Не веруваме дека постои човек што би кажал нешто против хуманоста.
На 26.02.2020 во ресторан Белведере се одржа хуманитарна ракометна аукција во организација на Ротаракт Клуб Битола. На продажба беа изложени 9 дресови од РК Еурофарм Пелистер, кои што беа потпишани од ракометарите. Собраните средства ќе бидат претворени во вредносни ваучери од аптеките на Еурофарм и ќе бидат донирани на социјално загрозени семејства.
Еден од спонзорите на настанот беше и СН Осигурителен брокер АД Битола, компанија која често се вклучува во хуманитарни акции и е верен поддржувач на спортот, спортските активности и рекреацијата!
По завршетокот на аукцијата каде што беа собрани над 60.000 денари кои ќе бидат претворени во вредносни ваучери од аптеките на Еурофарм и ќе бидат донирани на социјално загрозени семејства, следуваше и изненадување за ракометарите каде што Финансиското друштво СН Финансии и Туристичката агенција ЈК Травел им доделија клуб картички со што стануваат членови на ова големо семејство.
СН Осигурителен брокер АД Битола препорачува да бидете хумани и да размислете кому би можеле да ја подарите својата љубов и поддршка.
Убаво е кога некој е секогаш на Ваша страна!