Македонија го доби арбитражниот спор по тужбата од инвеститорите во рудникот “Казан дол” и успеавме да заштедиме 115 милиони евра, истакна на денешната прес конференција вицепремиерот и Министер за транспорт, Александар Николоски, кој е и Претседател на координативното тело на Владата за арбитражни спорови.

-Втората убава работа која што сакам да ја споделам со сите вас, е донесената пресуда во арбитражната постапка, позната во јавноста како “Казан дол”, каде што државата беше тужена од страна на неколку инвеститори во рудникот Казан дол во Валандово. Нивното барање беше оштета од 115 милиони евра, и можам со гордост да кажам, како претседател на координативното арбитражно тело на Владата, дека овој случај го добивме. Сите 11 основи по кои што беше тужена државата се одбиени, и заштедени се 115 милиони евра, потенцијална оштета која што требаше државата да ја плати во овој случај, истакна Николоски.

Вицепремиерот Николоски потенцираше дека претходната Влада овој случај го затворила во 2023 година и со тоа се согласиле државата да плати 115 милиони евра оштета.

-Морам да потенцирам дека случајот не беше лесен, имајќи предвид дека претходната Влада веќе го имаше затворено со завршни зборови кои што се случиле на 18. јануари 2023год., но по доаѓањето на оваа Влада, ние побаравме случајот повторно да се отвори, и истиот беше отворен на 28.јануари оваа година. Кога тужителите сфатија дека не им се добри работите, понудија спогодба со Владата на помала сума, таа варираше од 35-48 милиони евра. Ние таа спогодба ја одбивме, затоа што бевме убедени во нашите аргументи, и тоа излезе точно, односно го добивме овој случај, и Македонија нема да плати ниту евро во случајот “Казан дол”, потенцираше Николоски.

Како куриозитет, вицепремиерот спомена дека инвеститорите од “Казан дол”, како свој застапник ја имале една од најдобрите адвокатски канцеларии во светот, тоа е “Омнија стратеџи” од Лондон, предводена од Чери Блер, сопругата на поранешниот британски премиер, Тони Блер.

Тој изрази сомнеж дека арбитражните спорови во изминатите години се решавале на штета на државата, и праша дали поединци намерно тоа го правеле во договор со одредени инвеститори.

-Откако го предводам ова тело, во координација со премиерот Мицкоски и со членовите на Владата, доста активно работиме на отворените арбитражи против државата, и би сакал да изразам сомнеж, затоа што немам повеќе од сомнеж во моментов – Дали овие арбитражни спорови против Македонија, биле отварани само затоа што така мислеле инвеститорите, или имало некаков договор со одредени членови во Владата, и како тоа наеднаш успеваме ние да ги добиваме, а претходно беше убедувана јавноста дека истите ќе бидат изгубени? – праша Николоски.

Талентираната девојка од Прилеп, Александра Трајческа, која е позната и како придружен вокал на бендот „Crossroad Blues Band“, но и како соло изведувач, има нова песна и видео спот.

Најновиот проект е насловен како “Те чекам”. Музиката, текстот и аранжманот на песната се оригинално дело на Горан Пајак Трифуновски – фронтмен на бендот “Пеперминт”, а спотот е резултат на тимска работа со одлични професионалнци и актери.

Иако има само 21 година, Александра зад себе има богато музичко резиме со неколку одлични песни и видео спотови, како и низа награди од домашни и меѓународни фестивали и музички талент шоуа.

Во видео спотот за “Те чекам” играат актерите: Томе Темелкоски, Петар Јошески, Матеја Грујоска, Андреа Микулек, Александар Ристески, Михаил Грашкоски, Андреј Димитровски, Ева Ѓуракова, Санела Шукриевска

Режијата е на Горан Пајак Трифуновски, камерата на Игор Ѓураковски, а монтажата на Аристид Филаков.

Props assistant: Марија Димкароска

Костимограф: Марија Пупучевска

Костими: Ангела Богеска

Шминка: Ирена Сенокозилоска

Спотот е снимен со поддршка од НУЦК „Марко Цепенков“ – Прилеп. Уживајте во продолжение:

Православна црква и нејзините верници денеска го слават празникот посветен на Преображение Господово.

Во православието овој празник се вбројува меѓу 12-те големи Христови празници и е посветен на споменот на настанот на Христовото преображение на гората Тавор во Светата Земја (Израел), кога тој ги објави своите последователни страдања и слава.

