Ова лето, Крушево повторно го привлече вниманието на светската параглајдинг сцена како домаќин на Светскиот куп 2025, едно од најпрестижните натпреварувања во воздушниот спорт. Од 20 до 27. јули, највисокиот град на Балканот беше домаќин на 132 пилоти од преку 40 земји, кои се натпреваруваа во извонредни услови над Мечкин Камен, при што токму македонскиот терен уште еднаш покажа зошто е меѓу најценетите дестинации за прелети во светот.
Голема гордост за Македонија е прилепчанецот Мартин Јованоски, кој со исклучителен настап во поединечна конкуренција го освои третото место во светот. Покрај тоа, Јованоски беше и дел од тимот OZONE, кој во екипна конкуренција го освои првото место, пред водечките интернационални тимови.
Овој успех не е случаен – Јованоски веќе години наназад е меѓу водечките европски пилоти, а неговото искуство и техничка прецизност беа клучни за високите резултати.
Со врвна организација, привлечен терен и несекојдневна енергија, Крушево уште еднаш се запиша како скапоцена точка на светската параглајдинг мапа.
15-годишната Стефанија Попоска од Прилеп се бори да зачекори во животот. Родена со тешка дијагноза, Стефанија од првиот нејзин здив не знае што значи лесно движење. Нозете и половината и се слаби, секој чекор и е мака. Досега има поминато низ неколку операции, но нејзината здравствена состојба се’ уште не е на посакуваното ниво.
Надеж гледа во специјализираната болница “Нуромедик” во Ниш, каде преку третмани и’ ветуваат значително подобрување во движењето. Семејството Попоски живее скромен живот, нејзиниот татко е инвалид, па финансиски се немоќни да ги поднесат сите трошоци.
-Со треперливо срце и со многу болка, ви се обраќаме – како родители, како луѓе, како мајка и татко кои секој ден ја гледаат својата ќерка како се мачи да зачекори.Ве молиме, помогнете ни. Помогнете и на Стефанија.Секоја донација е глас на надеж. Секоја споделена приказна е чекор поблиску до нејзиното подобро утре – стои во апелот за помош на социјалните мрежи и на хуманитарната организација “Павел Андреев”.
Македонскиот боксерски судија Стефан Цубалевски беше нападнат од страна на азербејџански тренер за време на финалето на Европско младинско првенство кое се одржа во Златибор, Србија.
Инцидентот се случи вчера во финалето до 75 килограми во кое боксуваа Виктор Мајсторовиќ од Србија и Јусуф Агакишијев од Азербејџан.
Тренерот на Агакишијев незадоволен од судењето, прво вербално го нападна Цубалевски, а потоа во втората рунда влезе во рингот и почна да го дави.
Мечот беше прекинат, Азербејџанецот д0би службен пораз, а Србинот го освои златото.
-На 26.07 2025 во ОВР Прилеп било пријавено дека околку 19.00 часот на ул.„Архиепископ Доситеј“ во с.Крушеани, општина Кривогаштани, се случила сообраќајна незгода помеѓу патничко возило „фолксваген“ со прилепски регистарски ознаки, управувано од Н.Ѓ.(32) од с.Крушеани и патничко возило „шевролет“, сопственост на МВР. Во незгодата со телесни повреди се здобил Н.Ѓ., констатирани во Општа болница Прилеп. Извршен бил увид од увидна екипа од ОВР Прилеп – информираат од МВР.
Актуелниот заменик министер за економија и најуспешен градоначалник во историјата на Македонија, Марјан Ристески, објави фотографии од семејна дружба со своите братучеди – кои живеат во различни краишта во светот.
Македонија, Германија, Австралија, Холандија, Луксембург… различни нации, различни континети, но исти корени, но функционираме како еден тим – напиша Ристески на Фејсбук.
На фотографиите кои ги објави, тимот носи дресови на македонската фудбалска репрезентација, а Ристески е во улога на тренер.
-На 26.07 2025 во 12.00 часот во ОВР Прилеп било пријавено дека на излезот од Прилеп, патничко возило „мерцедес“ со прилепски регистарски ознаки, управувано од 18-годишната И.В. од Прилеп, излетало од патот. Во несреќата со тешки телесни повреди се здобила И.В., констатирани во Опшата болница Прилеп. Извршен бил увид од увидна екипа од ОВР Прилеп – информираат од МВР.
