Драго Ј., иако е роден во 1948 година, повторно почна да постои дури во 2007 година. Имено, до март истата година, мајката на Драго, Вероника, го криела од светот. Заклучен во соба, со решетки на прозорецот, Драго живеел повеќе од половина век. За апсурдот да биде уште поголем, куќата на ужасот била на само неколку стотини метри од центарот за социјална работа на Бел Манастир, пишува Вечерњи лист.
Приказната за Драга, кој животот го помина во домашен притвор, без никаков контакт со надворешниот свет, пред 16 години ја потресе Барања и цела Хрватска.
„Невидливиот човек“ поминал 59 години од животот во куќата кој се наоѓа на улица Владан Десница 26 во Бел Манастир. Одвреме-навреме, мештаните, ноќе, на светлото гледаа силуета на маж во куќата, но не знаеја дека тоа е синот што мајката од раното детство го заклучувала во куќата, внимателно криејќи го од светот, пишува Вечерњи.
Соседите, со кои новинарите разговараа во 2007 година, тврдеа дека никогаш не го виделе Драго. Колку добро го криела мајка му говори и неверојатниот податок дека дури ни сопругата на неговиот брат не го видела, иако првите години од бракот живееле на иста адреса и делеле двор.
Накратко, речиси шест децении несреќниот човек всушност не постоел, бидејќи никој, освен неколку членови од неговото семејство, не знаел за него. Не си играл со врсниците, не славел родендени, не одел на училиште… Драго никогаш не запознал други луѓе, дури ни неговите први соседи. Не излегувал од дома да ужива во топлината на сонцето, да го почувствува ветерот на лицето, дише свеж воздух. Тој бил затворен 24/7 во четирите ѕида од неговата мала соба.
Единствениот прозорец, во таа соба на тагата, гледа кон дворот и е како затвор, обезбеден со решетки, кои се поставени на сите прозорци на куќата на ужасот, изградена на почетокот на минатиот век.