Дилемите се расчистени, местото на Карачиќ ќе му припадне на Павел Атман. Тој ја продолжува кариерата во дресот на Вардар, откако вчера го раскина договорот со Хановер, доаѓа како слободен играч. Пристигнувањето во црвено-црниот тим го потврди за сајтот на руската ракометна федерација- https://rushandball.ru/.
Драго ми е што по тешкиот период во кариерата добивам шанса да заиграм за Вардар. Позитивно размислувам, веќе разговарав со тренерот и со управата. Најважно од се е здравјето да ме служи, да немам проблеми со повредите и да ги оставам зад себе сите случувања од изминатиот период. Ако тоа се случи, ќе се вратам во старата форма- вели Атман.