СДСМ манипулира и си поигрува со пензионерите во Република Македонија. Власта со својата лицемepна политика гази врз над 310.000 пензионери и им го крати правото на повисоки пензии, стои во соопштението на ВМРО.
Од таму велат дека секогаш кога СДСМ е на власт удира по џебот на пензионерите.
“СДСМ додека беше опозиција ветуваше повисоки пензии, а сега од позиција на власт кога имаше можност да овозможи реално покачување на пензиите одби да го стори тоа. Пратениците на СДСМ на Комисијата за труд и социјална политика наместо да работат во корист на граѓаните, тие одлучија да застанат позади партиските интереси и го одбија предлог законот со кој се предвидуваше враќање на старата методологија за усогласување на пензии со која пензиите навистина ќе растеа”.
СДСМ со овој несериозен и лицемерен потег создава сериозен удар врз животниот стандард на пензионерите и наместо да им донесе живот како што ветуваше им носи беда, додаваат од ВМРО.
“За разлика од СДСМ, ВМРО-ДПМНЕ секогаш работело и ќе продолжи да работи во интерес на пензионерите. Додека беше ВМРО-ДПМНЕ на власт се донесоа голем број на мерки и проекти за подобрување на животот на пензионерите.Владата на ВМРО-ДПМНЕ континуирано ги зголемуваше пензиите па така најниската пензија порасна за 106% односно од 4.330 денари во 2006 година, се покачи на 8.895 денари, додека пак просечната се покачи за 80% и од 7.684 денари стигна до стигна до 13.754 денари.Токму затоа пензионерите знаат дека ВМРО-ДПМНЕ секогаш работи за нив, а СДСМ работи спротивно на нивните интереси”.
Од ВМРО велат дека две години додека се на власт, СДСМ докажаа дека не се грижат за животот на пензионерите. Негрижата и поигрувањето на СДСМ со пензионерите мора што побрзо да запре. СДСМ мора да си оди, за да се врати достоинството на македонските пензионери, додаваат од ВМРО.