И оваа година беше одбележан Денот на Дрвото, каде што зедоја учество и извидниците од Извидничкиот одред “ФЕНИКС“ – Прилеп, кој е млад извиднички одред. Со група на извидници составена од помладите и постарите извидници, тие ја засадија својата иднина со засадувањето на дрвцата и дадоја придонес до зголемување на зелените површини, а со тоа покажаја уште еднаш дека се примерни граѓани на опшеството и извидници кои се грижат за природата.

Премиерот Никола Груевски вчера во рамки на посетата на Прилеп го посети манастирскиот комплекс „Свети Архангел Михаил“ во Варош, Прилеп, на кој во тек се работи на реконструкција на источниот конак.

– Почетоците на овој манастир се некаде од 10 век, а првите фрески се од 12 век и од 14 век. Тоа е нешто што е вредно не само за Прилеп, туку и за Македонија. Тука како Влада инвестиравме во изградба на нов конак кој ќе го користат сестрите од овој манастир. Инвестирани се вкупно 18,5 милиони денари, 14 милиони се за објектот, а дополнителни 4,5 милиони се за ентериерот, рече премиерот Груевски кој во обиколката на манастирот беше придружуван од министерката за култура Елизабета Канчевска Милевска.

Конакот е на вкупна површина од 292 метри квадратни и треба да биде завршен до крајот на оваа година. Проектот го реализира Заводот за заштита на спомениците на културата и Музеј Прилеп и е во вкупна вредност од 18,5 милиони денари. Манастирскиот комплекс „Свети Архангел Михаил“ датира од 12 век, а првите конаци се изградени во 1831 година.

Вашиот редовен забавник радио Холидеј го прослави дваесеттиот роденден. Во одлична атмосфера, со многу пристутни гости од бизнис секторот, градоначалникот на Општина Прилеп и пратениците во Собранието на Р. Македонија, радио Холидеј приреди одличен пречек, достоен за вистински медиум.
Пелагониското радио е број еден радио на регионално ниво и е прогласено како такво од страна на Агенцијата за аудио визуелни медиумски услуги. Секојдневно работи во служба на граѓаните, известува за сите настани и случувања, а пред се работи во служба на подобрување на расположението и забавување на граѓните.

Вечерва во ресторанот Центар во Прилеп, домаќините ги пречекаат своите гости на достоинствен начин со богата музичка програма и шведска маса.
Екипата на маркукуле.мк беше генерален покровител на настанот и се потрудивме на достоинствен начин да ви ја доловиме атмосферата од оваа прослава.
Инаку радиото опстојува од 02.12.1995г. и постојано напредува. Прилепчани го имаат како свој бренд и препознатлив знак кога се говори за медиумите преку радио брановите.
Од сопствениците дознаваме дека овој бизнис не е ни малку лесен и евтин, но со залагање и макотрпна рбота, како и со поддршка на маркетингот, опстојуваат успешно и стабилно. Задоволни од својата работа, низ насмевки ни предочија дека упорноста и умешноста се клучни за да се успее и да се створи вакво нешто што опстојува толку долго.
Им посакуваме уште многу успешни години на работа, а на граѓаните на Прилеп и регионот им сугерираме редовно да ја слушаат програмата на радио Холидеј.

[Best_Wordpress_Gallery id=”87″ gal_title=”Radio Holidej”]

Симулациска вежба на терористички напад била организирана на Универзитетот Стратмор во Најроби , но наместо како поука за тоа како да се однесуваат за време на потенцијална закана, вежбата завршила трагично.

30 лица биле повредени, а една жена починала откако се фрлила од прозор, бидејќи била преплашена.

Во неуспешната симулација на полицијата страдала 33-годишната Естер Кидамби, една од вработените службенички на факултетот.

-Одеднаш слушнав стрелање, за кое подоцна се испостави дека се само ќорци. Во тој момент бев толку исплашена, што само се стопив во толпата и продолжив да трчам кон излезот. Меѓутоа, овде нé пречека уште еден маскиран човек со оружје во рацете, па инстинктивно излегов преку прозорецот, рекла една од студентките.

Наскоро следувало панично стампедо на луѓе кои во тој момент се нашле во зградата.

Многумина завршиле со потешки повреди, како повеќекратни скршеници на рацете и нозете.

Она што е чудно што никој на универзитетот не знаел дека станува збор за симулација, а од полицијата рекле дека на тој начин сакала да види како цивилите се однесуваат во случај на терористичкиот напад. Експериментот за жал завршил трагично.

