Министерката за енергетика, рударство и минерални суровини, Сања Божиновска, во рамки на работната посета на општина Прилеп оствари средба со градоначалникот Дејан Проданоски, на која се разговараше за состојбите и развојните можности во рударскиот сектор, како и за придобивките што локалната самоуправа ги има од концесиските активности.

На средбата беше истакнато дека Прилеп претставува една од општините со најголем број активни концесионери во државата, што директно влијае врз локалниот економски развој, отворањето работни места и зголемувањето на приходите во општинскиот буџет. Соговорниците разговараа за ефектите од зголемените концесии, како и за потребата од одржување стабилен баланс помеѓу економскиот развој и заштитата на животната средина.

Посебен акцент беше ставен на соработката меѓу општината и концесионерите, при што беше констатирано дека е важно доследното почитување на законските обврски и стандардите за работа, како и континуираниот дијалог со локалната заедница со цел одржлив развој на секторот.

-Развојот на рударството мора директно да се чувствува и на локално ниво. Нашата цел е општините да имаат реален бенефит, а компаниите да работат согласно највисоките стандарди и прописи, истакна министерката Божиновска.

На средбата се разговараше и за унапредување на инспекцискиот надзор, при што беше најавено отворање на нова канцеларија на Државниот инспекторат во Прилеп. Новото присуство на инспекциските служби на локално ниво ќе овозможи поголем увид на терен, поефикасни контроли и навремено постапување, што ќе придонесе за дополнително зајакнување на довербата и транспарентноста во работењето.

Министерката Божиновска нагласи дека Министерството останува посветено на партнерски однос со локалните самоуправи, со јасна цел — развој на рударството како економски двигател, но со целосно почитување на прописите и интересите на граѓаните.

СВР Битола, до Основното јавно обвинителство Битола, поднесе кривична пријава против Е.И.(53) од Битола поради постоење основи на сомнение за сторено кривично дело „злоупотреба на службената положба и овластување”.

Пријавената, како поранешен директор на Јавна здравствена установа-Клиничка болница Битола, во текот на 2023 година, спротивно на одредбите од Законот за администаривни службеници, Законот за изменување и дополнување на Законот за администаритвни службеници, без согласност од Министерството за финансии и спротивно од Законот на буџети за вработување, без спроведени интерни огласи и согласност и потпис од Секторот за човекови ресурси, за 11 лица вработени како административни службеници во управната зграда во Клиничка болница Битола склучила анекси кон договорите за вработување со цел зголемување на коефициентите на сложеност на работните места и издала решенија за утврдување на висина на плата, односно унапредување во повисок степен без соодветно образование. На тој начин пријавената го оштетила Буџетот на Министерството за здравство, односно Фондот за здравствено осигурување за 49.304 евра до моментот на поднесување на пријавата. На пример, лице вработено како помошник одговорен инжинер за техничко одржување на објекти, каде било предвидено средно образование електротехника или електромашинство, било унапредено лице со академско звање – доктор на науки од областа на индустриски менаџмент и платата му била пресметувана по коефициент на сложеност кој се однесувал за профил доктор на немедицински науки, сродни на дејностите на установата.

Пелагонискиот регион започнува да излегува од тридецениската зачмаеност условена од катастрофалната патна инфраструктура. Изградбата на современи автопатишта поволно ќе се одрази врз рентабилноста во работењето на многу компании кои со години наназад се соочуваат со енормно високи дополнителни транспортни трошоци, смета претседателот на Регионалната стопанска комора од Прилеп. Дури, неговите очекувања се дека со новите сообраќајни решенија Пелагонискиот регион повторно ќе го заземе некогашното високо место во креирањето на БДП – објави “АЛФА ТВ”.

„Конечно, после 30 години барања од страна на бизнис-секторот, ќе се излезе во пресрет да се реализира автопатско поврзување на овој регион со останатите коридори. Тој автопат би имал огромно значење, најпрвин во делот на комуникацијата, безбедноста, а потоа и во полесниот пристап на стоки и услуги кои ги нуди овој регион, а исто така ќе го олесни и пристапот до пристаништата во Солун и Игуменица… Од нашето искуство, кога сме имале групни превози, секогаш кога требало да се достави стока до Прилеп, дополнително сме плаќале“, ни изјави за Алфа, Никола Мариноски, претседател на Регионалната стопанска комора – Прилеп.

