Филмот „Црната вдовица“ (Black Widow), работен според стриповите на „Марвел“, е во фаза на снимање, чија премиера се очекува за 1-ви мај 2020-та. Главната улога ја игра во моментот најплатената актерка на светот, Скарлет Јохансон.
Фановите на Марвел филмовите со нетрпение го очекуваат ова остварување, а особено Македонците бидејќи во него една од улогите ќе ја толкува македонската актерка Симона Живковска.
Младата 25-годишна Симона е родена во Скопје во 1994-та година, но во 2001-та година се преселила во Велика Британија каде што ја започнала својата актерска кариера. Во моментов ја застапува „Идентити ејџенси груп, а за добиената улога таа напиша дека и се реализирал сонот и дека е многу благодарна.
It’s official. I’ve been itching to let everyone know that I have joined the @marvel universe and taking part in this production. This whole process has been a dream come true & I am very grateful and humbled. None… https://t.co/XnHvz7j2ju
— Simona Zivkovska (@simonazivkovska) September 12, 2019
Првата телевизиска работа Симона ја добила на 17 години на почетокот на 2012 година. Таа ја играше главната жена во критички познатата драма на БиБиСи „Моето убиство“ во режија на Брус Гудисон. Оттогаш глуми во многу ТВ-емисии и играни филмови, како британската сапуница „Casualty“ на БиБиСи оне, добро познатата ТВ серија на Скај, „Devils“ и уште многу кратки филмови и театарски продукции.
За последната улога во вилмот „Црната вдовица“ Симона објави твит во кој се заблагодарува за поддршката.
Ви благодарам многу за поддршката во овој момент особено ми значи! Многу сум благодарна за оваа можност и се надевам дека ќе ја направам Македонија горда! ??❤️
— Simona Zivkovska (@simonazivkovska) September 12, 2019