Дефанзивецот на Кристал Палас, Папе Суаре имал сериозна сообраќајна несреќа по која со хеликоптер бил префрлен во болница, но е надвор од животна опасност.
26-годишниот фудбалер направил тежок судар, по што кровот на неговиот Мерцедес бил исечен за да можат да го извадат.
Поради сериозноста на инцидентот, тој со хеликоптер бил префрлен во болница, има повреди на повеќе делови од телото, но не се сериозни по неговиот живот.
Суаре минатата сезона одигра 34 натпревари за Кристал Палас, оваа година беше стартер во првите три кола, тој е важен играч за Алан Пардју.
