-На 11.03.2026 во 12:00 часот во Полициското одделение Ропотово, Н.З.(34) од с.Локвени, општина Долнени пријавил дека од семејниот дом се оддалечила неговата сопруга Ф.З.(31) од с. Локвени.

Се преземаат мерки за пронаоѓање на лицето, информираат од СВР Битола.

Започна да се реализира уште еден проект од вториот владин повик на кој Општина Битола имаше најголем брод одобрени проекти.

Градежната механизација ја започна изградбата на пат до манастирот „Св. Меркуриј“ во селото Барешани, а увид во работите направи градоначалникот на Битола Тони Коњановски со одговорните лица за проектот.
Должината е 580 метри, а ширината на патот 3 метри, плус банкини.

По поставувањето на тампон со дебелина од 25 см, ќе следи и асфалтирање.

Асфалтниот слој ќе биде со дебелина од 7 см, а асфалтната вкупна површина 2029 м2.

Вредноста на овој проек е 5.421.038 денари и средствата се преку Министерството за транспорт.
И овој проект е потврда на заложбите на локалната самоуправа за подобрување на состојбите и во руралните средини – велат во соопштението од општина Битола.

Росиние вото дело „Севиљскиот бербер“ се враќа на големата сцена во ХНК Сплит, под водство на маестро, диригентот Иван Хут, а во режија на Крешимир Доленчиќ, екипа која е предодредена за успех. Кога овде ќе се додаде и баритонот Давор Неќак, битолчанецот кој реди успех по успех, солист на Хрватскиот народен театар во Загреб, а е овојпат во улогата на Фигаро, веќе знаеме дека за овие изведби ќе се бара карта повеќе.

Премиерата е во петок, 13.март.

„Кога ме контактираа од ХНК Сплит и дознав дека имаме само две недели проби пред првата представа – не ми беше сеедно. Да дебитирате со главната улога е голема одговорност – а две недели е краток период. Но со одлична и детална припрема пред првата проба, успеавме заедно со колегите да ја поставиме целата представа. ХНК Сплит има прекрасни професионалци кои ми помогнаа да напредувам во улогата, театарот е прекрасен и има совршена акустика. Би бил среќен повторно да гостувам тука “, вели Давор и додава: Фигаро е улога која секој млад баритон ја посакува, всушност би се осмелил да кажам дека таа е првата “круна” во кариерата на баритонот. Напишана е доста високо која ја прави технички комплицирана, а посебен предизвик е да ја пеете мож еби најпознатата арија на светот – Ларго ал фактотум.

Росини не е само еден од најпочитуваните италијански и светски оперски композитори, кој создавал со моцартова леснотија и брзина, туку е и автор токму на најпопуларната комична опера на сите времиња – „Севилскиот бербер“. Неговиот неисцрпен извор на мелодиска инвенција го промени оперскиот свет, и ако на тоа
ја додадеме неговата постојана ритмичка живост, зачудувачка оркестрација, не е ни чудо што ужива во два века популарност.

Изведбата на ова дело е на 13. и 16. март токму во Сплит е​ совршен избор, затоа што како што велат: „Севилскиот бербер“ како да е напишан по мерка за град каков што е Сплит.

Неќак покрај оперскиот репертоар и улогите што ги изведува во својот матичен театар, ја негува и македонската традиција, а изминатите месеци беше со веќе со пополнет репертоар. Тука беше настанот „Глазбени те зове“, свечен гала-концерт одржан во Хрватскиот народен театар во Загреб, со кој се одбележа почетокот на 200-годишнината на Хрватскиот музички завод , “Еро сонога свијета” популарното дело на Јаков Готовац , каде го изведе ликот на Млинарот Сима, „ Кармина Бурана “ каде настап и со оркестарот на Загребачката Филхармонија , под диригентска палка на Иван Шчепановиќ , изведена во „Ватрослав Лисински“ .

На Давор му посакуваме успешно деби и уште многу вакви оперски предизвици.

Со многу емоции, аплаузи и искрени насмевки, учениците на посебен начин го изненадија и испратија својот омилен професор по физичко образование, Тони Атанасоски, на неговиот последен работен ден.

По години посветена работа со генерации ученици, професорот Атанасоски од утре заминува во заслужена пензија. Но, зад себе остава многу повеќе од часови по физичко образование – остава спомени, мотивирани генерации и почит која не може да се измери со зборови.