Според Мариноски, ваквото современо сообраќајно поврзување значително ќе придонесе не само за развојот на регионалната економија, туку и за намалување на иселувањето, кое со години е рак-рана на овие простори.

„Би можел да се ублажи ударот преку вакви работи. Да се отвораат нови работни места, да се прави инфраструктура за младите да имаат можности да остануваат, а и да доаѓаат странски инвеститори за и понатаму да се развива овој регион“, посочува Мариноски.

И вицепремиерот Александар Николоски, при синоќешната посета на Прилеп, потврди дека Пелагонија не само што не е заборавена од државата, туку дека Владата и понатаму ќе продолжи сериозно да инвестира во инфраструктурата во овој регион.

„Во интензивни преговори сме и мислам дека во следните месец до месец и половина ќе видите активности и во Собранието за она што го ветив, а тоа е – од Фариш до Прилеп, исто така да одиме со автопатско решение, како Прилеп би бил од двете страни поврзан со автопат“, вели министерот Александар Николоски.

Инаку, во моментов интензивно се работи на автопатот Прилеп–Битола, кој треба да биде готов до крајот на наредната година. Лани, пак, во јануари во функција беше ставена делницата Градско–Фариш во должина од 16,5 км, а на почетокот од јули беше пуштена во употреба и делницата од Дреново до Фариш во должина од 10,2 км, како дел од експресниот пат Градско–Прилеп.

Kaролина Дурло за АЛФА ТВ

Најдобрата ТЕРАСА во Прилеп, овој викенд ве очекува најбогатата и највозбудливата карневалска програма во градот, атмосфера што се памети и забава што трае до доцна во ноќта!

Вечерва старт со прекрасните TRIO FISH – одличен спој на гитара и виолина, одличен ритам за совршен почеток на викендот.

View this post on Instagram

Сабота (21.02.) продолжуваме со енергичните прилепчани од LOCKDOWN, кои гарантираат вистинска експлозија од добра музика и позитивна енергија.

View this post on Instagram

🎧 Недела (22.02.) – Карневалска еуфорија цел ден!
🔥 Од 12:00 часот – DJ MATS со дневна карневалска журка
🌙 Од 21:00 часот – DJ ANONIMOUS за спектакуларна ноќна забава

Сите забави ќе бидат организирани со високи маси, совршени за динамична атмосфера, дружење и танцување до раните утрински часови.

🎉 Најдобрата атмосфера во градот е токму тука!

📞 Резервирајте навреме на телефонскиот број 070 304 967 и обезбедете си место за најлудиот викенд во Прилеп!

Pub Club Terasa – местото каде што карневалот добива вистинска магија!

Прилеп ќе биде домаќин на првиот „Лимонада Куп“, меѓународен фудбалски турнир за млади фудбалери, кој ќе се одржи во сабота, 21 февруари 2026 година на теренот со вештачка трева во населбата “Типски”. Турнирот ќе собере реномирани фудбалски школи од Македонија и регионот и претставува значаен спортски настан за градот и за младинскиот фудбал.

На турнирот ќе учествуваат фудбалските школи на Wonderkids од Прилеп, П.А.С. Флорина од Грција, како и школите на ФК Вардар и ФК Пелистер.

Во рамки на „Лимонада Куп“, љубителите на фудбалот ќе имаат можност да проследат и меѓународен натпревар помеѓу репрезентативци до 15 години на Македонија и Грција, што дополнително го зголемува значењето и атрактивноста на настанот.

Турнирот се организира со поддршка на генералните покровители, наведени на официјалниот флаер, и има за цел промоција на спортот, фер-плејот, меѓународната соработка и правилниот развој на младите фудбалски таленти.

Првиот „Лимонада Куп“ ветува квалитетен фудбал, спортска атмосфера и вистински празник за младинскиот спорт во Прилеп.

Распоредот на натпреварите е следен:

Учениците од седмо одделение од ООУ “Kире Гаврилоски-Jaне”, беа најнови гости во производствените капацитети на прилепска Витаминка.

-Ја посетивме фабриката за производство на познатите Стоби Флипс каде учениците се запознаа со погонот каде што се изработуваат омилените Стоби Флипс. Оваа посета ја организира наставничката по Хемија – Христина Манческа. Целта на посетата беше учениците да се запознаат со нешто ново што не виделе и е различно од училишниот материјал. Голема благодарност на наставниците Борче Ацески, Милан Јаковоски и Игор Радески кои присуствуваа на посетата и до директорката Снежана Коцесвка Шубеска – напишаа од училиштето

Од училиштето упатија голема благодарност за гостопримството до вработените во Витаминка, кои им ја овозможија оваа посета и ги почестија сите ученици со пресни Стоби Флипс и други производи од прилепското царство на вкусови.

