Владата спротивно на Венецијанската комисија инсистира на легализација на истополови бракови и предвреме смена на Комисијата за дискриминација.

По тој повод преку соопштение до јавноста се произлезе и Комисијата за заштита од дискриминација, која ви го пренесуваме во целост:

Во врска со повеќето изјави заклучно со прес конференцијата на членовите на „Мрежата за заштита од дискриминација“, од 28.2.2019 година, а во врска со усвојувањето на предлог законот за спречување и заштита од дискриминација, Комисијата за заштита од дискриминација, сака да ѝ упати внимание на јавноста на 7 важни нешта:

– Прво, прифаќајќи ја потребата од натамошно унапредување на антидискриминациското законодавство, сметаме дека носечкиот проблем во ова област е целосната неподготвеност на надлежното министерството за труд и социјална политика да се заложи да бидат надминати проблемите поврзани со просторот за работа, заради што Комисијата веќе 7 години ги извршува своите надлежности во една просторија од 20 метри квадратни на 20 спрат во зградата на Македонската телевизија во која долг временски период не работат лифтовите!

– Второ, независно од отсуството на елементарна поддршка од Министерството во секоја смисла наспроти нашите повеќегодишни апели и молби, Комисијата успева да ги оствари надлежностите предвидени со Законот за спречување и заштита од дискриминација (Службен весник на Република Македонија бр.: 50/2010) за што сведочат позитивните критики од релевантните меѓународни организации какви што се ЕКВИНЕТ – Европската мрежа на тела за еднаквост и ЕКРИ – европско експертско тело против расизам и нетолеранција.

– Трето, Комисијата со жалење ги отфрла клучните тврдења на „Мрежата за заштита од дискриминација“ бидејќи истите се отфрлени од сите клучни релевантни адреси за нашата земја, а особено од Венецијанската комисијакоја како експертско тело при Советот на Европавршеше стручна анализа на предлог законскиот тексткој е во собраниска процедура, како и од ЕКВИНЕТ и од ЕКРИ.

– Четврто, иако Комисијата оствари 3 средби со Министерката за труд и социјална политика и зема активно учество во работата на групата за подготовка на новиот закон, сите наши легитимни и оправдани сугестии беа промптно и со индигнација отфрлани заради што, меѓу другото, ефектот од ваквата работа е текст кој е предмет на силни критики од меѓународната заедница и кој предизвикува силна политичка поларизираност веќе две години.

– Петто, Комисијата апсолутно поддржувајќи ја потребата од уште поголемо унапредување на антидискриминациското законодавство, смета дека е клучно при усвојувањето на постојниот предлог закон кој е во собраниска процедура да бидат имплементирани во целост забелешките на релевантните европските институции, како и сугестиите на опозицијата затоа што тоа е единствениот начин кој ќе овозможи најширока општествена прифатеност и усогласеност. Во оваа смисла, за да се постигне тоа, Комисијата смета дека неопходниот минимум е да се интегрираат најмалку два амандмана во предлог законскиот текст.

1.Со првиот амандман потребно е да се врати одредбата која постои во актуелниот закон дека уредувањето на бракот, вонбрачната заедница и семејството исклучиво како заедница на спротивни полови, односно на еден маж и една жена претставува исклучок од дискриминација бидејќи, во спротивно силно се јакнат легитимните стравови на конзервативниот дел од граѓаните на нашата држава независно од нивната политичка, етничка или верска припадност, во смисладека се создава правно фундиран простор за легализација на истополовите бракови, како и за легализација на желбата на овие двојки за посвојување на деца. Во оваа смисла, сметаме дека доколку се интегрира ваква промена во текстот што е во собраниска процедура, ќе се обезбеди најширока можна прифатеност во државата бидејќи, од една страна, продолжува да се обезбедува и унапредува еднаквоста по сите основи вклучувајќи ја и сексуалната ориентација, а, од друга страна, истовремено, се штити и бракот и вонбрачната заедница какви што постојат низ вековите до денес како заедница исклучиво на еден маж и на една жена.