Учениците со топла и емотивна атмосфера му приредија испраќање кое долго ќе се памети, покажувајќи колку многу им значел во текот на нивното школување. Насмевките, аплаузите и искрените прегратки беа доказ дека професорот не бил само наставник, туку и пријател, поддршка и инспирација.

Овој момент уште еднаш потврди дека гимназијалците од Гимназијата „Мирче Ацев“ се вистинска фамилија – фамилија која знае да ги цени луѓето што оставиле трага во нивниот живот.

Професоре Атанасоски, Ви посакуваме многу здравје, мирни и убави пензионерски денови. Вашите ученици никогаш нема да Ве заборават.

Секој заслужува момент за себе – момент кога ќе застане, ќе се опушти и ќе се почувствува убаво во својата кожа. Во Liza Makeup and Nails веруваат дека негата не е само услуга, туку внимание, грижа и убаво искуство за секој клиент.

Со многу посветеност, професионалност и позитивна енергија во Liza Makeup and Nails ви нудат:

💅 Маникир – за негувани и елегантни нокти

🦶 Педикир и медицински педикир – грижа за здрави и убави стапала

🫧 Jelly Spa – релаксирачки третман за стапала со желе бања што ја омекнува кожата и овозможува вистинско spa уживање

✨ Депилација – прецизна и внимателна услуга за мазна и негувана кожа

💄 Професионална шминка – за настани, прослави и посебни моменти

👰 Шминка за невести – нежна, долготрајна и совршена визија за вашиот најважен ден

Работaт со внимание на секој детал, квалитетни производи и индивидуален пристап, со желба секој што ќе ги посети да си замине со насмевка, самодоверба и чувство дека направил нешто убаво за себе.

🌸 Дозволете си момент на нега, убавина и релаксација во Liza Makeup and Nails.

📩 За повеќе информации и закажување термин, пишете им на Инстаграм: Lizamakeupandnails, јавете се на телефонскиот број: 075 680 100 или посетете ги на ул. “8-ми Март”,  во Старата прилепска чаршија, во близина на Саат Кулата.

Реализираме огромен инвестициски циклус од неколку милијарди евра во развој и модернизација на коридорите во Македонија. Работиме на изградба и модернизација на автопатски делници, инвестираме во изградба на брза пруга на Коридор 10 и железничко поврзување на Исток, а со подршка на Светска банка работиме на модернизација на граничните премини со Албанија и Бугарија, се обрати заменик претседателот на Владата, Александар Николоски во рамки на министерскиот состанок организиран од Светска банка.

“Имаме среќа што двата пан европски коридори се пресекуваат во нашата земја. Тоа е Коридорот 10 што го поврзува југот на Европа со северот на Европа и тоа е најдолгиот коридор во Европа. Вториот коридор е Коридор 8 што оди од запад кон исток, започнува во Албанија и завршува во пристаништето Одеса во Украина и сега се смета за втор најважен безбедносен коридор за НАТО. Се обидуваме да ги развиеме двата коридори. Имаме огромен инвестициски циклус од неколку милијарди евра што го реализираме на двата коридори, што потоа отвора нови можности за развој на бизнисот покрај нив” – се обрати вицепремиерот Николоски.

Пред присутните, тој ги потенцира капиталните проекти што во моментов се реализираат во Македонија.

“Со нашите партнери и пријатели од Обединетото Кралство работиме на изградба на брза пруга која треба да оперира до 200 км на час за патнички сообраќај и 120 км на час за транспорт. Потпишавме договор со нашите бугарски соседи за заедничко железничко поврзување на Коридорот 8 и го развиваме овој коридор со финансиска подршка од ЕУ и неколку банки. Со Светска банка тесно соработуваме на проектот за локални патишта каде во секоја општина градиме локални патишта. Работиме и на модернизација на најголемиот граничен премин со Албанија, потоа и на најголемиот граничен премин со Бугарија на Коридор 8. Исто така работиме и на проект со Царината. Тоа е проект за нов едношалтерски систем, кој треба да овозможи товарниот сообраќај да биде многу побрз и многу поефикасен”– додаде вицепремиерот Николоски.

Во своето обраќање истакна дека веќе се работи на проект преку кој треба да се поврзат Коридорот 10 и Коридорот 4 во Бугарија, а со тоа Македонија да се поврзе кон Турција и Блискиот Исток. Се заблагодари за подршката на Светска банка и во делот на финансиите и во делот на експертизата што ја овозможува за Македонија.

