Потрагата по 34-годишната Биљана Јандреска Андоноска заврши среќно – таа е пронајдена жива.

“Ви благодарам на секоја помош, Биљана е пронајдена, жива е”, напиша пред малку нејзината сестра на социјалните мрежи.

Од МВР информираат дека на 23.07.2025, во 23.02 часот во СВР Битола, С.Ј.М. од Прилеп, пријавила дека од дома со возило се оддалечила нејзината сестра Б.Ј.А. (34) која имала здравствени проблеми.

Охрид и ова лето, повторно пулсира во ритамот на уметноста. Фестивалот Охридско лето го реализира 65-то јубилејно издание, со повеќе од 40 уметнички настани кои ја збогатуваат летната сцена со музика, театар, визуелни уметности и креативни експерименти.

Горди сме што Касинос Австрија Интернешанал Македонија оваа година е ексклузивен партнер на фестивалот – манифестација со меѓународно реноме, која над шест децении е симбол на културен континуитет, извонредност и инспирација. Охридско лето не е само фестивал – тоа е приказна, традиција и глас на уметноста кој одекнува низ вековите.

Нашата поддршка е повеќе од спонзорство – таа е дел од нашата посветеност за развој на културата, поддршка на уметниците и вложување во вредностите што го збогатуваат општеството.

Oпштина Прилеп објави оглас за набавка на противпожарно возило за потребите на Територијалната противпожарна единица.

За набавката се предвидени нешто над 7 милиони денари, или околу 115.000 евра.

Заинтересираните економски оператори можат да испратат понуди до 22.08.2025, а еден од условите е возилото да биде со година на производство минимум од 2021година.

Набавката на ова возило, градоначалникот на општината ја најави на 20. мај годинава – Денот на пожарникарството во Република Македонија.

Исчезната е прилепчанката Биљана Јандереска Андоноска, семејството моли за помош!

Биљана последен пат била видена во село Крушеани, општина Кривогаштани, од каде е видена како заминува со својот автомобил во текот на вчерашниот ден.

-Луѓе мои помагајте Ве премолувам! Мојата сестра Биљана е исчезната веќе повеќе од 24 часа.
Последен пат е видена во С. Крушеани од каде заминала со својот автомобил Audi A4 со рег.таблици PP 7822AG темно мастилна боја. Од таму и се губи секоја трага и мобилниот и е недостапен. Ве молам доколку некој ја забележи да ме контактира мене или некој од моето семејство.
Ве премолувам помагајте мојата сестра и мајката на Дори и Таиса да се врати жива – стои во апелот за помош на сестрата на Биљана.

Секој кој има некоја информација нека контактира со семејството на телефонските броеви: 075 441 485 и 078 300 822.

Навивачката група “Мајмуни” од Прилеп – верните поддржувачи на спортот во градот под Марковите Кули, објавија повик за протест на социјалните мрежи.

Во јавниот повик за протест и како што се вели, “за спас на ФК Победа”, oд МАЈМУНИ напишаа:

Прилеп не смее да молчи! Време е за протест!

📍 СЕ СОБИРАМЕ сабота 10 часот
📍 ЛОКАЦИЈА: пред општина

Проектот на Еурофарм Пелистер продолжува онаму каде што застана на крајот од минатата сезона. Клубот како шампион на Македонија и учесник во Лигата на шампионите денеска ги започнува подготовките за сезоната 2025/26 и пак тимот му е доверен на шпански стручњак. По спогодбената разделба со Раул Алонсо, клубот одбра сличен модел на млад и амбициозен тренер од Шпанија за продолжување на растот на процесот.

Рубен Гарабаја Аренас е нов тренер на Еурофарм Пелистер за следнaта сезона, со опција за продолжување на уште една ако двете страни се согласни. Трофејно шпанско име од играчките денови и млад стручњак со голем потенцијал денес доаѓа во Битола и утре првпат ќе прозива во спортската сала „Боро Чурлевски“.

Гарабаја има 46 години и полна витрина медали и одличја од богатата играчка кариера. Играше 168 пати за шпанската репрезентација на позиција кружен напаѓач, постигна 318 гола и освои светска титула од Тунис 2005 година, сребро од Европскиот шампионат во Швајцарија следната година, бронза од Олимписките игри во Пекинг во 2008 година и Мундијалот во Шведска во 2011 година.

Рубен Гарабаја доаѓа од Астурија, кариерата ја започна во Адемар Леон (освои Куп на Кралот и ЕХФ Куп на Купови), играше за Фригорификос де Моразо и Ваљадолид, за 2007 година да го облече дресот на Барселона. Со Барса освои три АСОБАЛ лиги, два Купа на Кралот, а играше и во финалето на Лигата на шампионите во сезоната 2009/10. Од 2010 до 2018 година настапуваше за Натухаус Ла Риоха од Логроњо, клуб во кој ја заврши играчката и ја започна тренерската кариера.

