-На 29.10.2022 во 17.00 часот било пријавено дека во периодот од 27.10. до 29.10.2022 непознати сторители со употреба на соодветен алат од Градскиот стадион „Гоце Делчев“ во Прилеп односно од трансформаторот одзеле 40 парчиња кабел со должина од околу 30 тина метри. Се работи на расчистување на случајот – информираше во билтенот со дневни настани МВР денеска.
Но, според она што го дознаваме, ова не било прва кражба на градскиот стадион “Гоце Делчев” во Прилеп. Во само еден месец имало дури 4 провалувања од кои две завршиле со кражби.
Според информациите кои ги добивме во другата кражба биле украдени акумулаторите од агрегатите, а сторителите се уште не се пронајдени.
Фудбалските љубители во Прилеп се згрозени од оваа информација и бараат МВР час поскоро да ги открие сторителите на овој вандалски чин.