Во црковниот храм Св. Преображение во Прилеп традиционално беше одбележана храмовата слава. Голем број верници го исполнија црковниот двор, запалија свеќа и се помолија за здравје.

Тропар на празникот:

“Христе Боже, си се преобразил на планината, покажувајќи им ја на Твоите ученици Твојата слава, колку што можеа (да видат). По молитвите на Богородица и нас грешните да нé осветли Твојата вечна Светлина. Слава Тебе, Дарителу на Светлината.”

За многу години Празникот! Господ да им дарува здравје и спасение како на овогодинешните, така и на идните домаќини и на сите православни христијани!

Фудбалската федерација на Македонија (ФФМ) ја укина котизацијата за настап во Втора македонска фудбалска лига.

– За прв пат после речиси 15 години, второлигашките клубови немаат обврска да плаќаат котизација за учество во првенството. Оваа одлука, донесена по иницијатива на претседателот на ФФМ, Масар Омерагиќ, претставува значаен чекор напред кон создавање подобри услови за работа на клубовите, финансиско олеснување и унапредување на натпреварувањето. Вкупната финансиска сума од која се ослободуваат клубовите со оваа мерка изнесува 128.000 евра за една натпреварувачка сезона, што претставува директна поддршка и зајакнување на нивната стабилност, соопшти ФФМ.

Во однос на испразнетото место со истапувањето од лигата на Беса, ФФМ донесе одлука Преспа да биде вклучена во натпреварувањето и на тој начин, да се гарантира заштитата на интегритетот, континуитетот и натпреварувачката рамнотежа, како и доследното почитување на фер-плеј принципите во Втората македонска фудбалска лига.

На 22 август 2025 / петок/ од 19.30 часот во Ликовната галерија од ЦК „Марко Цепенков“ ќе биде отворена изложбата „Уметничкиот сон“ од уметникот Методи Исков, што е дел од програмата од областа на визуелни уметности за 2025 година, поддржана од Министерството за култура и туризам.

За изложбата:

Изложбата „Уметничкиот сон“ е посветена на истражувањето на сонот како симбол, инспирација и креативен импулс во уметноста. Секое уметничко дело, пред да се појави во материјална форма, започнува како визија, како интимен миг на замисла или сон што го носи авторот. Токму тој процес – од замисла до реализација – е централната тема на оваа поставка. Во рамките на изложбата се претставени дела од различни жанрови и техники: сликарство, графика, цртеж, скулптура, како и современи визуелни практики.

Оваа разновидност не само што ја прикажува богатата палета на индивидуални пристапи и изрази, туку создава и еден поширок контекст во кој посетителот може да се соочи со повеќе перспективи на сонувањето и креативното толкување на реалноста. Овој проект ја нагласува и важноста на културните институции и стопанскиот сектор во заедничката мисија за поддршка и афирмација на уметноста. Изложбата се реализира во Галерија при НУЦК „Марко Цепенков“ – Прилеп, со поддршка на компанијата Comfy Angel, чија соработка претставува значаен придонес во зајакнувањето на културниот живот во заедницата. Со „Уметничкиот сон“, публиката е поканета да влезе во светот на имагинацијата, да ги истражи сопствените соништа преку делата на авторите и да открие нови можности за разбирање на уметноста како универзален јазик што нè поврзува сите.

За уметникот:

Методи Исков е роден на 24.05.1990 година во Штип. 2009 година завршува Гимназија во Прилеп, јазично – уметничко подрачје. Во 2014 година дипломира наФакултетот за ликовни уметности во Скопје, отсек вајарство, во класата на проф. Станко Павлески. Покрај индивидуалните уметнички ангажмани, важен дел од неговото работно искуство е изработка на скулптури вклучени во урбанистички план на град Скопје,учевство при изработка на палета мозаици, од кои можат да се истакнат мозаиците во Црквата Св.”Констанин и Елена” – Скопје, мозаик поставен вo базиликата на Св. “Благовештение” во Незарет – Израел со ликот на “Пресвета Богородица”, мозаиците на Црквата Св. “Петка” – Прилеп, итн.

Повеќе мурали во градот Прилеп, од кои може да се истакне муралот во Градската Библиотека “Борка Талески” – Прилеп, уметничко уредување на Етно Крушево и многу други.

Учевствувал на повеќе групни изложби во Македонија и досега реализирал две самостојни изложби со наслов “Празна галерија” во 2018 година, “Празна галерија – ново поглавје” 2022 година.

Од групните изложби може да се истакне Биенале на млади уметници 2021 година кое се одржа во Музеј на современата уметност Скопје.

