Синоќа во просториите на ЦК „Марко Цепенков“ музичкото училиште Ордан Михајлоски – Оцка го одржа својот новогодишен донаторски концерт. На концертот беа присутни многумина гости, подржувачи на концертот, родители и љубители на убавиот музички тон. На градоначалникот Марјан Ристески и советникот за образование Марјан Матракоски им беа доделени плакети во знак на благодарност за поддршката која Општина Прилеп несебично му ја дава на ова училиште. Токму на овој концерт присутните имаа можност да ги слушнат учениците со своите претставувавања. Средствата собрани за овој концерт ке бидат искористени за купување на клавир, кој е од голема важност за ова музичко училиште.
На една прекрасно украсена сцена, во одличен новогодишен амбиент, учениците изведоја 26 точки од класичната и модерната музика.
Многу емоции и љубов предизвикаја точките на учениците кај присутните гости. Директорот Игор Николоски беше презадоволен од посетеноста и постигнатиот ефект.
[Best_Wordpress_Gallery id=”106″ gal_title=”MuzickoUciliste_NovogodisenKoncert”]