Факултетот за информатички науки и компјутерско инженерство- ФИНКИ. при универзитетот „Св. Кирил и Методиј“ – Скопје денеска од 11 часот одржа протестен маратон по повод денот на ФИНКИ.
Маратонот се одржа под мотото „ФИНКИ нема зграда, трчаме до Влада“. Стартот беше од стариот дел на Градскиот парк, на кејот на Вардар, па до Владата.
По завршување на трката, се одржа и мирен протест пред Владата со цел подигнување на свеста во државата за подобрување на условите за студирање на студентите на ФИНКИ.
– ФИНКИ изминатиот период оствари повеќе средби со надлежните институции и се надева на позитивен исход и исполнување на дел од барањата, кои ги поставивме на минатиот протест одржан пред Владата, се вели во најавата од Факултетот за информатички науки и компјутерско инженерство.