Член е на Друштвото на ликовни уметници на Прилеп од 2011 година, кога во 2020 година станува претседател на ДЛУП.

Моментално живее и работи во Прилеп како наставник за ликовна уметност.

Општинската изборна комисија Прилеп повеќе не е сместена во старата општинска зграда. Поради дотраената состојба и нефункционалноста на канцелариите, комисијата се пресели во нови простории во Центарот за култура „Марко Цепенков“.

Претседателот на ОИК Прилеп, Валентин Божиноски, информира дека во новата локација ќе се реализираат сите активности поврзани со претстојните локални избори во 2025 година.

Се очекува просторот да биде значително пофреквентен, особено со оглед на најавата од Државната изборна комисија (ДИК) за намалување на прагот за учество на локалните избори во октомври. Ваквата промена ќе им даде можност на независните кандидати, преку собирање потписи, да се вклучат во изборната трка за градоначалнички и советнички места.

Секоја убавина заслужува своја посебна приказна – и затоа Makeup Liza започнува ново поглавје!

Отсега, сите услуги кои ги сакате – шминка, маникир, педикир и депилација – ќе ги најдете во уште поубаво и топло уреден простор, на ул. “8ми Март”, веднаш во Старата прилепска чаршија, во близина на Саатот.

Ова не е само промена на адреса, ова е чекор напред – кон атмосфера каде секој клиент ќе се чувствува посебно, разгалено и инспирирано.

Тимот на Makeup Liza со радост ве очекува да ја споделите магијата на новото студио – местото каде убавината секогаш живее.

Makeup Liza – нова локација, истата љубов кон убавината!

Видеолотарија Касинос Австрија и оваа среда ќе биде дел од навивачите кои ќе ја бодрат машката кошаркарска сениорска репрезентација на Македонија во претквалификациите за Светскиот Куп 2027.

На 20 август – со почеток во 19:00 часот, во СРЦ „Кале“, машката сениорска репрезентација на Македонија го игра последниот натпревар од претквалификациите за Светскиот Куп 2027 година во Катар, овојпат против репрезентацијата на Унгарија.

Со овој меч, машката сениорска репрезентација на Македонија ќе го затвори претквалификацискиот циклус за Светскиот Куп 2027 година.

Под слоганот „Играј со најдобрите“, Видеолотарија Касинос Австрија продолжува да придонесува за поголеми успеси во македонскиот спорт. Со верба, гордо и силно – и на 20.08 ќе навиваме за црвено-жолтите!

Православна црква и нејзините верници денеска го слават празникот посветен на Преображение Господово.

Во православието овој празник се вбројува меѓу 12-те големи Христови празници и е посветен на споменот на настанот на Христовото преображение на гората Тавор во Светата Земја (Израел), кога тој ги објави своите последователни страдања и слава.

Во црковниот храм Св. Преображение во Прилеп беше одбележана храмовата слава, a со празнична вечерна богослужба во спомен на Преображението Господово, богослужеше Неговото Високопреосвештенство, митрополитот Петар со отците од Прилепското архиерејско намесништво.

Нека е за многу години и напомош!

Преображението Господово е еден од осумте големи празници, кога и планината и водата почнуваат да се преобразуваат во зори, најавувајќи ја претстојната есен.

На Преображение, листот во планината и каменот во водата се преобразуваат, листовите почнуваат да жолтеат и да паѓаат, а водата станува постудена, па затоа не е погодна за пливање.

На Преображение, небото се претвора трипати во мpтBa ноќ. Кој го гледа тоа и им кажува на другите, се верува дека ќе го изгуби умот.

Според верувањата, не е добро да спиете во текот на денот за време на Преображението Господово, затоа што секој што заспива тој ден ќе се преобрази, па ќе биде дремлив во текот на целата година.

Не е добро некој да плаче тој ден, ниту е вредно луѓето да го поминат целиот ден во таверна – за да не се навикнат на тоа и да се погубени.

Празникот Преображение е во Богородичниот пост на кој задолжително се пости.

Грозјето се јаде за прв пат по Преображението, лешниците се берат на Преображение и се чуваат како лекови во текот на целата година, кога некој има болka во ушите.

Се верувало дека кога на пациентот му се давале вакви лешници за јадење, ќе се опорави.

Во некои места било обичај на Преображение жени и девојки да станат пред сонце и „малку да поработат од секоја женска работа“, бидејќи се верувало дека Бог ги преобрати (преобрази)да бидат вредни, а после не работат ништо цел ден.