Фотографот-аматер Ијан Бремнер тврди дека шетајќи околу езерото ги фатил познатите „три грби“ на чудовиштето од Лох Нес.
Фотографијата на 58-годишниот Шкотланѓанец само го загреа сомнежот на Островот дека легендарното суштество навистина постои, наведува „Сан“.
Бренер, занимливата сцена ја фатил барајќи по Хајлендс едно друго животно – црвениот елен.
Ноќниот чувар од Ниг рече дека не сфатил веднаш каква слика направил, туку дури кога стигнал дома и го прегледал материјалот направен од тој ден, односно во саботата, од брегот меѓу селото Дорс и Инвергајг.