Maкедонија не загуби од Исланд. Нордијците не издржаа против храброста и решителноста на нашите репрезентативци, кои од 50-тата минута целосно се вратија во мечот и со многу жар стигнаа до конечни 27:27 и обезбедија дуел со Норвешка во осминафиналето.
Две победи, два порази и еден нерешен резултат е епилогот од групната фаза на Светското првенство во Франција и трето место на табелата зад Словенија и Шпанија.
Иако во првото полувреме се чувствуваше заморот од вчерашниот исцрпувачки натпревар против Шпанија, како и на почетокот од второто полувреме, нашите момци веруваа во себе и го зададоа последниот удар.
Најзаслужен за нерешениот резултат е голманот Колев кој реализираше 13 одбрани, од кои најважна беше онаа во последниот напад на противникот, кога фати жива топка и не дозволи ново водство на Исланд.
Капитенот Лазаров расположен до самиот крај, постигна 7 голови од 12 обиди, зад него се најдоа Манасков со 5 погодоци, и Георгиевски со 6.
Македонија е во осминафинале, Македонија може и повеќе!
Напред момци!