Денеска во просториите на Општина Прилеп се одржа првиот почетен состанок за започнување на втората фаза од проектот Пречистителна станица. Во втората фаза, проектот опфаќа реконструкција на околу 45 км канализациска мрежа, средства во висина од 10 милиони евра обезбедени од ЕУ и Владата со што градот комплетно ќе го реши проблемот со третман на отпадните води. Рокот за изведба на втората фаза е две години од денот на потпишување на договорот и една година гарантен период.
