Во Сараево вечерва се убиени двајца војници од Вооружените сили на БиХ, пренесува Независне.

Од кантонот Сараево случајот е потврден:

„Во населбата Рајловац вечерва дојде до употреба на огнено оружје“.

Лицето кое го изврши убиството е во бегство, а според неофицијални извори напаѓачот пукал и во автобус кој се наоѓал во непосредна близина.

Ѕвездата на Реал Мадрид, Кристијано Роналдо деновиве е попопуларен од било кога, затоа што минатата недела премиерно беше прикажан филмот за него.

Тој во склоп на премиерата на филмот гостуваше во многу емисии, а во една од нив доби и незгодно прашање – што би рекол доколку неговиот син на раката го „истетовира“ Меси?

Португалецот, мудро одговори дека „нема да има никаков проблем“.

-Не би имал ништо против. Тоа би значело дека мојот син е паметен и дека знае да ги препознае добрите играчи, одговори Роналдо.

Личните огласи на балканските интернет огласници се почесто се полнат со граѓани кои бараат фиктивни брачни партнери, за на тој начин да стигнат до државјанство од некоја од земјите од ЕУ, но и прекуокеанските земји.

„Човек и жена со унгарско државјанство нудат брак во замена за парична надокнада“, „Потребна е жена од Швајцарија за фиктивен брак“, „Барам девојка од Унгарија за брак, само за добивање на документи“ – се само дел од огласите со понудата и побарувачката.

Цените почнуваат од 3.000 евра, за колку можете да добиете фиктивен брак во Унгарија. За Австрија може да се најдат понуди од 5.000 евра, додека за Канада, Англија и Германија по 6.000 евра. До неодамна брачен другар „на заем“ во Германија можеше да се најде и за пониска сума, но побарувачката е се поголема, пишува „24сата.рс“.

Барселона претстојниот викенд ќе гостува во Скопје каде ќе одигра ракоментен спектакл со македонскиот првак Вардар, а ракометарите на овој клуб беа дел од навистина несекојдневна фотосесија во пресрет на натпреварот во “Јане Сандански”.

Дел од групата “воини” од Барселона секако беше и нашиот Кире Лазаров, а европскиот шампион преку својата официјална веб страна соопшти дека необичната фотосесија е направена со цел да се приреди изненадување за ракометните фанови, кое ќе биде подетално познато во наредните неколку дена.

Како и да е, мора да се признае дека ракометарите на Барса делуваат идентично страшно и во својата нова улога која ја добија пред објективот, а во продолжение погледнете ги најинтересните фотографии од сесијата во која доста истакнат е и македонскиот капитен Лазаров.

Членот на Пролетер изминатиот викенд учествуваше на Џудо Куп во – Шведска. Овај Скандинавски куп беше одлична можност Ангелов да се сретни со натпреварувачи од Шведска , Финска, Норвешка и Германија.
Ангелов го задржа приматот најдобар џудист од Македонија во кадетска конкуренција при што го освои првото место на турнирот до 60 кг. ЏК Пролетер Прилеп се надева и верува дека ова ќе биде добар почеток на добрата соработка со Шведскиот Џудо Клуб Стафансторп и дека во иднина на вакви големи турнири ќе настапат и други членови од клубот кои со својата напорна работа заслужиле да ги бранат клубските бои.

Во организација на Генералниот конзулат, беше одржана Бизнис презентација пред Македонски бизнисмени во Мелбурн. На презенатацијата беше присутна и бизнис делегацијата од Република Македонија, предводена од градоначалникот на Прилеп г-дин Марјан Ристески кој ги поздрави присутните и презентирајќи им ги сите инвестициски поволности кои РМ и градот Прилеп ги нудат за влез на нови странски инвестиции.
Покрај обраќањето на градоначалникот Марјан Ристески свои обраќања имаа: Генералниот конзулат во Австралија г-ѓа Бети Коруновска, г-дин Ристо Најдоски – Директор на Регионална стопанска комора Прилеп и г-дин Сашко Самарџиоски – Извршен директор на „Прилепска Пиварница“. На презентирањето присуствуваа околу 50 МК бизнисмени, а некои од нив беа придружувани од нивни АУС партнери. Се говореше за идентификација на можности, каде компаниите ќе може да ги препознаат своите специфични интереси, се образложија ресурсите со кои РМ и градот Прилеп располагаат, економските зони, како и пазарите кои би им биле достапни на сите потенцијални инвеститори, посочија од кабинетот на Генералниот Конзулат (ГК).
Во делот на прашања и креирање заеднички идеи за инвестирање во Македонија, присутните ставиле акцент на стабилноста на политиките на земјата и заштита на нивните потенцијални инвестиции на подолг рок.

Од фирма во Прилеп украден е метален сеф со девизи, денари, накит, патни исправи, пиштол и друго.

Тешката кражба во прилепската полиција ја пријавил С.С.(48) од Прилеп, сопственик на ДООЕЛ „Виком Инжинеринг“.

