Оваа година се одбележуваат 30 години од воспоставувањето на дипломатските односи (13 септември 1995) меѓу Република Македонија и Соединетите Американски Држави. Во чест на три деценискиот јубилеј се спроведуваат и планираат низа активности во двете држави, а централниот настан се одржа синоќа во Клубот на пратениците во Скопје.
На церемонијата се обратија министерот за надворешни работи и надворешна трговија, Тимчо Муцунски и амбасадорката на Соединетите Американски Држави, Анџела Агелер, а присутни беа претседателката Гордана Силјановска Давкова, премиерот Христијан Мицкоски, министри, пратеници, градоначалници, претставници на Амбасадата на САД, на Армијата, бизнис заедницата, верските заедници.
На настанот присутен беше и заменик министерот за економија и труд од Прилеп, Марјан Ристески, кој на социјалните мрежи порача:
-Голема чест ми беше да присуствувам на одбележувањето на Голема чест ми беше да присуствувам на одбележувањето на 30 години од воспоставувањето на дипломатски односи помеѓу нашата земја и САД. 30 години пријателство, цврсто партнерство и одлични билатерални односи кои ги поврзуваат македонскиот и американскиот народ.