Вредните раце на учениците од ООУ “Кочо Рацин” Прилеп и оваа година во пресрет на Велигденските празници изработија креативни украси и организираа панаѓур на кој заедно со нивните наставници ги изложија пред возрасните.
Целта на ваквите панаѓури кои во ова училиште се одржуваат два пати годишно, еднаш пред Нова година и еднаш пред Велигден е да се развива креативниот дух на најмалите, да се дружат и да им покажат на возрасните дека умеат да создадат нешто убаво.
Собраните средства од панаѓурот учениците ќе ги вложат во опремување на нивните училници, како и за хуманитарни потреби.