Едукативниот театарски караван „ЕКО авантура“, реализиран со поддршка од Кожувчанка Компанија, а во продукција на „Продукција Триангл“ и под режисерско водство на Десанка Глигоријевиќ , успешно го заокружи своето прво големо издание.

Во текот на 2025 и почетокот на 2026 година беа изведени 120 претстави, кои ги проследија повеќе од 30.000 деца. Преку театар, игра и интеракција, децата имаа можност на забавен начин да научат за заштитата на животната средина, рециклирањето и значењето на здравите навики, особено редовната консумација на вода.

Големиот интерес и позитивните реакции од децата, воспитувачите и родителите ја потврдија вредноста на проектот и отворија простор за негово понатамошно развивање и создавање нови едукативни концепти наменети за најмладите.

„Нашата цел беше да создадеме претстава што на забавен и разбирлив начин ќе ги доближи важните еколошки пораки до децата. Реакциите на публиката ни покажаа дека успеавме во тоа“, изјави режисерката Десанка Глигоријевиќ.

„Големиот интерес и позитивните коментари за „Е КО авантура“ се наша силна мотивација и натаму да продолжиме со поддршка на едукативни проекти кои се од голема важност за децата и идните генерации“ , истакна менаџерот за маркетинг и комуникации на компанијата Кожувчанка Митко Јовановски .

Со овој проект, к омпанија та Кожувчанка уште еднаш ја потврдува својата посветеност на општествената​ одговорност особено вложува јќи во најмладите, каде што започнува секоја вистинска промена.

Има брендови што ги купуваме. Има и брендови со кои растеме. Витаминка веќе 70 години е дел од втората приказна. Седум децении, низ различни времиња, држави, генерации и навики, Витаминка остана присутна таму каде што е најважно, во домовите. Во вкусот што нè потсетува на детството, во секоја семејна средба, во малите секојдневни моменти што стануваат најдраги спомени. Затоа речиси и да нема семејство што не ја препознава Витаминка како „своја“.

Приказната за денешна Витаминка започна во 1956 година во Прилеп, скромно, со мелен црвен пипер и голема посветеност. Од тој почеток, чекор по чекор, Витаминка изгради свет на вкусови што денес брои стотици производи и брендови кои се дел од секојдневниот живот од првите детски ужинки со Стоби флипс, преку семејните трпези со Витанез мајонез и препознатливиот кечап, до слатките моменти со Атлантис, Фрути и Деспина и освежувањето со Цевитана.

И токму во тоа е силата на оваа приказна, вкусовите што не се менуваат затоа што се докажани, а се сакани затоа што будат доверба. Витаминка е нишката што ги поврзува генерациите, преку истиот препознатлив вкус.

Витаминка освен што е емоција и вкус на повеќе генерации, таа е највредниот македонски бренд, создаден од македонски знаења и труд, симбол за квалитет, сигурност и континуитет.

По 70 години Витаминка продолжува напред, со истата посветеност, со препознатливите вкусови и со јасна визија. Да остане бренд што не се мери само по бројот на производи, туку по местото што го има во животите на луѓето. Бренд што не е само дел од пазарот, туку дел од домот.

Општина Крушево информира дека од денес започнува процесот на репроценка на недвижниот имот на територијата на општината.

Во наредниот период, овластени тимови од Општина Крушево ќе спроведуваат теренски посети со цел прибирање на потребните податоци за ажурирање и усогласување на евиденцијата за недвижниот имот.

Од Општината апелираат до граѓаните за соработка и разбирање при реализацијата на оваа законска обврска.

За сите дополнителни информации, граѓаните можат да се обратат во Општина Крушево.

Во Општина Кривогаштани започа спроведувањето на нова услуга – бесплатни физиотерапевтски третмани наменети за граѓаните на општината.

Според информациите од општината, услугата ќе се реализира еднаш неделно, секој вторник во периодот од 10:00 до 14:00 часот. Целта на оваа иницијатива е да им се овозможи на жителите полесен пристап до физиотерапевтска помош, особено на лицата кои имаат потреба од рехабилитација, третмани за болки во мускулите и зглобовите или превентивна терапија.

Од Општина Кривогаштани информираат дека сите заинтересирани граѓани можат да добијат дополнителни информации за термините и начинот на пријавување на телефонскиот број 076/250-29.

Со оваа услуга локалната самоуправа има за цел да придонесе за подобрување на здравјето и квалитетот на живот на жителите во општината.