По извршениот увид во објектот било утврдено дека непознат сторител со прекачување на фасадното скеле влегол на вториот кат и од канцеларијата одзел метален сеф во кој имало евра и австралиски долари во вредност од 600.000 денари, златен накит во вредност од 600.000 денари, четири патни исправи, еден пиштил марка „Црвена Застава“ калибар 9 мм, 100 парчиња муниција и 8.000 денари кои се наоѓале во фиоката од канцелариското биро.

Направена е материјална штета од 1.240.000 денари. За настанот е известено Јавното обвинителство и се преземаат мерки за пронаоѓање на сторителот.

Основното општинско музичко училиште Ордан Михајлоски – Оцка од Прилеп е вистински расадник на таленти. Од ова училиште до сега излегле врвни мајсори на разни музички инструменти и израснале вистински солисти кои денес чекорат кон врвот и градат кариера. Од неодамна училиштето има нов директор, млад пијанист кој пред себе има поставено вистинска визија за развој и уште поголем напредок. Разговаравме со него и ни ги претстави досегашните и идните планови, негови и на неговиот колегиум.

Игор Николоски има завршено Музичка академија отсек пијано и веќе 8 години работи во училиштето. Во својот бекраунд, Игор поседува повеќе од 20 награди и одликувања, што говори дека одлично го владее пијаното и дека постојано напредувал.

Задоволен е од своите колеги и соработката со нив. Нивното залагање допринесува да учениците постојано одат на натпревари и редовно да се закитуваат со награди. Во училиштето настава посетуваат 390 ученици и постои интерес за сите инструменти. Тука се часовите по гитара, хармоника, пијано, флејта, виолина, саксофон, соло пејачите и.т.н.

Директорот ни открива дека за 24 декември е закажан Новогодишниот концерт кој ќе се одржи во театарот Војдан Чернодрински чија содржина ќе биде како од забавен така и од класичен карактер.

Во неговите планови е возобновување на оркестарот во училиштето и се надева дека тоа ќе го постигнат во второто полугодие од учебната година.

Училиштето моментално е во одлична финансиска состојба и наскоро ќе биде набавен и нов концертен клавир.

Исто така се планира обновување на внатрешните скали во училиштето со помош на Локалната самоуправа, а до сега училиштето доби нова фасада, нова дограма, столарија, како и парно греење.

На новиот директор му посакуваме огромен успех во работата и сигурни сме дека ќе го продолжи ритамот на развој на училиштето.

Жена бомбаш се разнела во париското предградие Сант Дени за време на полициската акција која од утрово се спроведува во француската престолнина. Според најновите информации од француските медиуми, убиени се тројца снајперисти, а ранети се тројца полицајци.

Според досегашните информации, полицијата успеала да уапси три лица чиј идентитет се уште не е познат.

На лице место има многу полиција и возила на Брза помош.

На жителите од тој дел на градот им е препорачано да останат во домовите и да се засолнат од прозорите. Дел од нив се евакуирани.

Полицијата се сомнева дека групата се состои од двајца или тројца терористи кои се забарикадарани во еден стан.

Меѓу терористите се претпоставува дека е мозокот на нападите од Париз, Абделхамид Абауд.

Од виното имаме многу здравствени придобивки, секако ако се пие во умерени количини. Еве 7 причини поради кои треба да се испие чаша вино.

Добро е за срце

Фитохемикалиите кои се наоѓаат во виното ќе ви го покачат добриот холестерол, a антиоксидансите кои ги содржи ќе ја заштитат слузницата на коронарните артерии. Една до две чаши црно вино дневно е оптимална количина која ќе ви помогне веднаш да ја почувствувате користа.

Го спречува оштетувањето на слухот кое настанува поради голема бучава

Ресвератролот кој се наоѓа во црвеното вино, може да помогне да го заштитите слухот, покажа неодамна спроведеното истражување. Затоа пуштете ја погласно омилената песна и уживајте во чаша вино.

Ја штити кожата

Тајната е повторно во антиоксидансот ресвератролот. Ги неутрализира слободните радикали кои ја напаѓаат кожата. Наточете си чаша вино и поздравете со оштетената кожа.

Превенција од мозочен удар

Конзумирањето алкохол во умерени количини може да помогне да се спречи згрутчувањето на крвта, како и насобирањето холестерол во артериите што го намалува ризикот од мозочен удар.

Го регулира шеќерот во крвта

Алкохолот ја подобрува реакцијата на телото на инсулинот кој го регулира шеќерот во крвта. Кога нивото на шеќер во крвта е под контрола, вашето тело нема да ја претвора гликозата во масти.

Го подобрува квалитетот на спермата

Добра вест за двојките кои настојуваат да станат родители. Ново истражување откри дека кај мажите кои пијат по чаша вино дневно два до трипати неделно е намалена веројатноста за абнормалност на спермата. Затоа понудете го својот љубен со чаша вино во комбинација со продукти кои имаат афродизијачки својства и – уживајте.

Поттикнува подобро помнење и размислување

Умереното консумирање алкохол може да го попречи когнитивното пропаѓање, затоа што ја поттикнува и подобрува циркулацијата во вашиот мозок.