Утре со почеток од 19:00 часот во спортската сала во СОУ “Ристе Ристески-Ричко” во Прилеп, ќе се одигра мечот од 12-то коло во машката ракометна Супер Лига, помеѓу екипите на РК Прилеп и РК Пелистер.
Прилепчани натпреварот го започнуваат од седмото место на табелата со 17 освоени бодови, а Пелистер се наоѓа на третото место со 22 бода, но и натпревар помалку од РК Прилеп.
Досегашните натпревари помеѓу овие два ривали секогаш биле проследени со многу овации, навивање и тензија, па истото се очекува и утре во Прилеп.