Грчката влада ќе им понуди парична награда на сите млади Грци на возраст меѓу 18 и 25 години за првата доза на вакцината против ковид-19, како дел од напорите за зголемување на стапката на вакцинација пред летните одмори.
Грција доста добро го преживеа првиот бран на пандемијата, но беше принудена да воведе втора блокада во ноември со цел да се ослободи јавниот здравствен систем, пренесува „Ројтерс“.
Поради намалувањето на бројот на новозаразени, властите во Атина минатата недела го укинаа задолжителното носење маски на отворено, а на сите граѓани кои ги примија двете дози на вакцината им беше дозволено да одат на работа или во теретана без претходно тестирање.
Досега, околу 33 проценти од вкупната популација од 11 милиони луѓе се целосно вакцинирани, но расте растечката загриженост за можното ширење на заразна, делта варијанта на коронавирусот, поради што Владата размислува за стимулации за вакцинација.
– Заедно со првата доза на вакцината, (младите) ќе добијат картичка со кредит од 150 евра. Тоа им го должиме на младите како гест на благодарност – рече грчкиот премиер Кирјакос Мицотакис за време на владината седница.
Во Грција има околу 940.000 млади луѓе на возраст од 18 до 25 години кои досега ја примиле или ќе ја примат барем првата доза на вакцина до крајот на годината, а после тоа ќе можат да добијат паричен стимул или наречен „пас за слобода“.