Големата Германија на колена пред разиграните Македонци!
Македонија направи сензација и ја победи Германија на гостувањето во Дујсбург. Нашите момци во една рамноправна игра во сите 90 минути, ги изненадија Германците кои очигледно дека го потценија нашиот квалитет.
Стрелци на головите за Македонија беа Горан Пандев во 45-та и Елиф Елмас во 85-та минута. За Германија прецизен од пенал беше Гундоган во 63-та.
Македонија исто така беше оштетена за пенал при игра со рака на Емре Џан, но судијата не го виде тоа, па дури и му покажа жолт картон на Пандев поради несогласување.
Ова е втора победа за Македонија во квалификациите за Светското првенство во Катар, па сега сме на второто место во групата Ј со шест бода, исто колку и Германија.
