Балони, пешкири, цвеќиња во сите бои ставени на бела застава 101… Првото видео од свадбата на Севе и Игор…

Прилепчани по втор пат оваа година му одржаа ракометна лекција на Пелистер. Овој пат на гостински терен, ракометарите на РК Прилеп славеја во Битола со резултат   26-28 , на полувремето беше 10-14. Со оваа победа од 10тото коло на Супер лигата за мажи, Прилепчани се искачија на четвртото место на табелата и го очекуваат следниот натпревар против Борец на домашен терен идното коло.

ТАБЕЛА
Металург 27
Охрид 24
Работнички 21
Прилеп 18
Вардар ј 15
Радовиш 15
Пелистер 9
Пролет 9
Борец 7
Металург ј 1
ИДНО 11 КОЛО
ПРИЛЕП – БОРЕЦ

Ѕвездата на Реал Мадрид, Кристијано Роналдо по синоќешниот дебакл од Барселона, на претседателот Флорентино Перез му рекол дека не може да остани уште долго во клубот доколку тренер биде Рафаeл Бенитез.

– Или јас, или Бенитез, се претпоставува дека рекол португалецот, пренесува Фокс.

Си Џинпинг, претседателот на Кина, изјави дека неговата држава ќе ја засили соработката со светот во решителната борба против тероризмот, по новото убиство на кинески државјани, јавуваат британските медиуми.

Кинескиот лидер силно го осуди нападот на џихадистите во хотелот Радисон блу во Мали, во кој меѓу загинатите се и тројца директори на државна кинеска корпорација за изградба на железници.

„Кина ќе ја засили соработката со меѓународната заедница во решителната борба против терористичкото насилство во кое страдаат невини луѓе. Тука станува збор за одржување на мирот и стабилноста“, истакнал Си во соопштението постирано на официјалната интернет страница на кинеското министерство за надворешни работи.

Убиените директори биле на преговори за соработка со владата на Мали, и иамле состанок во хотелот во моментот на нападот. Спасени се други четворица кинески државјани.
Овој напад следи само неколку дена откако припадници на Исламска држава во Ирак го убија кинескиот заложник Фанг Џингхуи, заедно со Норвежанецот Јохан Гримсгард.

Пекинг го лоцирал Фанг во ирачката покраина Анбар и напредувал во преговорите за негов откуп, но засилувањето на руските и француските воздушни напади предизвикало хаос во организациската структура на исламистите. Каналите за преговори биле пресечени и бидејќи на исламистите итно им биле потребни пари, а не ги добиле, го убиле Кинезот.
Кинеските медиуми веднаш потоа пишуваа дека убиството на заложниците за време на самитот Г20 е објавување на војна кон целиот свет.

Вонредна состојба е воведена на Крим поради недостиг од електрична енергија со која Крим се снабдува од Украина.

Сите служби за вонредни ситуации се ангажирани во врска со тоа, јави Тасс.

Руското Министерство за вонредни ситуации исто така потврди дека на Крим нема струја. Засега нема објаснување за причините за таа ситуација, наведува Тасс.

Денеска на патеката кај прилепското село Лагово се оддржа меѓународната мото-трка „Motocross Prilep Open – 2015“.
На трката учествуваа околу 40-тина мотокрос возачи од земјава и од странство кои се натпреваруваа во пет категории.

Според Ѓорѓи Манчески од клубот „Скај рајдер“ , мотокрос арената во Лагово ги исполнува сите предвидени услови за оддржување на вакви трки.
„И оваа година, ја организираме оваа Меѓународна мото-крос трка. Над 30 мотокрос возачи од земјава и странство земаа учество на првенството. Во иднина сакаме да организираме европска мото-крос трка, а Прилеп да стане лидер во мотокрос трките на Балканот, посочи Манчески.
Според градоначалникот Марјан Ристески, Прилеп станува центар на екстремните спортови:
„Традиционално ја организираме веќе трета година по ред оваа трка заедно со клубот „Скај рајдер“. Патеката се надградува според европските стандарди, а за догодина ќе се потрудиме, Прилеп да биде конкурентен за организирање европски мото-трки“, рече градоначалникот Марјан Ристески.
„Motocross Prilep Open – 2015“ внесе неверојатна доза на адреналин како кај присутните така и кај натпреварувачите.

[Best_Wordpress_Gallery id=”82″ gal_title=”Art Caffe Aporea & Virus – 21.11.2015″]

По невобичаеното топло време во ноември на Балканот, во Хрватска, во Словенија и во Босна и Херцеговина, вчера значително се намалија температурите и падна првиот снег.

Температурите на воздухот во Хрватска се двжеа од два до седум, а снег падна на Сљемен, во Горски Котор, како и во Карловац и Дуга Реса.

„Јутарњи лист“ објави дека снегот и силниот ветер предизвикале сообраќаен хаос на автопатот Загреб­-Риека.

Во Словенија вчера утрото врнело дожд, а потоа снег.

Бране Грегорчич од словенечката Метеоролошка служба изјави дека во пониските предели се очекува снежната покривка да достигне од пет до десет сантиметри, а на планините од 20 до 40 сантиметри.

Во северозападниот дел на Босна и Херцеговина вчера вечерта почна да паѓа слаб снег, кој не се задржува на патиштата.

[Best_Wordpress_Gallery id=”81″ gal_title=”21.11.2015 – Sabotno kafe”]

Доделувањето решенија за веќе легализираните дивоградби продолжува да се реализира согласно претходно проектираната динамика. Денеска беа доделени 60 нови решенија за легализација, со кои досега се легализирани околу 8.500 дивоградби, од вкупно поднесените 15.367 барања за добивање на правен статус на објектот.
Градоначалникот Марјан Ристески, истакна дека доста значајно за општината е спроведувањето на Законот за легализација на дивоградбите, преку кој Владата на РМ, на сите граѓани им овозможи историска шанса за стекнување на правна и легална сопственост на нивните домови.
Прилепчани покажаа голем интерес за оваа владина социјална мерка за докажување на сопственоста за нивните дивоизградени објекти.