Руската Амбасада во Македонија постави мермерен крст во Лешочкиот манастир во чест и спомен на руските монаси кои на почетокот на дваесеттиот век емигрирале од Русија во Македонија и живееле во манастирот.
Руските монаси тука ја остварувале својата служба, пренесувајќи ги обичите и верата од Македонија во Русија и обратно, при што дале голем влог и придонес во обновувањето на монаштвото во Македонија.
Крстот, по налог на амбасадорот на Руската Федерација во Македонија, Олег Шчербак е изработен од високо-квалитетен мермер, а изработката е уникатна, односно истиот е изрезбан од еден мермерен блок, наместо да се прави на делови па потоа да се склопува. Ваквиот начин на изработка е многу редок и ексклузивен, но долготраен и впечатлив.
