Речиси еден месец реки од народ се слеваат низ градските улици на Прилеп. Стравот кај граѓаните дека ќе ја изгубат својата држава ги крена на нозе, а секој ден ги има се повеќе.
Игнорантскиот однос кон македонската нација, од страна на Европската Унија, како и на раководството на СДСМ и албанските партии, дополнително ги разгоре страстите кај прилепчани.
Ако сега илјадници граѓани, излегуваат и го креваат гласот за унитарна Македонија и за отфрлање на платформата од Тирана, Прилеп ги памети и протестите од така наречената “шарена револуција”, кога за разлика од сега се уништуваше општествен имот и се плукаше и валкаше по се’ што е убаво и се’ што е вредно.
Прилепчани и вечерва го исфиркаа првиот човек на СДСМ Зоран Заев, како и нивниот сограѓанин, пратеник од СДСМ, Хари Локвенец.
Пораката на граѓаните е следна: “Нема да се откажеме и нема да се предадеме, Македонија мора да остане унитарна”.
Пред граѓаните се обрати Тони Чатлески, кој им ја пренесе поддршката од уметниците , а моќна порака упати и граѓанин кој учествувал во маршот “За заедничка Македонија” сите овие денови.