Во прилепските храмови вчера (30.08.) се одржа молебен за почеток на новата училишна година. Храмовите беа исполнети со стотици деца кои со внимание ја проследија богослужбата и ги примија молитвите за здравје, мудрост и успех.
Свештениците од прилепското црковно намесништво едно по едно ги поросија дечињата со осветена вода и на крај секое дете доби подарок.
Насмевките и радоста на најмладите верници беа јасен знак за Божјиот благослов и за посебноста на овој благословен ден.
Нека им е среќна и бериќетна новата школска година!
