Победа попладнево го забележа четвртиот пораз во Втората лига-Исток, откако на стадионот во Кочани, црвено-белите со минимални 1:0 беа поразени од Осогово.
Осогово кој е новајлија во Втората лига со овој триумф ги доби и првите бодови, а Победа го забележа третиот последователен пораз.
Осогово и во претходните два дуели со прилепчани беше поуспешен, откако триумфираше со 1:0 во фудбалскиот Куп и 6:0 во пријателски натпревар.
Во наредното коло Победа ќе ја пречека екипата на Питу Гули од Крушево.
