Наставникот по географија во ООУ “Кире Гаврилоски – Jане” oд Прилеп, Милан Јаковоски, на оригинален начин избрал да им ги доближи убавините на Македонија на своите ученици, а со тоа и да им го збогати нивното знаење по наставниот предмет.
Минатата година тој избра седум дестинации за искачување, а учениците со задоволство ја прифатија оваа идеја, па помеѓу нивните дестинации се најдоа и планинските врвови Пелистер, Титов Врв и Кораб.
Јаковоски и неговите ученици оваа идеја ја продолжија и во оваа школска година и успешно ја реализираа програмата од географската секција.
-Програмата ја завршивме со дводневна тура од село Нежилово до изворите на Река Бабуна, потоа спиевме во планинарскиот дом “Чеплес” и следното утрото ја искачивме Солунска Глава, па повторно слеговме во село Нежилово. Претходниот период имавме неколку тури околу Прилеп, како, потоа врвот Магаро на Планината Галичица, Големото пелистерско езеро – истакна Јаковоски.
Во продолжение фотогалерија од авантурите на дечките низ убавините на Македонија:
