-СВР Охрид поднесе кривична пријава против М.Н.(46) од Прилеп и М.В.(60) од Скопје поради постоење основи на сомнение за сторено кривично дело „бесправно градење“.

Во Љубаништа, пријавените изградиле семејна куќа без да поседуваат одобрение за градење од надлежен орган – информираат од МВР.

Центарот за култура „Марко Цепенков“ го доби проектот за изградба на нов театар во Прилеп. Од Министерството за транспорт и врски се чека одобрение за градба, а од Министерството за култура и туризам средства за реализација во програмата за 2025 година.

-Проектантите неодамна го завршија проектот и Центарот за култура „Марко Цепенков“ располага со комплетна ревидирана проектна документација од проектот за реконструкција со доградба и надградба на објектот наменет за обезбедување простор за потребите на театарот. Всушност, станува збор за два одделни проекти по барање на Министерството за транспорт и врски: еден е за реконструкција на постојниот објект на Центарот, а другиот е за доградба и надградба на постојниот објект, изјави Марија Попова Јованоска, в.д. директорка на Центарот за култура „Марко Цепенков“.

Реконструкцијата на објектот се однесува на содржинско збогатување и функционално редефинирање на просторот како и подобрување на постојната физичка состојба на просторот и замена на дотраените материјали и техничка опрема, а доградбата и надградбата се однесуваат на обезбедување целосно нов простор за потребите на театарот во рамките на Центарот за култура со претходно отстранување дел од просторните целини.

Театарот е предвиден да ги опфати просторните делови од сегашното кино „Мис Стон“, од „Арт“ кагулето и дел од ликовната галерија.

-Двата дела, предвидената реконструкцијата и доградбата со надградбата, ќе делуваат како една содржинска целина, со можност за работа како самостојни целини во иднина, објаснува Попова Јованоска.

Центарот се обрати до Министерството за култура за да одобри финансиски средства за изградба на новиот театар во Прилеп во програмата за наредната 2025 година.

-За овие два проекти веќе се обративме до Министерството за култура и туризам и побаравме да обезбеди финансиски средства за реализација и да ги одобри во годишната програма за изградба на нови објекти и реконструкција, санација и адаптација на постојните објекти што ги користат националните установи од областа на културата за 2025 година, рече Марија Попова Јованоска.

Според проектантите, за изградба на театарот ќе бидат потребни околу 18.000.000 евра, а за реконструкција на Центарот за култура околу 9.000.000 евра.

Проектант на проектите е Друштвото за производство, промет и услуги Архиум Љупчо ДООЕЛ увоз-извоз Скопје, а ревидент е Друштвото за проектирање и инженеринг Хидро градежен инженеринг Скопје.

За реализација на двата проекти од Министерството за култура и туризам беа одобрени 60.000 евра.

Недела (10.11) со почеток во 10.00 – 15.00 часот иницијативата „Спас за Прилеп“ во соработка со Здружението за едукација, советување, превенција и грижа на лица со дијаетес „Сина Револуција“ со организирана голема акција за пошумување.

-Сакаме да Ве известиме дека на ден Недела 10.11.2024 од 10.00 – 15.00 часот иницијативата Спас за Прилеп во соработка со Здружението за едукација, советување, превенција и грижа на лица со дијаетес Сина Револуција ќе организираат акција за пошумување која се одржува во село Прилепец, манастир Св. Никола.

П.С. Оние кое сакаат да учествуваат во пошумувањето да понесат со себе лопата или дурија – стои во поканата за акцијата од организаторите.

По назначувањето на Александар Алексоски за Генерален директор на Тутунскиот Комбинат, одново ќе има поместување во составот на советничката група на ВМРО-ДПМНЕ Прилеп.

Алексоски на функцијата совеник во Советот на општина Прилеп беше именуван пред само два месеци, а таму беше назначен по изборот на Д-р Кире Јоноски за директор на прилепската болница.

Функцијата советник ја обавуваше само неколку седници и веќе стана Генерален директор на некогашниот прилепски гигант.

На советничката листа од локалните избори во 2021 година, следно е името на Снежана Котева, инаку актуелна директорка на ООУ “Гоце Делчев” Прилеп.

Доколку и Котева се откаже од советничката функција, следен е Марјан Костадиноски.

ВМРО-ДПМНЕ и коалицијата на минатите локални избори освоија 15 советнички места во Советот на општина Прилеп. Последна од листата која тогаш влезе во советничкиот состав, беше актуелната пратеничка, Билјана Кузманоска.

Ако партијата и во наредниот период продолжи со вакво темпо на избор на директори на функции од редот на советниците, нема да им останат имиња кои ќе можат да ги заменат во совеничките клупи.

