Пингпонгарите на “Младост96” извојуваа многу значања победа во Радовиш во 9-то коло од Супер лигата на Македонија. Убедливо со резултат 5-2 го победија домашниот тим на Радовиш. Многу зрело одиграа сите тројца пингпонгари и успехот беше неминовен. Стомнароски беше играчот кој извојува три победи, а Рикалоски и Штаргоски извојуваа по една победа и еден пораз.
Кога е најпотребно младите, а веќе искусни пингпонгари одиграа најдобро и во висок ритам. Со оваа победа ППК “Младост96” е многу блиску до обезбедување опстанок во лигата што е приоритет на сите во клубот. На табелата од петто до осмо место има четири клубови со по 4 бодови. Во наредното 10-то коло ППК “Младост96” игра на домашен терен со ППК “Телеком Нец” и со уште една победа целта ќе биде на дофат.
