Вчерашниот дуел од четвртфиналето во Лигата на шампиони помеѓу Јувентус и Реал Мадрид беше разочарувачки за фановите на “старата дама”. Иако очекуваа многу повеќе од своите миленици, Реал без така блескава игра успеа да дојде до огромни 0:3 пред реваншот во Мадрид идната недела, а најзаслужен за тоа беше Кристијано Роналдо со своите два погодоци.
Вториот негов погодок беше вистинска уметност и за тоа уште долго ќе се зборува во фудбалскиот свет.
Случајно или не, на вчерашниот билтен од обложувалниците “Моцарт” се наоѓа фотографија на која Роналдо шутира на истиот начин, и тоа токму против Јувентус.
“Се сеќавате на корицата на нашиот вчерашен билтен. Случајност? Не би рекле”, напишаа од “Моцарт” на својата Фејсбук фан страна.
