Taлентираниот млад пејач од Прилеп, Филип Николоски има нова песна и видео спот
Се работи за прекрасен летен хит кој ќе претставува одлично освежување на музичката сцена. “Вози вози ме” е втора песна на Филип и само неколку часа откако беше објавена предизвика голем број позитивни реакции кај публиката.
За своето најново музичко достигнување Филип вели:
“Песната, исто како и претходната, е во договор со Рубин Димкоски, со кого решивме да направиме нешто малку поразлично.
Аранжманот и музиката се дело на маестро Рубин Димкоски, а текстот го напиша Душко Темелкоски. Бек вокалите ги отпеаја Викторија Стојческа, Маја Црвенкоска и Рубин Димкоски, а за прекрасниот видео запис се погрижија од “Фан продукција – Зоран Пилoски”.
Снимавме на две локации, едната е вештачкото езеро, и на патот Прилеп-Витолиште. Ова е втора моја песна по ред и во иднина се надевам на уште убави проекти, песни, па ако даде Господ и албуми и концерти”.
Во продолжение уживајте во “Вози вози ме”: