Нема поголема одговорност од таа да преземете обврска да ја креирате иднината преку воспитување и образување на идните генерации.
Во ООУ„Кире Гаврилоски-Јане“ оваа обврска сериозно си ја сватиле и заедно здружени како едно семејство неуморно работат во подигнувањето на младите генерации ,во креирањето на нашето подобро утре.
Од училиште кое скоро беше руинирано и оставено на забот на времето , училиште кое неретко беше одминувано од ученици кои припаѓаат на неговиот реон, прерасна во најпосакувано училиште во градот од учениците и родителите, кои нормално сакаат на своите најмили да им го пружаат најдоброто, па и најдоброто образование.
Последниве неколку години ова училиште е во полн процут на својот развој на инфраструктурен , но и на воспитно-образовен план.
Реализирани се навистина голем број на проекти а ке ги споменеме најважните:
-Променет е кровот на училишната зграда,
-Променета е комплетно старата дотраена дограма со нова ПВЦ дограма ,
-Инсталирана е превектронска громобранска заштита
-Комплетно се променети старите дотраени подови на двата ката со висококвалитетен под од линолеум
-Санирана е фасадата и адаптирани се наставничките кабинети
-Набавени се голем број наставно-образовни помагала
-Санирани се санитарните јазли
И можеби најважниот од сите проекти очекуван од самата изградба на училиштето е реализиран оваа година а тоа е инсталирање на централен систем за греење односно парно греење.
Во делот на воспитно-образовни подобрувања што училиштето ги има направено изминативе неколку години можеби најдобар показател е тоа што секоја година се зголемува бројот на запишани ученици . Се поголем е бројот на родители што им ги доверуваат своите најмили да учат и да се воспитуваат токму во ова училиште .
Нема поголема и поверодостојна валоризација на квалитетот од побаруваноста .
За целокупниот напредок и за реализирани проекти и добиени признанија , оваа година на предлог на советот на родители , Советот на Општина Прилеп одлучи ООУ„ Кире Гаврилоски-Јане “ да се закити со највисокото општинско признание –наградата 3ти Ноември.
Наградата ја прими директорот на училиштето Николче Кузевски кој пред присутните во преполната сала истакна дека работи со прекрасен колектив и дека напредокот е резултат на колективниот ангажман и залагање на сите вработени.
Исто така директорот посочи дека има континуирана подршка од Советот на Општината предводен од претседателот Никола Димески и од Локалната Самоуправа на чело со градоначалникот Марјан Ристески.