Министерот за транспорт и врски Александар Николовски, во интервју за „Алсат“ рече дека поранешниот прв човек на претпријатието „Државни патишта“, кадар на ДУИ, во соработка со други владини структури, преку проектот за автопатот Скопје-Блаце „сакал само да има материјална корист“.

Тој вели дека трасата на оваа делница била менувана трипати, поради што се променила и цената.

„Компанијата „Суец“ го известила Јавното претпријатие за дека проектот со тунелите е промашен и начинот на кој се проектирани тунелите не може да се реализира во пракса бидејќи е спротивно на европските стандарди и ЕУ нема да го прифати овој пат како автопат“, вели Николоски, најавувајќи дека Обвинителството ќе го истражи наводниот криминал во изведбата на оваа автопатска делница.

На оваа тема Николоски зборуваше и во четвртокот на седницата наменета за пратенички прашања, каде посочи дека моменталниот проект за автопат започнува нигде и завршува нигде, односно дека планираната траса завршува со дол од 50 метри длабочина.

“Имајќи предвид дека за овој проект, обезбеден е кредит од Европската банка за обнова и развој, тоа се институции кои што работат сериозно, и на барање на Европска банка за обнова и развој, покрај што има проектант, покрај што има надзор, има и техничка поддршка, и за техничка поддршка е избрана, ни помалце, ни повеќе, според мене најдобрата европска компанија, тоа е СУЕС. Се вика СУЕС затоа што го има проектирано и изградено Суецкиот Канал. Вака за да имаат слика и пратениците и јавноста. СУЕС на 31. Мај му праќа писмо на Ејуп Рустеми, вашиот член, кое што господинот Рустеми го крие, во кое што во точка 4, трошоци за проектот, вели дека затоа што два пати го менувал проектот, а подоцна ќе сфатат сите зошто го менувал проектот, трошоците растат од 172,1 милион евра на 240 милиони евра. Еве го документот. Ова е документ кој што прв пат излегува во јавност. Извинете ама јас криминал на Ејуп Рустеми нема да реализирам. 70 милиони евра плус да платат македонските граѓани, со можност од Анекс до 20%, затоа реков до 300 може да оди, јас тоа нема да го дозволам”, истакна Николоски.

Тој на собраниската говорница ги објави документите и како што истакна во кои се потврдува дека проектот намерно се одолговлекувал и се спроведувал на овој начин се со цел една фирма да го добие тендерот за изградба на тунелите.

“Ова е докумет кој што прв пат излегува во јавност. СУЕЦ на 31 мај му праќа писмо на Ејуп Рустеми – вашиот член, кое што Рустеми го крие и каде што во точка 4 – Трошоци за проектот се вели дека два пати го менувал проектот и трошоците растат од 172 на 240 милиони евра. Извинтете ама јас криминал на Ејуп Рустеми нема да реализирам. 70 милиони евра плус да се потрошат на македонските граѓани и со 20 % од анексот и затоа реков до 300 милиони евра ќе оди овој проект, јас тоа нема да го дозволам. Второ, нов документ од СУЕС, на 17.09.2024 испратено до новиот директор Коце Трајановски. Во точка 1 –Услови на рефернеца за проектирање се вели дека намерно тунелите се погрешно проектирани и не се проектирани согласно европските стандарди. Кога би имало тендер кој би го распишал Ејуп Рустеми, само една компанија може да го добие и да гради такви тунели. Извините, ниту јас, ниту Премиерот ниту Коце, ниту ЕБРД не се наивни да финансираат криминал. Знаете зошто вака тунелите се проектирани, затоа што само една компанија може вака да го добие проектот. И не зборувам јас, туку зборува СУЕС најголемата компанија која го градела Суецкиот канал”– истакна министерот Николоски.

Министерот Николоски објави дека компаниите Јубај 2 Амет, Фрукта Фрута, Кадис Холдинг и Атлантик Дооел се фирмите кои ги купувале плацевите од физички лица каде требало да поминува трасата на автопатот, притоа плацевите биле препродавани неколку пати.

“Никогаш не е направена јавна презентација на 3-те траси што е законска обврска. Средствата за автопатот за прв пат се одобрени 2019, потврдени 2020 година. Зошто не е објавен теднер во 2021, за да може да се продаваат парцелите и да се намести тендерот само една компанија да го добие и само таа компанија да гради тунели”– рече министерот Николоски.

