Голгетерот од Прилеп е слободен играч, откако неодамна му заврши договорот со Удинезе. Нестоворвски изминатиот период се поврзуваше со потпис за Лече и англискиот Вотфорд, а за него се пишуваше дека се заинтересирани и клубови од Обединетите Арапски Емирати.
Сепак, се чини дека популарниот “Нестор гол” сака да остане во Италија, а во игра за неговиот потпис неофицијално влегува и Каљари.
Тимот од Сардинија сезонава испадна од Сериа А, а според италијанскиот новинар Џанлука Ди Марцио од „Скај Италија“, Каљари сака да го засили нападот со Несторовски за брзо враќање во италијанската фудбалска елита.