Научниците докажаа дека кучињата можат да имаат позитивно влијание врз своите сопственици, а едно од вообичаените верувања е дека кучињата можат да препознаат човечки квалитети и да знаат кога некој ги лаже. Оваа тема беше обработена во студија спроведена од Акико Такаока, истражувач на Одделот за психологија на Универзитетот во Токио.

Во текот на неколкугодишно истражување на когнитивниот развој на животните, тој ја тестираше идејата дека кучињата знаат кога некој ги измамил и ги паметат луѓето што го направиле тоа на неколку различни начини. Оваа премиса се покажа како точна – не само тоа, туку кучињата ја губат довербата во некоја личност откако ќе бидат измамени.

Еден од овие експерименти се одвивал вака: неколку чинии со храна, волонтер, кучиња. Едно лице поставило празни чинии, кои кучето не можело да ги види сè додека не им се приближи. Постапката беше повторена неколку пати, и на крајот се покажа дека кучињата запомниле кој ги измамил. Кога ова лице влегло во собата, повеќето кучиња биле рамнодушни, а неколку кучиња беа лути. Во исто време, тие покажаа наклонетост кон оние што не ги изневерувале и вистински им дале храна во чиниите, пишува National Geographic.

Друга студија, спроведена од научници од Одделот за психологија на Универзитетот во Кјото, покажа дека тие разбираат ако некој се однесува лошо кон членовите на нивното семејство и ќе се однесуваат соодветно. Она што ќе го направат зависи од карактерот на кучето, но тие разбираат што се случува.

Во експериментот учествувале кучиња придружени од нивните сопственици и неколку волонтери кои не ги познавале. Тие имале задача: некои од нив се однесувале убаво кон своите сопственици, додека други им викале и се однесувале агресивно.

Кога волонтерите потоа им понудиле храна на кучињата, откриле нешто многу интересно. Оние кои се однесувале добро кон своите сопственици немале проблеми: кучињата ги прифаќале нивните закуски и галење. Но, оние кои биле груби предизвикале негативна реакција: некои кучиња не сакале да го прифатат колачето, некои го правеле, но дури и оние кои го земале не биле расположени за понатамошно дружење, туку едноставно се оддалечиле.

Уникатно место каде се спојуваат стилот и вкусовите, локал кој му даде нов шмек на градот, каде кафето не е само почеток на денот и обичен пијалок додека разговарате со пријатели на маса, туку претставува предизвик и уметност.

Тоа е “ШИШАМ БАР”, местото кое за кратко време стана омилено катче за сите генерации. За тие малкумина што не знаат, локалот се наоѓа во населбата “Ѓоргдере” покрај Градската река, во непосредна близина на мостот “Табана”.

Во исклучително урбан амбиент, украсен со вкусно избрани детали, тука се приготвуваат можеби најдобрите вкусови на кафе. Љубезен персонал ќе ве послужи од менито со богата понуда на вкусови, кафе кое изгледа како уметничко дело, што ќе ви биде буквално криво да го промешате.

Го служат најдоброто illy кафе, што е причина плус за локалот да биде посетен преку целиот ден и да се бара маса плус. Прилепчани тука за прв пат пробаа вкусови што се вистинска реткост во цела Македонија.

Ако ни верувате нам, за се’ уште топлите денови ви препорачуваме нешто од ледените вкусови, како Caramel Iced и Tiramisu Iced coffee, соврешни за уживање.

Вљубениците пак во добра мача, нема да погрешат со ниту еден вкус, а ги има со јагода, банана и мача лате.

Она што вистина изненадува се цените, кои се достапни за сите, што е доказ дека можело и вака, да се нудат богати пијалоци со врвен квалитет, а гостите да платат многу помалку.

Веруваме дека после ова веднаш ќе ги посетите. Поминете квалитетно време со вашите најблиски и пријатели во атмосфера каде секој период од денот е уживање.

“ШИШАМ БАР” ве очекува!

На 21.09.2025 во 17:09 часот на ул.„Крушевска република“ во Битола, полициски службеници од СВР Битола го лишија од слобода М.М.(71) од Битола.

При радарска контрола, полициските службеници утврдиле дека тој управувајќи патничко возило „голф” со германски регистарски ознаки се движел со брзина од 105 км/ч на место каде дозволено е 50 км/ч.

По документирање на настанот, против М.М. ќе биде поднесена кривична пријава за кривично дело ,,безобѕирно управување на моторно возило” согласно член 297-а од КЗ.

Грчкиот клуб Аминтас, кој настапува во Втората лига и е предводен од тренерот Адријано Котевски, успешно го одработува подготовителниот период пред почетокот на новата сезона. Во составот играат македонските ракометари – тројцата прилепчани: Синиша Павлов, Стефан Лозаноски и Владимир Трајкоски, кои веќе се наметнуваат со своите настапи.

Сите тројца ракометари летово потпишаа за грчката екипа, која има амбициозни планови за во иднина.

На првата контролна средба против Пилеа, Аминтас запиша победа со 30:26. Павлов и Трајкоски постигнаа по осум погодоци, додека Лозаноски се запиша со четири. Вчерашниот дуел против Воден, екипа која минатата година го заврши шампионатот на второто место, заврши со минимален пораз од 32:31. Иако резултатот не беше во нивна корист, избраниците на Котевски оставија силен впечаток и покажаа дека можат да играат рамноправно и против многу поквалитетни ривали.

