Во Прилеп се одржа семинар за микс боречки вештини – ММА, каде главен инструктор беше Марк Лајхнер. Прилепските борци од клубот “Максам Фајт” задоволни од прикажаното при што имаа што да научат.
“Целта на овој семинар беше промоција на ММА спортот, едукација на членови, борци и тренери. Инструкторот Марк Лајхнер презентираше и демонстрираше дел од своето големо искуство. Беа обработени неколку техники, варијации, дрилови, спаринг борби. Семинарот помина во најдобар ред, а учесниците беа задоволни од прикажаното. Ние како организатор и домаќини на семинарот сме презадоволни од гостувањето на Марк Лајхнер и од сите учесници. Договорена е понатамошна тесна соработка со “Каизен Академијата” во Белград. Наши членови-натпреварувачи, тренери, ќе одат на тренинг и обука во Белград, заеднички тренинзи и спаринг борби, припреми за следни борби, а сето тоа ќе се одвива по договор и под водство на инструкторот Марк Лајхнер, кој повторно ќе дојде во Прилеп за следни семинари”, изјавуваат од прилепскиот клуб “Максам Фајт”.