Во однос на поврзувањето и дизајнот на автопатот тој додаде:

“Сакам и ќе се изгради автопатско решение од Скопје до Блаце. До сега автопатско решение нема. Има два километри кои започнуваат никаде и завршуваат никаде. Претпоставувам знаете кога патувате од Приштина кон Скопје знаете дека тие 2 километри не се поврзуваат со постојаниот автопат од другата страна на границата. Добро прашање е како ќе се поврземе кога никаде не се спојуваат, а овие 2 километри започнуваат од граница со Косово кон Скопје и започнуваат никаде, а завршуваат исто никаде бидејќи завршуваат во една дупка од 50 метри” – истакна министерот Николоски.

Стопанственикот Борче Чупетрески на социјалната мрежа ФБ објави еден гест кој наиде на големо одобрување од граѓаните. Тој гратис ги светна трите автобуси на Јавниот градски превоз кои се под надлежност на ЈП за ПУП, а за тоа доби пофалби од голем број корисници на градскиот превоз.

На површина од 900 м² Општина Битола ја започна изведбата на „Памп трак” полигонот за велосипеди на локација во градскиот парк, во близина на „Ќумурното” игралиште.

Оваа адреналинската патека вклучува континуирана патека од нагорнини и надолнини околу кои возачите можат да возат велосипеди, скејтборди, ролери и друго. Патеката ќе понуди повеќе начини на забавно возење во безбедна и контролината средина.

Изведувач на проектот е фирмата ДТУ Јумак ДООЕЛ увоз-извоз Скопје, а вкупната вредност на набавката е 5.216.343,00 денари со вклучен ДДВ, а средствата во целост се обезбедени од буџетот на Општина Битола.

Со изведбата на овој проект, покрај велосипедските патеки кои се веќе во изградба, Битола ќе добие уште една нова содржина за вљубениците во велосипедизмот. Општина Битола продолжува со континуираното вложување во спортско – рекреативните содржини, во интерес на граѓаните во нашиот град.

На 04.11.2024 во 16.40 часот, во атар на с.Болно, ресенско, полициски службеници од ОВР Ресен ги лишиле од слобода С.Д.(47) од Ресен и Т.Д.(45) од Прилеп поради сомнение за сторено кривично дело „кражба” по член 235 од Кривичниот законик.

При контрола на трактор со приколка, кој го управувал С.Д., а сопатник бил Т.Д., биле пронајдени огревни дрва за кои не поседувале никаква документација.

Тракторот, дрвата и приколката биле одземени, а по целосно документирање на настанот против лицата ќе следува соодветна пријава – информираат од МВР.

Витаминка започна со караван во предучилишните установи за едукација за основните општествени вредности. Во повеќе од 80 предучилишни установи преку музичка претстава, интерактивна игра и забава најмладите ќе ги запознаваат овие вредности и ќе се едуцираат за емпатија, другарство, разбирање, почит на другиот и ценење на различностите.

Преку овие активности, Витаминка се надева дека ќе го поттикне позитивниот развој на децата и ќе придонесе кон создавање на посветла иднина за сите.

„Како општествено одговорна компанија, Витаминка преку бројни проекти и иницијативи, се залага за позитивно влијание врз општеството и заедницата. Едукацијата е само еден сегмент каде треба сите да се вклучиме и каде може да се направат суштински промени. Овој караван посебен акцент става на основните општествени вредности што многу често се забораваат а чие почитување и знаење се одразува на подолг рок и врз целата заедница, посебно кога ќе се научат и прифатат уште од рана возраст“, велат од Витаминка.

Овој уникатен проект е во продукција на Триангл, а сите активности се создадени во консултации со педагози, психолози и едукатори. Во богатото повеќегодишно искуство во доменот на музичко-драмски претстави, Триангл ги користи најдобрите практики за доближување на музичката уметност до најмладите. Со учеството на професионални музичари, освен едукација караванот на Витаминка ќе им овозможи на децата незаборавно искуство, кое ќе ги учи на важни животни лекции и вредности.

Карванот ќе трае до месец мај, при што ќе бидат опфатени 80 предучилишни установи во сите населени места низ државата.

Еден од најпознатите угостителски објекти, ресторанот “Деспина”, со ново изненадување за своите гости и вљубениците во вкусна чорба.

Понуда на која нема да одолее ниту еден “џорбаџија” во градот под Марковите Кули, а богами и сите гости кои доаѓаат од други градови.

Секој ден од 08 до 13 часот, чорба + чашка ракија за само 200 денари.

Посетете ги и уживајте во есенските ладни утра со вкусна топла телешка, јагнешка, или мешана чорба.

Следете ја редовно нивната Фејсбук фан страна, затоа што тимот на ресторан “Деспина” постојано нуди разни примамливи понуди за своите ценети гости, а и музичката програма им е единствена во целиот град.

Наздравје!