Гарабаја тренерскиот занает започна да го бруси во Логроњо како асистент тренер во 2018 година. Три години остана во Натурхаус Ла Риоха и го прифати првиот меѓународен предизвик како селектор на женската репрезентација на Кина. Во 2021 година го на покана на Роберто Гарсија Парондо работи како асистент тренер во египетската репрезентација. Во овој период од две години освојува злато од шампионатот на Африка и сребро од Медитеранските игри. Во 2022 година почнува самостојна тренерска кариера во шпанскиот клуб Синфин Сантандер, каде што работеше се до повикот од Битола.

Започна рехабилитацијата на улицата „Архиепископ Доситеј“ – нов асфалт на еден километар важна сообраќајница во срцето на Прилеп – информираат од општина Прилеп.

-Започнаа градежните активности за целосна рехабилитација на коловозот на улицата „Архиепископ Доситеј“, на потегот од раскрсницата кај хотел „Кристал Палас“ до кружниот тек кај Поштата – една од најфреквентните градски артерии во централното подрачје на Прилеп. Ќе биде поставен нов асфалт во должина од 1 километар, со што значително ќе се подобри квалитетот на сообраќајот и безбедноста за сите учесници.
Апелираме до сите граѓани за трпение и разбирање за можните временски ограничувања во сообраќајот додека траат градежните активности. Нашите служби и изведувачите работат со засилено темпо за сè да биде завршено квалитетно и навремено. Продолжуваме со динамично темпо и реализација на капитални зафати за поубав и помодерен Прилеп – напиша на ФБ градоначалникот на општина Прилеп, Борче Јовчески.

Пред 68 години, на 24 јули 1957 година во Прилеп умрел Методија Андонов – Ченто, македонски револуционер и државник, прв претседател на Иницијативниот одбор за свикување на Првото заседание на АСНОМ и борец за правата и слободата на македонскиот народ.

Делегации предводени од градоначалникот на општина Прилеп, Борче Јовчески и претседателската на Советот, Ирена Стерјовска Локвенец, денеска положија свежо цвеќе пред споменикот на великанот во центарот на Прилеп.

За ЧЕНТО:

За претседател на Президиумот Методија Андонов – Ченто бил избран и на Второто заседание на АСНОМ, на 29 и 30 декември 1944 година. Бил и прв претседател на Президиумот на Народното собрание на НРМ.

Со своите политички ставови Ченто се залагал за поголема самостојност на Републиката во однос на федералните органи. Истовремено го поставувал прашањето за обединување на Македонија. Таквите негови ставови дошле во судир со официјалната политика.

Во 1946 година со пресуда на Окружниот суд во Скопје, бил осуден според Законот за кривични дела против народот и државата и тоа со лишување од слобода 11 години.

Умрел како маченик, а бил рехабилитиран во октомври 1990 година.

Роден бил во Прилеп, на 17 август 1902 година.

Ви треба вистински одмор? Овој јули, уживајте повеќе за помалку!

Panorama Hotel & Spa е вашата планинска оаза во срцето на Крушево – идеално место за бегство од секојдневието, каде спокојот на природата се спојува со удобноста на модерен хотел.

✨ Јулска промоција што не се пропушта!

Овој месец, имаме посебна понуда за сите наши гости:

Платете 2 ноќевања, а добијте 3!

Совршено за продолжен викенд или спонтано бегство во природа.

💤 Комфорни соби со прекрасен поглед
🧖‍♀️ Современ спа центар за целосна релаксација
🍽️ Ресторан со вкусна локална и интернационална кујна
🌲 Близина до атрактивни патеки, историја и чист воздух на 1350 метри надморска височина

Не чекајте – резервирајте го вашиот одмор уште денес и подарете си едно доживување за паметење во највисокиот град на Балканот!

Инфо и резервации на: 072 808 808

-На 22.07.2025 во 17.50 часот во ОВР Прилеп било пријавено дека на ул.„Горан Миноски“ во Прилеп, додека патничко возило „фиат стило“ со прилепски регистарски ознаки, управувано од И.Ј.(33) од Прилеп, со јаже влечело мотоцикл со прилепски регистарски ознаки, кој претходно се расипал, а бил управуван од Ж.Ј. од Прилеп, мотоциклистот паднал и се здобил со тешки телесни повреди, констатирани во Градска болница Прилеп. По преземени мерки е констатирано дека И.Ј. го управувал возилото под дејство на алкохол, односно дека има 0,54 промили алкохол во крвта. Извршен е увид од увидна екипа на ОВР Прилеп и по документирање на случајот ќе бидат поднесени соодветни поднесоци – информираат од МВР.