На Копаоник во Србија, вчера допатува македонската боксерска репрезентација на седумдневни висински припреми под водство на селекторот Петре Чурлиновски.
Нашата репрезрнтација се подготвува заедно со српската боксерска репрезентација во кадетска и јуниорска категорија.
Од Македонија присуствуваа 10 боксери, меѓу кои и репрезантивецот Трајче Илиоски од боксерскиот клуб “АС” од Прилеп.
Трајче припремите ги започна од 22 овој месец на младинскиот камп што го организира БФМ, под водство на тренерот Вели Мумин и тренерите, легендарнот Реџеп Реџеповски, кој има Олимписко сребро, Дарко Чатлески и Мице.
“Овие припреми се од големо значење за нашиот боксер. Не очекува втората сезона од бокс лигата на Македонија, каде имаме уште четири кола, Државното првенство и Европското кадетско првенство, што ќе се одржи во Русија на почетокот од октомври. Ова е голем придонес за боксот и младите боксери од страна на БФМ и Агенцијата за млади и спорт”, изјави Дарко Чатлески.