Регионалната дирекција на УЈП Прилеп само во последниве шест месеци направила преку 180 контроли во објекти каде што се вршеле готовински плаќања, пришто кај шеесетина даночни обврзници биле констатирани неправилности, а на двајца им е изречена и мерка за времена забрана за вршење на дејноста. „Битката“ со несовесните даночни обврзници е во врвот од приоритетите на оваа институција, уверуваат од УЈП Прилеп – oбјави “АЛФА ТВ”.
„УЈП има извршено 183 контроли на територијата на Регионална дирекција Прилеп, од кои што 66 се контроли со утврдени неправилности. Тоа значи – не издавање на фискални сметки и непоседување на фискални сметки. А од овие 66 даночни обврзници имаме за двајца даночни обврзници кои што се со времена мерка за забрана за вршење на дејноста во траење од 15 дена“, – изјави Александар Мирчески, управник на РД на УЈП – Прилеп.
Дека државата бескомпромисно се обидува да стави ред и во овој сектор, се и последните податоци од УЈП за направените контроли на ниво на држава од 14 до 20 јули. Контролите биле спроведени кај 353 субјкети. Кај 100 од нив биле утврдени неправилности при што изречени се 82 глоби за неиздавање на фискални сметки, 3 глоби за невоведување и некористење на фискален систем, 10 глоби за неводење на Книга за дневни финасиски извештаи, 3 глоби за фискална сметка без пропишани елементи, една глоба за невоведена резревна фискална апаратура и една глоба, согласно Закон за даночна постапка, заради одбивање да соработува.
Веќе од денеска пак, УЈП најави засилени контроли и на такси-превозниците во целата земја, а особено во туристичките места. „Овие даночни обврзници се должни да имаат фискален апарат, да издаваат фискална сметка за секоја услуга, да го евидентираат дневниот промет на трансакциска сметка кај носителот на Платен промет најдоцна до наредниот работен ден, но и да имаат јасно и видливо соопштетние за задолжително издавање, барање и добивање на фискална сметка“, – информираат од УЈП.
Истовремено, од УЈП упатавуваат апел и до граѓаните да ги пријавуваат сите забележани неправилности при било кое плаќање на бесплатниот телефонски број 198, по што УЈП ги разгледува добиените претставки и постапува согласно своите ингеренции.
Инаку, според Законот за ДДВ, секој даночен обврзник кој што остварува приходи и промет над 2 милиони денари, е регистриран како ДДВ-обврзник.
Центарот за управување со кризи информира за состојба со пожарите.
Како што велат, во текот на изминатото деноноќие евидентирани се вкупно 33 пожари на отворен простор, од кои:
АКТИВНИ ПОЖАРИ (12):
1. Василево / Радовиш / Берово – с. Нивичино, планина Голем Готен и Малешевските планини (нискостеблеста шума, смрека, грмушки и ниска вегетација);
2. Прилеп 1 – с. Бешиште, Бешишки Рид, кон с. Градешница (Новаци) и крак кон границата со Р. Грција (мешана шума);
3. Прилеп 2 – активен крак кон с. Дрен, проширен кон с. Галиште (Кавадарци); под контрола помеѓу Царевиќ и Смолани (мешана шума и нискостеблеста вегетација);
4. Македонски Брод – помеѓу Црешево, Локвица и Крапа (деградирана дабова шума, грмушки и ниска вегетација);
5. Желино – помеѓу с. Церово и с. Групчин (нискостеблеста и деградирана шума);
6. Петровец – с. Средно Коњаре, крај р. Пчиња (мешана шума);
7. Зелениково – с. Гумалево (ниска и мешана вегетација);
8. Крива Паланка – с. Нерав (висока борова шума);
9. Старо Нагоричане / Куманово – с. Облавце, Бељаковце, Довезенце, Јачинце (ниска вегетација);
10. Старо Нагоричане – с. Руѓинце (ниска вегетација);
11. Василево 1 – с. Сушево (грмушки и ниска вегетација);
12. Василево 2 – с. Добрашинци (грмушки и ниска вегетација).