Во најновата петочна колумна за минатонеделните случувања во Прилеп, новинарот Зоран Момироски се осврна на кадровската промена во ЈКП Комуналец Прилеп и на активностите на претпријатието во изминатите денови.

-Во новава година со новот директор од ЈП Комуналец пуштија на најсилно соопштение дека минатиот викенд ќе се мијат улиците. И тоа со нов термин, ноќе кога сообраќајот во Прилеп е речиси сведен на неопходниот минимум. Веднаш си помислив: Aлал да им е на комуналциве, значи требало наместо Абрашо да дојде Љубиша и работиве да тргнат. И навистина тргнаа цистерниве низ улиците. И тоа дирекно на песокта и калта што беше се насобрала со месеци. Ама не со црева и под силен притисок, туку онака со предните прскалки од цистерните. Мијат луѓево колку може и неможе. Како ги мијат улиците така со калта ги валкаат тротоарите. Гледам и си велам: Каде не се изметени ниту исчистени, а прашање е и колку може да се изметат оти користат методи и метли кои биле ,,хит,, уште пред 1900 година за потоа да имаме тротоари и со кал. Едно не ми е јасно. Добро, луѓево знаат дека дома прво се мети па се џогира или…?!? Мислев дека незнаат, ама откако видов како се чисти и мие плоштадот за ,,Прочка,, па уште сето тоа се снима со дрон не барем се чисти Бекингемската палата во Лондон сосема се ми стана јасно. Само останата ,,јогурот да му го мати мозикот на луѓево,,?!? Ама по коментарите на граѓаните по објавеното видо со дронот пораката е испратена.

Целата колумна на Момироски прочитајте ја ТУКА

Се додека граѓаните велат дека не треба да има предвремени парламентарни избори, нема да има, истакна вечерва премиерот Христијан Мицкоски.

-Што се плашат од предвредмени избори? Јас им реков колку и да ни одговара – нас ни е приоритет државата и граѓаните . На ниту едно мерње, граѓаните не даваат предност на тоа да се оди на предвремени парламентарни избори. Нема и не не знам уште колку пати треба да го кажам. Се додека граѓаните велат дека не треба да има предвремени парламентарни избори, нема да има. Бидејќи следната година влегуваме во очи на редовните, оти ако има редовни тоа значи дека тхеничката влада би била избрана на крајот на декември или почетокот на јануари 2027/2028 година. Тоа значи дека ние сме на помалку од две години од техничка влада. Нема да има. Ние сме народна партија. Од народот потекнуваме. Исто така, сите пораки од меѓународната заедница се дека имате стабила влада, дајте испоралчувајте реформи, дајте да работиме. И гледате дека ние не седиме, туку си работиме и саботи, викенди, делници, празници, мора да се сработи – рече Мицкоски во „Само интервју“ на ТВ Канал 5.

Околу предлогот за укинување на техничката влада по следните избори, премиерот потенцира дека Советот на Европа вели дека оваа Влада е подготвена и способна да се однесува зрело, демократски и да ги обезбеди сите предуслови за демократијата и институциите да функционираат.

-Еве локалните избори се доволен доказ. По локалните избори, не треба мене да ми веруваат. Нека му веруваат на Советот на Европа, го укинаа постмониторингот за Макеоднија. Еве не треба мене да ми веруваат. Не треба на никој да му веруваат. Нека му веруваат на Советот на Европа, која е европска институција. Тој вели дека оваа Влада е подготвена и способна да се однесува зрело, демократски и да си обезбеди сите предуслови за демократијата и институциите да функционираат. Да бидеме реални.Тоа е политиканство. Важно е, затоа што е дел од процеси кои ќе следат – рече тој.

Потенцира дека суштината е оти опозициската СДСМ сакаат да политизираат по принципот поларизирај.

-Ние бевме многу јасни пред претходните парламентарни избори во 2024 година, јас кажав дека сме за укинување на техничката влада. Ние влегуваме во еден таков чуден вртлог, континуиран. Еве јас прифатив – реков нејќам техничка влада. Ако тие сакаат да изберат премиер Албанец, не мораше техничка влада, можеше да имаат легитимна влада. Демократијата вели дека кој го има мнозинството, тој прави влада. 61 во парламентот прават влада. Пораките од народот се многу јасни – дека од оваа влада не се очекува политикантство, туку работа. И тоа го правиме – рече тој.