Државното средно училиште „Кузман Јосифовски Питу“ во Прилеп денеска доби нова сала, инвестиција на Владата вредна 24 милиони денари, во рамки на проектот за изградба на 145 училишни спортски сали, во кое настава посетуваат 500 ученици.

Објектот го предаде во употреба премиерот Никола Груевски кој подвлече дека образованието и спортот во изминатите години се меѓу најголемите приоритети на Владата.

– Поттикнувањето и негувањето на спортскиот дух кај младите сметаме дека е исклучително важен чекор во воспитувањето на нашите деца. Преку спортот се чува здравјето, се развива чувството за тимска работа, за почитување на противникот, за истрајност и упорност да се достигне посакуваното. Сепак, за да ја негуваме спортската традиција нужно е да имаме спортски сали, игралишта и терени на кои нашите млади ќе може да се запознаат со спортот. За таа цел Владата изминативе неколку години започна со реализација на повеќе капитални инвестиции чија цел е да се надополни сето она што не било направено од сите претходни влади, односно да изградиме спортски игралишта и сали во секое место во Македонија каде недостигале и има услови да се изградат, рече премиерот Груевски.

Тој подвлече дека во рамки на големиот спортски проект за изградба на 145 училишни спортски сали ова е третата сала која ја пуштаат во употреба во Прилеп.

Четврта сала е во фаза на градба за потребите на ОУ „Добре Јованоски“, а во наредните години во план за градба се уште три други сали.

Меѓу инвестициите во спортот во Прилеп тој потсети дека се изградени две фудбалски игралишта, едно тениско игралиште, како и повеќенаменско спортско игралиште, а се планира изградба на уште едно тениско игралиште во училиштето „Мирче Ацев“ и уште едно повеќенаменско спортско игралиште во Канатларци.

– Сето ова јасно говори дека инвестициите на Владата за спортската инфраструктура во Прилеп се навистина богати. Покрај спортските терени, постојано инвестираме и во поголем број училишта на територијата на Прилеп. Така, само во изминатите години на територијата на оваа општина во сите основни и средни училишта преку разни санации и реконструкции се инвестирани над 10 милиони евра. Најголем дел од овие средства се од Владата и од локалната самоуправа, подвлече премиерот Груевски.

Меѓу позначајните проекти тој ги издвои изградбата на монтажните училишта во Чепигово, во Галичани, во Беровци, како и реконструкциите и санациите во уште четири општински училишта. Посебно го издвои проектот за поставување систем за греење во ОУ „Кире Гаврилоски Јане“, кој се реализираше оваа година со што ова училиште првпат доби ваков тип греење.

Пуштено во употреба новото училиште во село Беровце

Инаку, премиерот Груевски денеска и официјално го предаде во употреба училиштето во село Беровце „Круме Волнароски“ за чија изградба Владата издвои 2,6 милиони денари, а во кое настава посетуваат над 30 ученици.

Заменик-министерот за образование и наука Спиро Ристовски истакна дека новата современа спортска сала во СОУ „Кузман Јосифовски Питу“ ќе ја користат учениците, но и жителите од овој дел на општина Прилеп во кој недостигаше ваков спортски објект, а кој се остварува согласно изборните ветувања.

– Ова е 49-та спортска училишна сала што ја предаваме во употреба во рамки на проектот за изградба на 145 училишни спортски сали и е уште еден пример за успешните инфраструктурни инвестиции во образованието, подвлече Ристовски.

Градоначалникот на Општина Прилеп Марјан Ристески нагласи дека оваа спортска сала која денеска се пушта во употреба ќе овозможи развој на спортот и спортските активности и ќе придонесе за подобрување на условите за изведување на наставата на учениците од ова училиште.

Спортската сала се протега на површина од 650 метри квадратни. Целосно е опремена со спортски реквизити и ќе овозможи тренирање кошарка, ракомет, мал фудбал, одбојка и гимнастика. Располага со туш кабини и засебен простор за наставниците.

Претходно премиерот Груевски во рамки на денешната посета на општина Прилеп присуствуваше на пуштање во употреба на нов фудбалски терен направен во соработка со Општина Прилеп и Фудбалската федерација на Македонија, вредна 300.000 евра. Фудбалското игралиште располага со нов терен со вештачка трева и нова пропратна опрема и е наменета за потребите на Спортската академија.

