Почна украсувањето на домовите во пресрет на Нова година.
Сите украсуваат по свој вкус, но да бидеме реални најубавите украси се навистина скапи.
Еве прекрасна идеја за која не ви треба ниту денар, а ќе добиете прекрасни снешковци.
Потребни ви се бели чорапи, малку ориз, неколку копчиња и парчиња ткаенина. Сето тоа сигурно веќе го имате дома.
Доколку сакате снешко со помала димензија исечете го чорапот од отворениот крај. Остатокот наполнете го со ориз (можете да искористите и памук како полнеж) и закрпете го отворот.
Потоа определете од каде сакате да се двои главата и преврзете го чорапот со конец или парче ткаенина. Заврзете му шалче од парче ткаенина, сошијте копчиња на средината од снешкото, а од остатокот од чорапот може да му направите капче кое исто така ќе го зашиете за главата. За очите и носот може да искористите обоени циркони или зрна бибер.
На вашите дечиња сигурно ќе им се допадне.