2. Со вториот амандман, пак, треба да се испочитуваат силните критики на Венецијанската комисија, како и на другите европски организации, кои остро застанаа против одредбата за предвремен прекин на мандатот на ова тело две години порано, што е причина за силен сомнеж за уште едно мешање на политиката во работата на независните институции. Во конкретна смисла, во својот стручен коментар во однос на Законот, Венецијанската комисија го констатира следното: „во нацрт-законот [за спречување и заштита од дискриминација, н.з.]нема доволно заштитни механизми со кои се обезбедува вистинска независност на Комисијата, особено за избор и разрешување на членовите на Комисијата. Комисијата бара да се преиспитаат одредбите за предвремено престанување на мандатот на членовите на Комисијата, бидејќи тие ја ограничуваат независноста на Комисијата“.

– Шесто, силно антиципирајќи го фактот дека за сите важни прашања како ова е особено важно да се постигне најширок можен консензус помеѓу сите општествени фактори, Комисијата сосема принципиелно и искрено повикува на фер дијалог помеѓу сите клучни сегменти на Општеството, односно на социјалдемократската власт, конзервативната опозиција, како и претставниците на албанските партииво Собранието на државата, а во функција на обезбедување на најширок можен консензус со кој би се одблокирал процесот, како и во функција на максимално испочитување на критиките на меѓународната заедница во врска со содржината на предложениот законски текст за недискриминација подготвен од страна на „Мрежата за заштита од дискриминација“ и прифатен од страна на Владата.

– Седмо, Комисијата, како и во минатото, така и во иднина останува целосно подготвена да се вклучи во овој процес со целото свое стручно знаење и искуство во функција на создавање на законски текст кој ќе обединува и унапредува, а не кој ќе дели и уназадува.

Извор: kurir.mk

На една свадба во Адана, Турција избил хаос кога сите гости почнале да се тепаат, бидејќи не можеле да се договорат околу изборот на музиката.

Додека едни со други се туркале и тепале, други фрлале столчиња врз нив.

Како што е наведено во полицискиот извештај, младоженецот и невестата доаѓаат од различни краеви на Турција, па двете семејства сакале да се слуша различна музика од нивните краишта на свадбата.

Ди-џејот ја решил ситуацијата така што наизменично пуштал песни од едниот и од другиот регион, меѓутоа тоа не ги задоволило гостите.

Набрзо дошло до препирки, па ситуацијата ескалирала.

На крајот интервенирала полицијата, но никој не е уапсен.

Успешните економски реформи на Владата предводена од СДСМ ја вратија довербата во нашата економија и позитивно влијаеа на создавање поволна клима за инвестирање што резултира со рекордни странски инвестиции во земјава – велат во соопштението од СДСМ.

Соопштението го пренесуваме во целост:

“Според соопштениете информации од пресметките на Владата, бројот и вредноста на странските инвеситции за последниот квартал од минатата година, како вкупно за целата 2018 година, се највисоки од независноста до сега.

Странските инвестиции во земјава минатата година обезбедиле нови 4.500 добро платени работни места, со што директно влијаат на намалување на невработеноста, го јакнат бруто домашниот производ, се зголемува извозот, платите растат а со тоа се подобрува и животниот стандард на граѓаните.

За само 20 месеци во Технолошко индустриските развојни зони во државата инвестирале 17 странски компании. Дополнително, по ратификацијата на Договорот од Преспа во грчкиот парламент, нови шест компании донеле одлука да инвестираат во нашата земја, а најавени се 120 милиони евра инвестиција и од германска но и од компании од други држави надвор од Европа.

Решвањето на спорот со Грција, успешните евроинтеграциски процеси и најавеното членство во НАТО обезбедија стабилност и поволна клима за инвестирање.

Без да се потроши ниту еден денар на промоции и реклами, преку посветено и одговорно работење, Владата предводена од СДСМ од уназадена економија, успеа да создаде конкурентно стопанство атрактивно за странските и домашните инвеститори”, велат од СДСМ.

На саемот за мобилни технологии “Моbile World” во Барселона, автомобилската компанија “Сеат” претстави нов концепт на автомобил и најави сериско производство.

Името му е “минимо”, а се работи за електричен транспортер, нешто помеѓу моторцикл и автомобил. Возилото е многу слично со “Тwizy” од компанијата “Рено”. Долг e 2,5 метри, широк 1,24 метри и зафаќа површина од 3,1 квадратни метри, или половина од тоа што зафаќа градски автомобил. Во него можат да се возат две возрасни личности, кои во кабината влегуваат преку подвижни врати.

