Согласно член 45, 46, 47, 48, 49, 50, 51, 52 од Закон за основното образование (Сл.весник на Р.М. бр. 103/2008, 33/2008, 116/2010, 18/2011, 42/2011, 51/2011, 6/2012, 100/2012, 24/2013, 41/2014, 116/2014, 135/2014, 10/2015, 98/2015, 145/2015 и 30/2016) , член 10 од Законот за просветна инспекција на Р.М. ( Сл.весник на Р.М. бр.52/2005, 81/2008, 148/2009, 57/2010, 51/2011, 24/2011, 24/2013, 137/2013, 164/2013, 41/2014, 33/2015, 145/2015 и 30/2016), Им се соопштува на родителите(старателите) дека во месец мај 2016 година ќе се врши упис на првачиња во сите основни училишта во Општина Прилеп.
Запишувањето на првачињата во прво одделение ќе биде за сите деца кои до крајот на календарската година ќе наполнат шест години, односно сите деца кои се родени во 2010 година.
Детето може да се запише во прво одделение и доколку наполни шест години до 31 јануари наредната 2017 година но по претходно барање од родителите(старателите) и добиено мислење од стручните служби во училиштето.
Уписите во основните училишта се вршат согласно местото на живеење односно реонот на живеење.
При уписот во прво одделение во училиштето треба да дојдат родителот(старателот) или двајцата родители(старатели) и детето со потребните документи за упис( извод од матичната книга на родените, потврда за примените задолжителни вакцини за детето издадена од надлежна здравствена установа ).
За подетални информации родителите(старателите) да се обратат до основните училишта во Општина Прилеп.