Лунарниот извидувачки орбитер (LRO) на НАСА, роботско вселенско летало кое орбитира околу Месечината за да го мапира природниот сателит на Земјата, забележа чуден пар кратери на површината, за кои научниците веруваат дека биле предизвикани од ракетен удар. Фотографиите, сепак, поставуваат прашања колку и одговори, бидејќи изгледа различно од претходните ракетни удари на Месечината.
Новооткриената мистерија лежи во фактот што местото на ударот има два кратери, наместо еден, што инаку е вообичаено.
Фотографијата на LRO покажува мал пар нови дупки во кратерот Херцпрунг, огромно древно место на удар на таканаречената темна страна на Месечината. Двата кратери заедно се широки околу 27 стапки во дијаметар.
Ударните кратери од првата фаза на ракетата се веќе забележани, бидејќи НАСА има слики од овие удари од мисиите Аполо 13, 14, 15 и 17 кои слетаа на Месечината во 70-тите години на минатиот век. Природата на овие нови кратери е она што ги прави збунувачки. Научниците претходно го забележаа погонскиот дел од ракетата на пат кон судир со Месечината, но нејзиниот извор не беше познат. И по ударот ниту една држава не презеде одговорност за настанот, пренесува Drive.