На тој натпревар особено се истакна Павлов со дури 14 погодоци, а Лозаноски реализираше 10 пати.

Наши читатели од Крушево ни испратија фотографии од фудбалскиот стадион во градот, ако ова воопшто може да се нарече фудбалски стадион…

Стадионот кој е дом на ФК Питу Гули е во очајно лоша состојба. Испокршени трибини, рѓа, обраснат со разни растенија… тешко на таа публика и деца кои ќе седнат овде и ќе гледаат фудбалска утакмица, веројатно половина ќе завршат со скршени нозе, раце, ‘рбет…

Прашањето е што правела локалната власт на актуелниот градоначалник Томе Христоски цели 8 години? Зарем за одржување на дрвени трибини, фарбање на ограда и косење се потребни многу пари?

Крушевчани бараат итно да се реагира пред некој да се повреди….

Вицепремиерот и министер за транспорт Александар Николоски денеска оствари средба со Н.Е. Кристоф Ле Риголер, амбасадор на Француската Република, на која се разговараше за унапредување на економската соработка меѓу Република Македонија и Француската Република.

На средбата присуствуваа и претставници на бизнис заедницата на Француската Република пред кои беа презентирани можностите за отпочнување и унапредување на значајни инфраструктурни проекти од стратешка важност за државата.

На средбата беа потенцирани добрите билатерални односи меѓу двете земји, а беа разменети мислења и ставови за политичките и економски прашања во земјава и регионот.

Вицепремиерот Николоски ги претстави развојните планови на Владата и планираните инфраструктурни проекти, особено проектите кои имаат регионално значење и со кои се придонесува за забрзан економски развој на земјите од регионот.

Во среда, 24.09., со почеток од 13часот, во Лапидариумот при НУ Завод и музеј Прилеп, ќе биде отворена изложбата “Прилепските вајари творци како феникси”.

На изложбата ќе бидат презентирани дела од третата генерација на прилепски вајари како продолжение на генерациската љубов кон негување на скулптурата во Прилеп.

До среда во земјава ќе преовладува претежно сончево и топло време. Од четврток попладне следува период на променливо облачно време со повремени локални врнежи од дожд, соопшти Управата за хидрометеоролшки работи.

Според најавите, во петок се очекува да дува умерен до засилен јужен ветер, а врнежите на места ќе бидат проследени и со грмежи. Дневната температура ќе започне да опаѓа, особено за време на викендот.

По незаборавните вечери во Охрид, Делчево, Штип, Струмица, Битола и Гостивар – концертниот караван „Македонијо, во срце те носиме“ со полна енергија и патриотски дух пристигнува и во Прилеп!

Градовите ширум Македонија веќе одекнаа со звуци на љубов, традиција и гордост. Илјадници луѓе се собраа под отворено небо, со едно срце и една песна – за Македонија. На концертот во Битола, платото пред Офицерскиот дом беше претесно за сите што сакаа да ја почувствуваат магијата на 14-те нови композиции – химни на љубовта кон татковината. Во Гостивар, емоциите кулминираа со силна порака: Македонската песна живее! Сега, таа иста енергија и топлина во среда на 24 септември пристигнува и во Прилеп. Концертот кога на плоштадот „Методија Андонов – Ченто“ на сцената ќе блеснат: Бојана Скендеровски, Наум Петрески, Зуица Лазова, Ламбе Алабаковски, Спасен Силјаноски, Андријана Јаневска, Сузана Спасовска, Александар Тарабунов, Огнен Здравковски, Миле Кузмановски, Марија Спасовска и Мина Блажев е со почеток во 20:00 часот,

„Пеевме во Охрид, Делчево, Штип, Струмица, Битола и Гостивар – сега е време тоа да го сториме и во Прилеп! Песната нѐ обединува, ни дава сила и нѐ потсетува кои сме“, порачуваат од Скендеровски продукција, организаторите на оваа музичка мисија.

Прилеп и прилепчани, подгответе се да пееме – за Македонија, со срце!

Министерството за внатрешни работи објави тендер за нови униформи за замена на старите, непрактични и нефункционални униформи со нови, модерни, квалитетни и функционални по терк на европските полиции – стои во соопштението на веб страната на МВР.

Соопштението од МВР во целост го пренесуваме во продолжение:

Министерството во процесот кој е целосно транспарентен и одговорен, оствари технички дијалог со дури 13 заинтересирани компании при што беа земени во предвид сите сугестии и предлози. Министерството апелира на тендерот да се јават сите заинтересирани компании и во утврдените рокови да може да се промовира новата, модерна, квалитетна и функционална униформа за оние кои се грижат за безбедноста на македонските граѓани. Македонската полиција заслужува да биде модерна и функционална европска полиција.

Новата униформа во себе ќе содржи елементи како виндјакна, теренска јакна, теренски панталони летни и зимски, кошули со кратки и долги ракави, капи, маички, чевли со потенок и подебел ѓон и високи зимски и летни тактички чизми.

Тендерот е објавен на електронскиот систем за јавни набавки на следниот линк и на него можат да учествуваат сите заинтересирани компании.

https://e-nabavki.gov.mk/PublicAccess/home.aspx#/dossie/a61cf1a0-5c40-4c78-b556-6d09a87ae0fa/1