Минимо се движи на електричен погон, со батерија која може да помине 100километри. Во зависност од возачот, неговата старост и дозволата која ја поседува, возилото се прилагодува, па може да се движи до 45км/час или до 90 км/час.

Пријател сум на оваа држава со години, ајде да ја викаме само Македонија вели европскиот пратеник, Чарлс Танок.

„Ајде да ја викаме само Македонија кратко, како што секогаш сме правеле разговорно ‘Република Северна Македонија’ е наменета за службена употреба, но Велика Британија никогаш не го употреби акронимот ФИРОМ внатрешно во документите на Обединетото Кралство. Пријател сум на оваа мала земја опкружена со копно многу години“, напиша на својот профил на Твитер членот на Европски парламент од британската Конзервативна партиja.

Ништо ново и ништо што може да не изненади, за жал!

Глутници кучиња демнеат по улиците низ Прилеп, а фотографиите кои ги добивме утрово се од улиците во населбата “Тризла”.

Ова е навистина алармантно и редно е веќе еднаш да се реши!

Граѓаните велат дека со страв шетаат по улиците, особено во текот на ноќта.

По синоќешното гостување на 1ТВ, лидерот на опозицијата Христијан Мицкоски се огласи на Фејсбук.

– Победник сум по природа, победник е нашиот претседателски кандидат и заедно ќе победиме. Македонија ќе има жена за Претседател, напиша тој.

Додаде и дека Македонија е заробена со Заев.

– Тоа што нас ни се случуваше ден-два пред да се случи гласањето во Парламентот е класичен пример на заробена држава, напиша тој.

Времето ќе биде сончево со значителен пораст на дневната температура. Ќе дува слаб до умерен северозападен ветер.

Утринската температура ќе се движи од минус два до два степени, а дневната темепратура од седум до 15 степени.

Во Скопје ќе биде сончево со значителен пораст на дневната температура. Ќе дува слаб до умерен северозападен ветер.

Утринската температура ќе достигне до нула степени, а дневната температура до 13 степени.

Во петок ќе биде претежно сончево со значителен пораст на дневната температура. Во поголем дел од земјава максималните вредности ќе достигнат меѓу 15 и 20 степени. Повторно зголемување на облачноста со услови за слаб локален дожд се очекува во сабота.

Сафет Бишевац во 24 анализа излезе со тврдења дека од редовите на СДСМ нема компетентен човек за достоен кандидат за Претседател на Република Македонија и дека владејачката партија нема план за кампања за претстојните Претседателски избори – пренесува “Курир”.

Бишевац згрозено ги осуди и сексистичките напади од страна на членовите на СДСМ кон кандидатот за Претседател од редовите на ВМРО-ДПМНЕ, Гордана Силјановска Давкова, и рече дека таквото однесување е под секое цивилизациско ниво.

-Можеби не се согласувам со нејзините ставови, но исклучително ја почитувам како експерт во тоа што го работи, рече поранешниот пратеник Бишевац.

Видно разочаран и од работата на Собранието и контролата која СДСМ ја спроведува во самата законодавна институција, тој рече дека во него повеќе нема систем на вредности, туку само слепа послушност кон лидерот.

– Нашиот Парламент очигледно стана избушен како швајцарско сирење. Сите мислат дека можат сешто да прават, сешто да бараат од тој Парламент. Највисоката правна и законодавна институција во државата е Собранието, не е ниту премиерот, ниту Претседателот. Ако таму немате здрав Парламент, немате ни здрава држава, Тој е одраз на општеството и случувањата во државата. Имате ситуации кога сите нивоа на внимателност во предлогот на луѓе во тоа Собрание очигледно се поништени, никаков систем на вредности, единствената е слепата послушност кон лидерот. За ваквата состојба во Парламентот вината ја сносат и самите пратеници дозволувајќи да се однесуваат со нив на начин на кој се однесуваат.

Тој го осуди и третманот на судот кој си игра со судбината на Миле Јанакиески и Трајко Вељановски, велејќи дека тоа што го прават е недозволиво.

-Тоа се луѓе кои без разлика на тоа што направиле, имаат свои права и човечко достоинство кое мора да се почитува, дециден беше Бишевац.