Мицкоски нагласи дека процесот со реконструкцијата на Владата очекува да заврши најдоцна до јуни.

-Јас веќе има изградено свој став, не велам дека немам. Но, сакам да седнам со коалициските партнери и да разговараме. Во мај или најдоцна до јуни би требало да се заокружи тој процес – рече тој.

Премиерот не сакаше да ги коментира последните превирања во ВРЕДИ. Потенцира дека е одлична атмосферата на владините седници и помеѓу колегите.

-Не е културно јас да ги коментирам. Не очекувам да се наруши атмосферата. Оваа влада ја започнавме заедно. Соработуваме одлично со колегите од коалицијата ВРЕДИ, со ЗНАМ, со останатите коалициски партнери, со внатрешните партнери на ВМРО-ДПМНЕ во рамки на Владата. Атмосферата на владините седници и помеѓу колегите, би рекол дека е одлична – истакна премиерот Мицкоски.

Анета oд Прилеп има 46 години. Двапати го победи ракот. Сега ѝ треба уште една шанса.

Замислете – да имате 33 години и да ви кажат дека имате рак на дојка. Да се изборите. А потоа по две години – повторно. И повторно да победите. Анета точно тоа го направи. Два пати.

Но животот не беше фер. Во 2025, по повеќе од деценија мир, болеста се врати – овој пат како карцином на хранопроводот. Потешко. Поагресивно. Но Анета е истата жена која не знае да се предаде.

Од декември е на хемотерапија. Телото ѝ се бори – срцето и органите се во добра состојба, терапијата ја поднесува храбро. Лекарите велат дека постои вистинска шанса за излекување – но потребна е операција кај врвен специјалист во Германија, хирург кој има огромно искуство токму со вакви случаи.

Таа шанса постои. Но чини повеќе отколку што едно семејство може само да собере. Анета не бара сожалување. Таа бара само можност – можност да продолжи да се бори онака како што знае. Можност да ја види својата ќерка како матурира, како студира, како создава свој живот. Можност да го добие и третиот круг со оваа болест.

Секој денар ја приближува кон таа операциска сала.
Секое споделување значи дека уште еден човек ќе ја слушне нејзината приказна.
Секоја молитва е сила што таа ја чувствува.

Не мора да донирате многу. Не мора да донирате воопшто ако не можете. Но ако можете да споделите – направете го тоа. Бидејќи некаде, некој што вие го познавате можеби е токму оној кој ќе помогне Анета да стигне до Германија.
Двапати победи. Помогнете ѝ да победи и третпат.

СО едно вртење на телефонските броеви: 143 478 за корисниците на А1 и 143 303 за корисниците на ТЕЛЕКОМ донирате 100 денари.

Донации се собираат и на хуманитарните платформи: Павел Андреев на следниот ЛИНК: https://pavelandreev.org/mk/campaign/pomognete-i-na-mojata-aneta-povtorno-da-pobedi

и на ECROWD.МК на следниот ЛИНК: https://ecrowd.mk/projects/6e28c39e-6f08-4a14-9190-5fcc35cfc4bd?fbclid=IwY2xjawQESx9leHRuA2FlbQIxMABicmlkETJoU0RobUJrUWJYaXJqU3Fic3J0YwZhcHBfaWQQMjIyMDM5MTc4ODIwMDg5MgABHmBYYcfKa-sSWAvHSj0np783wMZjYgwAxuHkrd5aeXHELuSUOWEAOMmaHxgF_aem_P3TKjvQta7uZ1PiFnop4aw

Продолжува осовременувањето на општина Кавадарци, каде општинските власти се во тек со модерното живеење во градска средина. Ако во Прилеп и во други општини низ државата, се’ уште проблем се неисчистени шахти и сливници по улиците, во градот од Тиквешијата ваквите проблеми се одамна надминати, а сега општината вложува во модерни сообраќајни решенија, меѓу нив е и поставување на светилки на пешачките премини.

-Се поставуваат смарт светилки пред пешачките премини на ул. „Илинденска“, на спојот со ул. „Партизанска“, со цел зголемена видливост и поголема безбедност на пешаците. Денеска се поставени 12 светилки. Доколку се покажат како ефикасни, во наредниот период ќе бидат поставени и на други улици на територија на Кавадарци – напиша на ФБ градоначалникот на општината, Митко Јанчев.