со неколку други танчарки ја наелектризирале атмосферата и видно го изненадиле славеникот.

Двајцата браќа живеат во Лондон во скап стан, а се што денес им треба е огромна плазма во станот, два лаптопа и сметка во кладилница.

Браќата Алекс и Гавин Вокер се обидоа да појаснат како заработиле толку пари.

-Се кладиме само на фудбал и главно играме сингл натпревари. Најдобро е да ги играте натпреварите кои се почнати, затоа што тогаш е полесно да се донесе одлука за тоа што ќе се случи на мечот, вели Гавин Вокер.

-Се кладиме буквално на се, на пример ќе станеме во 7 наутро и ќе гледаме женски натпревар меѓу Узбекистан и Јапонија до 16 години. Ќе најдеме добар стрим од Кина, ќе се навалиме на креветот и уживаме, вели тој.

Истакнува дека дневно гледаат по пет меча и дека никогаш не им здосадува, а дека нивните влогови секој пат се повисоки и повисоки.

Порака за кладилничарите?

-Играјте натпревари кои се во тек и немојте да ставате повеќе натпревари на тикетите. Само синглови поминуваат. Морате да ги побарате кладилничарските коефициенти кои се погрешни и тоа да го искористите, вели Вокер.

Ученикот од гимназијата Мирче Ацев и член на ППК Младост96 Александар Рикалоски, и оваа година го потврди континуитетот во освојување на високи места на Државните натпревари. После една титула Државен првак и две титули вицешампион на Македонија во основни училишта, во својата прва година освоена е вицешампионската титула и во средните училишта. Во финалниот натпревар доживеа пораз од Христијан Јованов од Скопје со резултат 2-1, иако титулата му беше многу блиску, и нијански одлучуваа за победата. Во финалето Рикалоски имаше во низа 6 победи. Освоеното второ место претставува одличен успех ако се знае дека ова е негова прва година да учествува на натпревар на средни училишта ( младинци) каде конкуренцијата е многу голема. Со освојување на второто место се здоби со право да учествува на спортскиот камп кој секоја година со најдобрите спортисти од сите дисциплини го организира Федерацијата на училишен спорт на Македонија.

[Best_Wordpress_Gallery id=”71″ gal_title=”The Gallery House Pub 07.11.2015″]

Денеска е Св. великомаченик Димитриј – Митровден.

Именден празнуваат: Димитрија, Митре, Димо, Димко, Димана, Димка, Мите, Димитрина, Митра…

Свети Димитриј се роди во Солун, во третиот век. Беше син единец на солунскиот војвода. По смртта на татко му, цезарот Максимијан го постави Димитриј на истото место и посебно му препорача да ги гони христијаните. Меѓутоа, Димитриј не само што не ги гонеше, туку и јавно ја исповедаше и проповедаше верата во воскреснатиот Христос. Штом слушна за тоа, цезарот, враќајќи се од еден поход, сврати во Солун, за да ја испита работата. Го повика Димитриј, кој не ја одрекуваше својата вера и дури и го убедуваше цезарот во бесмисленоста на идолопоклонството. Максимијан се разгневи и го фрли Димитриј во затвор, а по неколку дена и го погуби. Некои христијани го земаа неговото тело и чесно го погребаа. На тоа место подоцна беше подигната црквичка, а после и голема црква, која до ден денес се наоѓа во Солун. Таму се сместени и неговите мироточиви мошти.