Во присуство на стотици граѓани, претставници од сите институции на системот, Претседателот на Владата Никола Груевски, вицепремиерот и министер за финансии Зоран Ставрески, градоначалникот на Општина Прилеп, Марјан Ристески, пратениците во Собранието на Р. Македонија, Димитар Стевананџија и Ана Лашкоска, како и генералниот директор на гигантот Гентерм, денеска во Прилеп  во тежнолошко- индустриската зона Алинци, отпочнаја активностите околу активирање на фабриката и нејзина доизградба. Фабриката на Гентерм се простира на територија од 38 000 м2 и претставува огромна инвестиција од 20милиони евра која ќе отвори 2000 директни и стотици индиректни вработувања. Од огромен бенефит за Прилеп и регионот, фабриката ќе значи опстанок и подобар живот за целото население, како и повик за нови инвеститори во иднина.

Премиерот Никола Груевски најави дека веќе е доведен и вториот инвеститор во зоната , германската фирма Акопласт, исто така од автомобилскиот сектор, која веќе регистрирала фирма во Македонија и е во завршна фаза за отпочнување на градба.

Премиерот потенцира дека најзаслужен за доведување на овој гигант во Прилеп е Алек Никоски, кој ги направил првите контакти и клучната презентација во убедувањето за инвестирање токму во Прилеп.

Во втора фаза е и инфраструктурното уредување на зоната, односно поврзувањето во водоснабдување и осветлување. Прилепчани имаа можност да видат еден огромен комплекс со многу градежна машинерија, работници и градежен материјал на секој чекор.

Од обраќањето пак на вицепремиерот Ставрески, дознаваме дека пред новогодишните празници ќе отпочне со изградба и експресниот пат Прилеп-Градско, кој ќе значи решавање на горливото прашање за поврзување на Прилеп со главниот град, подобар проток на стока и патници, а и бенефит плус за интерес на нови инвеститори.

Фабриката започнува со активирање на производството во месец март идната година, и ќе произведува делови за големи автомобилски гиганти како: Ферари, Бентли, Рено, Порше и .т.н.

Ова е почеток за еден нов Прилеп во иднина, Прилеп кој ќе биде атрактивна дестинација, економски стабилен Прилеп.

На 30 ноември 2015 год. седум ученици од економското училиште „Кузман Јосифоски–Питу“ ,со нивните ментори, зедоа учество во реализацијата на проектот „ЛИДЕР“- избор на најдобар ученик по струка од завршните години во стручното образование во Република Македонија.
Учениците беа номинирани по профили и тоа:
– Деловен Секретар – Толеска Јасмина и Томеска Кристина,
– Правен техничар – Ѓореска Андријана и Томеска Кристина,
– Банкарски техничар – Марија Мирческа и Филип Петрески,
– Економски техничар – Ивана Сурлаџиоска,
– Ментори/наставници:Вера Ристеска,Светлана Милошеска,Наталија П. Ристеска, Билјана Марковска и Весна Дворчанец.
Според рангирањето , од страна на ЦССОО освоени се две втори, две трети и две четврти места.
Изборот на најдобар ученик од економско–правна и трговска струка оваа години се одржа во СОУ„Јосиф Јосифоски„ во Гевгелија, во организација на Центарот за средно стручно образование и обука и Министерството за образование и наука на Република Македонија.

Руската државна корпорација Ростех го конструираше воздушното командно место на база на авионот Иљушин 80 кое до крајот на годината ќе му биде испорачано на руското Министерство за одбрана.
Станува збор за комплетно адаптирано летало за потребите на руската одбрана од кое ќе може од воздух да се командува со сите родови на руската војска.

Авионот е дополнително зајакнат за да биде отпорен на евентуални напади од воздух но истовремено е практично невидлив за противничките радари.

Леталото би се користело во случај на нуклеарна војна и ќе може преку него од воздух да се командува со војската но и да се активираат ракетните системи.

Американската компанијата „Гентерм“ денеска ќе започне со производство во фабриката што ја отвора во Технолошко-развојната зона во Прилеп. Во фабриката ќе се произведуваат клима уреди и појаси за автомобили, а пласманот ќе се реализира на европскиот пазар кај купувачи како бентли, рено, бмв, порше, фиат…,

Во производствениот капацитет на 21.500 метри квадратни се најавени 2.000 вработувања. Вредноста на инвестицијата на компанијата изнесува околу 20 милиони евра.

„Гентерм“ е глобална, брзорастечка компанија која произведува електроуреди за регулирање термална енергија во автомобили. Брои вкупно 9.000 вработени во капацитетите во САД и Украина, а годишно од продажбата реализира 800 милиони долари.

Руските полицајци уапсиле 52 шефови на криминалното подземје во Русија, во близина на Москва додека биле на таен состанок. Тие одржувале состанок во клуб во Подолск, на југот на Руската престолнина.

Полицијата успеала да ги фати криминалците благодарение на украдениот БМВ џип, кој тие го следеле до местото каде што ги уапсиле мафијашите!