Видеолотарија Касинос Австрија и оваа година нуди извонредно заокружување на годината за играчите на видеолотариските терминали. Од 01.12.2025 официјално, активни се новите џекпот добивки -РОЈАЛ ЏЕКПОТ. За празниците веруваме дека многу играчи ќе се радуваат на оваа добивка во вредност до 12 милиони денари.

Почнува најубавиот период во годината. Времето кога сите си замислуваме убави желби и веруваме во убави изненадувања. Видеолотарија Касинос Австрија со цел да одговори на задоволството на нашите верни играчи на видеолотариските терминали, одлучи да внесе и дополнителни џекпот добивки.

Од 01.12.2025, Видеолотарија Касинос Австрија ја активира дополнителната џекпот добивка-.РОЈАЛ ЏЕКПОТ. Овој џекпот има дефиниран опсег на добивка од 8 до 12 милиони денари. Очекуваме празничниот период да донесе многу среќни добитници.

Потребниот влог за постигнување на оваа добивка е 40 денари по спин на видеолотариските терминали.

Покрај добивките РОЈАЛ ЏЕКПОТ, во игра се и добр познатите џекпот добивки-Милионер и Мини џекпот. Побарајте ја најблиската ВЛТ локација, уживајте во празничната магија и забавувајте се одговорно.

Почина Кирил Тодороски – Темпо (роден на 23.12.1957), еден од сопствениците на компанијата Ројтем од Прилеп, позната под брендот Елит Кафе.

-Кирил зад себе остава силен печат, како човек со препознатлив позитивен дух, голема посветеност и љубов кон својата работа. Со години беше двигател во развојот на компанијата, присутен во секојдневието на вработените, клиентите и партнерите. Неговата насмевка, поддршка и искрена човечност ќе недостасуваат на сите што имаа чест да го познаваат – напишаа од компанијата во соопштение на социјалните мрежи.

На семејството, пријателите и сите блиски им изразуваме искрено и длабоко сочувство.

Телото ќе биде изложено на Нови градски гробишта во Прилеп на 04.12.2025 (четврток) од 10:00 до 12:00 часот, а погребот ќе се одржи во 12:00 часот.

Нека му е вечна слава и мир на неговата душа.

На 19. декември градот под “Марковите Кули” уште еднаш ќе го прослави својот заштитник, Свети Николај Чудотворец, архиепископ Мирликиски.

Од 2006 година со акт на локалната самоуправа Св. Никола е прогласен за заштитник на Прилеп, а во центарот на градот беше подигнат и параклис во негова чест. Ова ќе биде 18. пат прилепчани заедно да ја чествуваат градската слава и заштитникот на градот, а оваа година домаќини се општествено одговорните компании “МАТАДОР” и “БИМФУД”.

Маркукуле како и секоја година, и оваа ќе известува за сите новитети околу подготовката на градската слава, а дознаваме дека посната трпеза оваа година ќе ја подготват врвните мајстори од “РУСТИКА Кетеринг”.

Прилепчани и сите гости во центарот на градот ќе ги дочека богата трпеза, која не може да се замисли без малите посни сармички, вкусното светиниколско гравче и риба. Сето тоа одлично ќе оди со греано винце, топла ракија и топол чај.

Повелете на Св. Никола во Прилеп!

Театарот „Војдан Чернодрински“ со претставата „ЧИСТА КУЌА“ од Сара Рул, во режија на Тамара Стојаноска ќе гостува во неколку градови во земјава и во странство.

На 4 -ти декември 2025, претставата ќе биде изведена во театарот во Струмица, на 6-ти декември во Велес, а на 13-ти театарот, “Војдан Чернодрински“ ќе гостува во Никшиќ, Црна Гора.

Публиката во овие три града ќе има можност да ја проследи „Чиста куќа“, претстава што раскажува длабока човечка приказна за животот и смртта, преку пет различни, но меѓусебно испреплетени ликови…. Претставата го истражува ширењето на емпатија и начинот на кој се справуваме со траумите од детството — во нашиот случај, преку вицови, како средство за преживување, бегство и поврзување… Чистењето во претставата не е само физичка активност, тоа е метафора…. Претставата се движи на границата меѓу реалноста и имагинацијата, користејќи елементи на магичен реализам за да ги прикаже емотивните состојби на ликовите, каде вицовите можат да лекуваат и убиваат, а љубовта може да живее и по смртта. Сара Рул, со својот препознатлив поетичен стил ја претвора секојдневната болка во нешто магично, духовито и лековито. „Чиста куќа“ не е само приказна за чистење простор, туку за чистење на внатрешниот емотивен хаос.

Податоци за претставата:

Драматургија: Лидија Митоска-Ѓорѓиевска
Сценографија, дизајн на плакат и рекламен материјал: Филип Коруновски
Музички соработник на режисерката: Ана Митоска
Избор на костими: Тамара Стојаноска во консултација со актерската екипа
Фото : Фан продукција Зоран Пилоски

Актерска екипа:

ЛЕЈН – Даниела Иваноска
МАТИЛДА – Наташа Ачански
ВИРЏИНИЈА – Катерина Чакмакоска-Клинческа
АНА – Јасмина Мицовска Станкоска
ЧАРЛС – Димитар Ѓорѓиевски

Игор Николоски, професор во нижото музичко училиште “Ордан Михајлоски-Оцка” и советник во Советот на општина Прилеп, е нов заменик градоначалник на општината, дознава Maркукуле.

