Градоначалникот Марјан Ристески, денеска се сретна со новоименуваната амбасадорка на Босна и Херцеговина, Лепа Бабиќ.
Градоначалникот Ристески и Бабиќ, разговараа за актуелните состојби во двете држави, а посебно внимание беше посветено на економската соработка. Двајцата се согласија дека од особена важност е да се развива економската соработка поинтензивно и да се постигне ново повисоко ниво. Ова е нивна прва посета на општината и градот. На денешната средба стана збор и за тековните проекти, активности и настани, а гостите беа запознаени и со проектите кои треба да бидат реализирани во иднина.
