Нов протест “За заедничка Македонија” вечерва во Прилеп. Огромен број прилепчани се слеаа на улиците низ центарот на градот, одново кревајќи го гласот против прифаќањето на албанската платформа од Тирана од страна на СДСМ и нивниот лидер Зоран Заев.
Се бараат нови избори и попис за крај на наметнатата политичка криза во Македонија, и тоа што поскоро.
Се бара да се престани со омаловажување на македонскиот народ и газење врз неговата чест, достоинство и посебност.
Прилепчани горди што се на браникот на одбрана на државата и што имаат шанса да ја бранат својата татковина.
Пред реките народ вечерва во Прилеп се обратија прилепските доктори, кои со силни пораки застанаа на страна на своите сограѓани и кажаа “ДА” “За заедничка Македонија”.