Николоски е единствен советник од претходниот состав на ВМРО-ДПМНЕ, кој одново се најде на советничката листа на локалните избори во октомври годинава.

Заменик градоначалникот на општината се избира од редот на советниците, а одлуката за тоа ја носи градоначалникот. Неговата задача е да го заменува првиот човек на општината во случај на неможност да ја извршува функцијата.

Во изминатите четири години двајца советници ја имаа таа улога, прво Ирена Стерјовска Локвенец, а откако ја презеде функцијата Претседател на Совет, заменик градоначалник беше и Диме Бозоски.

Илјадници новогодишни светилки го осветлија централниот плоштад “Слобода” и централното градско подрачје вчера во Штип. Македонскиот центар на Истокот, блесна во прекрасно новогодишно руво, а глетката е магична.

Градот држи лекција за цела Македонија, како треба да изгледа едно урбано место во пресрет на празничните денови.

Уживајте во фотографиите во продолжение:

Во пресрет на големото и светло празнување на Божиќ – моментот кога Божествениот Младенец ја осветлува земјата, раѓајќи се во скромна пештера за да ни ја донесе неизмерната радост на спасението, нашите домови се повикани да блеснат со традиционален празничен украс.

Нека во секое семејно катче и оваа година засветли Витлеемската пештера, како силно сведоштво за настанот што се случи пред повеќе од два милениума во таа тивка и свештена Божиќна ноќ.

​Следејќи го барањето на нашиот верен народ, а со благослов на епископот Антаниски г. Партениј, и оваа година сестринството на Рајчичката обител се потруди да изработи традиционални Божиќни украси во вид на некогашната Витлеемска пештера. Овие украси се збогатени со иконата на Рождеството Христово и со кандило, давајќи им можност на сите заинтересирани да го надополнат Божиќниот амбиент во својот дом, во духот на нашата православна традиција.

Сестрите од Рајчица со голема љубов кон Бога, трпение и молитви за мир и благосостојба, изминатите години имаат изработено стотици пештери во различна големина, кои красат многу домови, цркви, но и простории на компании, фирми, институции.

И овој пат, рачно изработените Божиќни пештери ќе можете да ги нарачате на следниов број: 077 551 287 кај сестра Филотеја

​Нека Божиќната радост се всели во секој православен дом!

Министерството за внатрешни работи ги прими новите специјализирани возила за мобилно мерење на брзината – најсовремени „Форд“ модели опремени со интегриран радарски систем, камери со висока резолуција и софтвер за моментално лоцирање и документирање на прекршоци.

Возилата ќе патролираат низ целата држава и ќе детектираат пречекорување на дозволената брзина во градски средини, на регионални патишта и на автопат. Од МВР засега не откриваат кога системот ќе биде ставен во редовна употреба, но неофицијално се очекува да стане дел од нови мерки за зголемена сообраќајна безбедност.

Уставната судијка Јадранка Дабовиќ Анастасовска поднесе оставка. Таа во образложението кое го доставила до Собранието вели дека оставката е поради лични причини, односно поради промени кои настанале во втората половина од годинава, а кои се од семејна природа.

-Вршењето на функцијата судија на Уставен судија во изминатиов период за мене беше голема чест и одговорност и се трудев функцијата во овој период да ја извршувам одговорно, со голема посветеност и максимално професионално. Но, како одговорен човек по настанатите непредвидени околности сметам дека нема да можам да работам на предмети со целиот свој капацитет, кои најчесто не се од мојата потесна професионална определба на која сум се усовршувала цели 40 години, пишува судијката Дабовиќ.

Таа го известува Собранието дека од први јануари се враќа на професорската позиција на правниот факултет при УКИМ.

Од Уставниот суд потврдија дека се информирани за поднесената оставка на судијката Дабовиќ Анастасовска.

На денешната седница на Извршниот одбор на СДСМ, на предлог на претседателот Венко Филипче, заменик претседателката, потпретседателите, генералниот секретар, организациските секретари, како и сите членови на Извршниот одбор поднесоа оставки, соопштија од партијата.

Од СДСМ информираат дека оставките се поднесени до Централниот одбор на партијата и до претседателот Филипче, кој го води процесот на внатрешни реформи во СДСМ.

-Со овој одговорен и морален чекор раководството на СДСМ отвори простор за ново поглавје. Следува период на кадровско освежување и зајакнување, вклучување и на нови лица, организациска поставеност, внатрешна мобилизација, за нова сила и нова енергија на СДСМ, се наведува во соопштението.

На една од наредните седници на Централниот одбор, претседателот Филипче ќе предложи избор за членови за органите на партијата а за функциите ќе се бираат најкомпетентни личности.

Останува да видиме дали ова ќе биде можност за единствениот пратеник на партијата од Прилеп, Миле Талевски, да се најде во високото раководството…