АЛИ АХМЕТИ ПОТВРДИ: ДУИ влегува во преговори за владина коалиција со победникот на изборите ВМРО-ДПМНЕ!

Претседателот на ДУИ Али Ахмети за ТВ 21 потврдил дека започнал со преговори за формирање на нова влада со победничката, односно партијата која има освоено највеќе мандати на предвремените парламентарни избори.

Иако во одговор за ТВ21 лидерот на ДУИ потврдил дека ќе преговара за формирање на владина коалиција со партијата која добила највеќе пратенички мандати на последните предвремени парламентарни избори, тој негирал дека досега имало било какви официјални средби помеѓу него и мандатарот Никола Груевски, или пак средби на било какви работни групи.

Претседателот на ВМРО-ДПМНЕ Никола Груевски во текот на вчерашниот ден предупреди дека доколку  ДУИ не го почитува принципот на преговарање со победникот, тогаш ниту неговата партија нема да го почитува овој принцип на наредните избори.

„Ако ВМРО-ДПМНЕ ка­ко по­бед­нич­ка пар­ти­ја би­де изиг­ра­на од ДУИ, не­за­вис­но кои ќе би­дат при­чи­ни­те за тоа, би­де­те убе­де­ни де­ка нас­ко­ро ВМРО-ДПМНЕ ќе се вра­ти на го­ле­ма вра­та во вла­да­та и тоа нај­мал­ку два ман­да­та по ред. И ќе би­де­ме без как­ва би­ло об­вр­ска при сос­та­ву­ва­ње­то на вла­да­та“, вели Никола Груевски.

Победничките партии во македонскиот и албанскиот блок имаат вкупно 61 пратеник со што е исполнет условот за формирање на Парламентарно мнозинство.

Оваа најава значи дека конечно и Зоран Заев ќе треба да си ја поднесе оставката која ја најави пред почетокот на изборниот циклус.

Коалицирањето сепак, не значи и прифаќање на условите од платформата која ја донесоа Албанските партии со посредство на Тирана и Приштина. Лидерот на ВМРО-ДПМНЕ Никола Груевски во двете последни интервјуа за „Дневник“ и „Република“ изјави дека тој е спремен за коалиција со ДУИ но не по секоја цена.

Ќе се оби­дам да сос­та­вам вла­да, но не по се­ко­ја це­на. Ако се оди по до­се­гаш­ни­те ус­та­но­ве­ни прин­ци­пи во Ма­ке­до­ни­ја, би тре­ба­ло да сос­та­вам вла­да. Ако се пре­кр­шат, с` е мож­но, ве­ли во ин­тер­вју­то за „Днев­ник“ ли­де­рот на ВМРО-ДПМНЕ, Ни­ко­ла Гру­ев­ски, по по­вод плат­фор­ма­та што ја об­ја­ви­ја ал­бан­ски­те пар­тии од Ма­ке­до­ни­ја, а чие ис­пол­ну­ва­ње е ус­лов за тие да ко­а­ли­ра­ат со ед­на од две­те ма­ке­дон­ски пар­тии во ид­на­та вла­да.

Извор: Инфомакс