Во недела 19-06-2016 во Прилеп ќе се одржи натпревар во Микс боречки вештини-ММА “Крал Марко Опен”. На натпреварот ќе учествуваат 10 клубови од Македонија и 2 клубови од Р.Србија од Белград и Краљево, со што овој пат натпреварот добива интернационален карактер. На програмата се 12 ММА борби, поделени во два дела, воведни борби и главни борби. Во првиот дел ќе настапат натпреварувачи помлади од 18 години и натпреварувачи без искуство, додека во главниот дел се борбите со поисксуни натпреварувачи. Учевствуваат клубови од Прилеп, Битола, Охрид, Кичево, Гостивар, Скопје, Куманово, Штип. Натпреварот има за цел собирање на искуство кај борците, тренерите и судиите, дружење меѓу спортистите и промоција на ММА спортот во Прилеп и Македонија. На почеток на натпреварот ќе има 3 грапплинг борби и 2-3 ревијални борби на млади членови, кои за прв пат ќе имаат можност да го почувствуваат адреналинот во салата. Ревијалните борби немаат натпреварувачки карактер.
“Од нашиот центар ќе учествуваат 3 учесници во Граплинг борбите и 4 натпреварувачи во ММА. Имаме добра организација за натпреварот, исполнети се сите услови за одржување на еден ваков аматерски натпревар. Очекуваме добри и интересни борби, добро дружење помеѓу клубовите и спортистите”, истакнуваат организаторите од клубот Максам Фајт – Прилеп.